Pesalemo 45:7 - Tosi Tapu

⁷ Ko lou ekeekeaga fakasau, ei Atua, e tuu o lee gato ; Ko le tokotoko o lau pule ko se tokotoko o le maokioki.

Pesalemo 45:7 ပူးပေါင်းရင်းမြစ်များ

Uluaki tosi o Sau 19:16

E ke toe pani lolo loa mo Seu, vosa o Nimesi, ko le sau o Iselaele ; ti e ke pani lolo loa mo Eliseo, vosa o Sapate, mei Apele-Meola, ko le polofeta ke fetogi ai a koe.

Pesalemo 101:8

I usu fuli e kau tapono loa a gutu o le kau agaveli fuli o le fenua, O tupu ke tamate i le kolo o le Eteleno Latou fuli ala e fai ia le veli.

Pesalemo 11:7

Talie e faitotonu le Eteleno, e alofa a ia ki le faitotonu. E tio a tagata maokioki ki ona mata.

Pesalemo 2:2

Kolea kua malaga ai ki aluga a sau o le malama nei, Ti kua kau ai a pule mo latou, O agatuu ki le Eteleno mo lona mesia ?

Pesalemo 21:6

E lasi lona kololia o tupu ko lou tokoi ; E ke teki kiate ia le gigila mo le fulumalie.

Pesalemo 33:5

E alofa a ia ki le faitotonu mo le maoki ; E apele le malama nei i le agamalie o le Eteleno.

Pesalemo 89:20

Koia na ke folafola ai loa ki lou alofaaga i se tio, Ti na ke pati loa : Na kau tuku loku tokoi ki se tagata toa, Na kau siki ki aluga i loto malie o le kakai se tama tupulaga ;

Pesalemo 89:26

E kau tuku loa lona lima ke pule ki le tai, Ti mo lona lima atamai ki atu vaitafe.

Pesalemo 99:4

Ke fakamalo ki le makeke o le sau leia e alofa ki le faitotonu ! E ke fakamakeke le maokioki, E ke fai le faitotonu mo le maoki i le fale o Sakopo.

Esaia 11:4

Kae e fakamaau loa e ia le kau mativa i le maoki, Ti e tuku loa e ia se fakamaau totonu ki le kau fakaaloalofa o le malama nei ; E taai loa e ia le malama nei ki lana folafola ofaipe lana taai ki se laakau, Ti e tamate loa e ia le tagata agaveli ki le tukumanava o lona gutu.

Esaia 9:6

E fakamafola loa e ia lana pule ki atu puleaga, E tuku loa e ia le tokamalie lee gato ki le ekeekeaga fakasau o Tavite, mo lona puleaga, Ti e fakamakeke loa e ia a ia ti mo poupou a ia ki le lao mo le faitotonu, I le temi nei o lee gato : Ko lena le nea e fai loa e le Eteleno o kau tau i lona alofa lasi.

Levitiko 8:12

Ti na liligi loa e ia le lolo tapu ki le fa ulu o Alone, ke fakatapui ai a ia.

Mateo 3:15

Na tali loa Sesu kiate ia : Tuku ke fai i le lakaga nei, talie e malie ake ke ta fakasoko i ai a nea fuli ala e totonu. Ti na leaise toe taofi loa a ia e Soane.

Mateo 7:23

Ti e kau pati loa kia latou i le lauatea : Na leaise kau iloa fua koutou, kotou fakamamao atu iate au, koutou ala na fai ia le agaveli.

Luka 13:27

Ti e tali loa a ia : E kau pati atu kia koutou, e leaise kau iloa pe ko koutou meifea ; kotou fakamamao atu iate au, koutou fuli ala e fai ia le agaveli.

Luka 3:22

ti na ifo loa le Laumalie Maokioki kiate ia o fakaata ki se lupe. Ti na fakasa loa e se leo mei le lagi, o pati : Ko koe ko loku Alo alofaina, ti ko koe leia kua kau tuku ki ai loku alofa katoa.

Soane 1:16

Ti kua tou tali fuli mei lona apele katoa le kalasia ki le kalasia ;

Soane 20:17

Na pati loa Sesu kiate ia : Auase ke fafa mai kiate au ; talie e leikiaise kau pale ki loku Tamana. Kae ke ke ano ki oku fetaina, o pati kia latou e kau pale ki loku Tamana ti ko lokoutou Tamana, ki loku Atua ti ko lokoutou Atua.

Soane 3:34

talie ko leia na kakau mai e le Atua e fakasa ia a folafola a le Atua, talie e leaise tuku e le Atua kiate ia le Laumalie Maokioki, o fakafuafua.

Gaoi 2:28

Kua ke fakasa kiate au a ala o le mauli ; Eke fakaapele loa au ki le fiafia i lou agai.

Loma 8:29

Talie ko latou ala na iloa fakatomua e ia, na fakatuutuu fakatomua foki e ia latou ke tatau mo le paaki o lona Alo, o tupu ke liliu lona Alo ko le uluaki tupu o ni fetaina toka api.

Efeso 1:3

Ke fakafetai ki le Atua, le Tamana o lotatou Aliki ko Sesu-Kilisito, leia na tapuaki ia tatou ki a tapuaki fakalaumalie fuli i potu fakalagi ia Kilisito !

Epelo 1:9

Kua ke alofa ki le faitotonu, ti kua ke vesia ki le agasala ; Koia, ei Atua, ko lou Atua na pani ia a koe Ki se lolo o le fiafia o lasi ake i ou kaukaunea.

Epelo 2:14

Koia i le kau o fanau ki le toto mo le kanofi, na toe kau foki a ia totonu ki ai, o tupu ke too ai e ia, i lona mate, le makeke o leia na maua ia le makeke o le mate, Satana ;

Epelo 7:26

Koia na aoga ai kia tatou ke tou maua se pule fai sakilifisio o tatau mo ia, maokioki, mo mea, mo lee mele, mo mavae kese mei le kau agasala, ti mo taualuga ake i le atu lagi,

Apokalipisi 21:27

Ti e leaise ulu loa ki ai se nea kelekele, pe ko se tasi leia e fai nea fakalialia, pe ko se tasi leia e loi ; kae e ulu loa ki ai latou ala kua tosi i le tosi o le mauli a le Akeno.

Uluaki tosi a Samuele 16:13

Na too loa e Samuele le talai manu, ti na liligi loa e ia le lolo ki le ulu o Tavite, ti na fakatapui loa e ia a ia i mua o ona fetaina. Na ifo loa le Laumalie o le Eteleno kia Tavite, talu mei le aso lena o sosolo mai ai. Na tuu ake loa Samuele, o toe liliu ki Lama.