Pesalemo 44:9 - Tosi Tapu

⁹ E motou fakakololia i le Atua i aso fuli, Ti e motou fakafetai loa ki lou suafa o lee gato. - Manava.

Pesalemo 44:9 ပူးပေါင်းရင်းမြစ်များ

Pesalemo 74:1

Katiko a Asafe. Kolea, ei Atua, kua ke tiaki ai matou o lee gato ? Kolea kua ke ita ai ki le kau manu o lou lotoa ?

Pesalemo 60:10

Ko Moape ko le fa tane leia e kau maanu ai ; E kau ti loku fa taka ki Etome ; Fenua o le kau Filisitini, ke ke fai ni kalaga fakafiafia kiate au !

Pesalemo 108:11

Ko ai e ave ia loa au ki le kolo tau ? Ko ai e ave ia loa au ki Etome ?

Pesalemo 60:1

Ki le pule o le kau sua. I le nota o le lilio fakaaloalofa. Imi a Tavite, ke ako.

Pesalemo 43:2

Ko koe, ei loku Atua, leia e puipui ia au, kolea e ke tekei ai au ? Kolea e tonu ai ke kau saele i le mamae, I le fakaveliveli a e le fili ?

Pesalemo 88:14

Ei Eteleno ! e kau tagi ki lau tokoi, Ti e pale atu i le usu laku kole kiate koe.

Selemia 9:23

E folafola le Eteleno, o pati : Ke aua na fakakololia le tagata poto o tupu ko lona poto, Ke aua na fakakololia le tagata makeke o tupu ko lona makeke, Ke aua na fakakololia le tagata mou koloa o tupu ko ona koloa.

Selemia 9:24

Kae ko leia e loto ke fakakololia, ke fakakololia a ia O tupu ko lana maua se atamai ti mo lana iloa au, Lana iloa ko au ko le Eteleno Leia e fai ia le agamalie, mo le lao, mo faitotonu i le malama nei ; Talie ko lena le nea e kau fiafia ai, e pati le Eteleno.