Pesalemo 45:10 - Tosi Tapu

¹⁰ E kau ni taine o sau i ou mamanaaga ; E nofo le fafine sau i lou fetuu atamai, kua teu a ia ki le aulo o Ofile.

Pesalemo 45:10 ပူးပေါင်းရင်းမြစ်များ

Senesi 12:1

Na pati loa le Eteleno kia Apalamo : Ano a koe i lou fenua, mo lou puleaga, mo le fale o lou tamana, ki le fenua leia e kau fakasa loa kiate koe.

Senesi 2:24

Koia leia e tonu ai ke mavae loa le tagata i lona tamana mo lona tinana, ti ke pipiki loa a ia ki lana avaga, ti e la liliu loa ko se tino e tasi.

Uluaki tosi o Sau 9:28

Na lotou ano loa ki Ofile, ti na lotou aumai loa mei ai se aulo, ko tane e kau agafulu tupu lua, o lotou ave loa ki le sau ko Salomone.

Numelo 10:30

Na tali loa Opapi kiate ia : E leaise kau ano loa mo koutou ; kae kau toe liliu loa ki loku fenua mo loku famili.

Mateo 10:37

Ko leia e alofa ki lona tamana pe ki lona tinana o lasi ake iate au, e leaise gali a ia mo au, ti ko leia e alofa ki lona vosa pe ki lona taine o lasi ake iate au, e leaise gali a ia mo au ;

Mateo 19:29

Ti ko leia e tuku ia loa, o tupu ko loku suafa, ona fetaina, mo ona tuagaane, mo lona tamana, mo lona tinana, mo lona avaga, mo ana fanau, mo ona kele, mo ona fale, e maua loa e ia o liuga kau lelau, ti e maua tofiga loa e ia le mauli lee gato.

Luka 14:26

Kapau e au se tasi kiate au, kae e leaise fakamuamua e ia au i lona tamana, mo lona tinana, mo lona avaga, mo ana fanau, mo ona fetaina, mo ona tuagaane, ti mo lona mauli totonu, ti e leaise mafai ke liliu a ia ko laku tisipulo.

Lua tosi ki le kau Kolinto 5:16

Koia, i le temi nei, e leaise ma iloa ai se tasi fua i le kanofi ; ti kapau na ma iloa Kilisito i le kanofi, i le temi nei e leaise koi ma iloa a ia i le fai lena.

Lua tosi ki le kau Kolinto 6:17

Koia e pati ai le Aliki : Kotou au kese meia latou, Ti kotou mavae kese, e pati le Aliki ; Aua na kotou fafa ki le nea leia e kelekele, Ti e kau tali loa koutou.

Tetelonome 21:13

E sau loa e ia ona teu pilisoni, ti e nofo loa a ia i lou loto fale, ti e tagi loa a ia ki lona tamana mo lona tinana i se masina katoa. I le oki o le nea lena, e ke ano loa kiate ia, ti e ke too loa a ia ma au, ti e liliu loa a ia ko lou avaga.

Tetelonome 33:9

Na pati a Levi ki lona tamana mo lona tinana : Na leaise kau tio kia laua ! E leaise fakamailoga kese e ia ona fetaina totonu, E leaise iloa e ia ana fanau totonu. Talie e lotou fai au folafola, Ti e lotou taupau lau sai.