Pesalemo 45:11 - Tosi Tapu

¹¹ Ke ke fakalogo mai, ei loku taine, ke ke tio ti mo ke fakalogo mai lou taliga ; Ke ke galoi lou kakai mo le fale o lou tamana.

Pesalemo 45:11 ပူးပေါင်းရင်းမြစ်များ

Pesalemo 2:12

Ke kotou sogi ki le Alo, talie na ita a ia, Kae kotou mamate loa i lokoutou ala, Talie e ula vave lona ita. Manuia latou fuli ala e fanaki kiate ia !

Pesalemo 45:6

E matakakai au gasau ; E sisiga loa ki lalo ni puleaga i ou vae ; E lotou pupui loa a mafu o fili o le sau.

Pesalemo 95:6

Kotou au, tou punou, ti tou fakataulalo i ona mua, Tou peluki otatou tuli i mua o le Eteleno, lotatou tupuaga !

Katiko o Katiko 1:8

Kapau e leaise ke iloa, e koe leia e fulumalie ake i fafine fuli, Muli i taga vae o ovi, Ti ke fagai au uviki koti I tafa o nofoaga o kau tausi manu.

Katiko o Katiko 2:14

A koe ko laku lupe, leia e nofo i pu o le utu, Leia e mumuni i potu faigataa, Fakasa mai ou mata ke kau tio ki ai, Masau mai ke kau logo ki lou leo ; Talie e logo malie lou leo, ti e fakaaloalofa ou mata.

Katiko o Katiko 2:2

Ofaipe se lilio i loto malie o ni laakau talatala, E fenaaki loku alofaaga i lotolotoga o taineliki tupulaga.

Katiko o Katiko 4:7

E ke fulumalie katoa, ei loku alofaaga, Ti e leai fua se ga mele iate koe.

Katiko o Katiko 6:4

E ke fulumalie ai, ei loku alofaaga ofaipe Tilitesa ; Mata fakaaloalofa ofaipe Selusalemi ; Kae fakaii ofaipe ni kau solia mo alatou manumanu.

Esaia 54:5

Talie ko lou tupuaga ko lou avaga : Ko lona igoa ko le Eteleno o kau tau ; Ti ko lou fakamauli ko le Sagato o Iselaele : E igoa a ia ko le Atua o le malama nei katoa ;

Sofoni 3:17

E nofo le Eteleno, lou Atua i loto malie o ou, ofaipe se tagata toa leia e fakamauli ia a koe ; E maua loa lona fiafia lasi iate koe ; E fakalologo loa a ia i lona alofa ; E sua fakafiafia loa a ia kiate koe.

Luka 24:52

Ti na lotou atolasio loa kiate ia, ti na lotou toe liliu loa ki Selusalemi i se fiafia lasi ai ;

Soane 20:28

Na tali loa Tomasi kiate ia : Ei loku Aliki mo loku Atua ! Na pati loa Sesu kiate ia :

Gaoi 10:36

Na kakau e ia le folafola ki vosa o Iselaele, o fakasa kia latou le tokamalie ia Sesu-Kilisito, leia ko le Aliki o tagata fuli.

Loma 14:9

talie na mate Kilisito ti na toe au a ia ki le mauli, o tupu ke liliu a ia ko le Aliki o le kau mate mo le kau mauuli.

Filipe 3:8

Ti kua kau tio foki ki nea fuli ofaipe ni nea ke tiaki, o tupu ko le malie tukupau o le iloa o Sesu-Kilisito loku Aliki, leia kua kau fakafiti ai ki nea fuli ; ti e kau tio ki nea ana ofaipe se pela, o tupu ke maua Kilisito ;