Pesalemo 46:2 - Tosi Tapu

² Ko le Atua ko se ulufaga mo se fanakiaga kia tatou, Ko se tokoi leia e leaise toe puli i le temi o le mamae.

Pesalemo 46:2 ပူးပေါင်းရင်းမြစ်များ

Lua tosi a Samuele 22:3

Ko le Atua ko loku utu, leia e kau maua ai se fakamalumaluaga, Ko loku paletau mo le makeke leia e saofaki ia au, Ko loku maloloaga taualuga mo loku kolo ulufaga. Ei loku Fakamauli ! e ke puipui au mei le fakamakeke.

Pesalemo 142:6

Eteleno ! ko koe leia e kau kalaga ki ai. E kau pati : Ko koe ko loku mumuniaga, Ko loku vaega i le kele o le kau mauuli.

Pesalemo 18:7

I loku mamae na kau fetapa ki le Eteleno, na kau tagi ki loku Atua : Mei lona fale sau, na logo a ia ki loku leo, Ti na kaku laku tagi ki ona mua, ki ona taliga.

Pesalemo 23:4

Ka kau saele i le vaivailiua o le malu o le mate, E leaise kau i fua ki se nea veli, talie e ke nofo mo au : Ko lou tokotoko mo lou malomu e fakafimalie ia au.

Pesalemo 27:3

Kapau e tanaki se kau tau kiate au, E leaise i fua loku loto. Kapau e lagai mai se tau kiate au, E kau apele loa i le fanaki i le nea lena.

Pesalemo 28:7

Ko le Eteleno ko loku makeke mo loku paletau. Na fanaki loku loto kiate ia, ti na fakamauli e ia au ; Koia e fiafia lasi ai loku loto, ti e kau fakafetai ai kiate ia i aku sua.

Pesalemo 37:39

E au le fakamauli o le kau agatonu mei le Eteleno : Ko ia ko lolatou puipuiaga i le aso o le mamae.

Pesalemo 59:17

Kae ko au, e kau sua loa lou makeke ; Talu mei le usu, e kau fakafetai loa ki lou agamalie. Talie ko koe ko se maloloaga taualuga kiate au, Ko se solaaga i le aso o le mamae.

Pesalemo 62:8

I le Atua e malolo ai loku fakamauli mo loku kololia ; Ko le utu o loku makeke mo loku ulufaga e nofo i le Atua.

Pesalemo 62:9

Atu kakai, ke kotou fanaki tuumau kiate ia, Ke kotou liligi okoutou loto i ona mua ! Ko le Atua ko lotatou mumuniaga. - Manava.

Pesalemo 82:5

E leaise lotou maua le iloa mo le atamai, E lotou saele i le fakapouli ; Kua taugaoi a fakatafito fuli o le malama nei.

Pesalemo 91:2

E kau pati ki le Eteleno : Loku ulufaga mo loku kolo tau, Loku Atua leia e kau fanaki ki ai !

Selemia 14:8

Ko koe leia ko le fanakiaga o Iselaele, Lona fakamauli i le aso o le mamae, Kolea e ke fai ai loa pe se matapule i le fenua, Pe se tagata fanoga leia e ulu ki ai o moe i le pouli ?

Naume 1:7

E agamalie le Eteleno, Ko se mumuniaga a ia i le aso o le mamae ; E iloa e ia latou ala e fanaki kiate ia.

Mateo 21:21

Na tali loa Sesu kia latou : E kau pati maoki atu kia koutou, kapau e kotou maua le tui ti e leaise kotou toe lotolotolua fua, e leaise kotou fai fua le nea leinei kua fai ki le fiki nei, kae ka kotou pati loa ki le mauga leinei : Mavae i lena, o ano ki le tai, ti e soko loa le nea a ia.

Luka 21:33

E puli le lagi mo le kele, kae e leaise puli aku folafola.

Epelo 13:6

Koia e mafai ai ke tou pati makeke ai : Ko le Aliki ko loku tokoi, e leaise kau i loa ki se nea ; Kolea e mafai e se tagata kiate au ?