Pesalemo 44:3 - Tosi Tapu

³ Na ke kapu ki lou lima ni puleaga ke fakanofo latou, Na ke taai ni kakai ke fakamafolafola latou.

Pesalemo 44:3 ပူးပေါင်းရင်းမြစ်များ

Lua tosi a Samuele 7:23

Pe ia se tasi ake puleaga i le malama nei e tatau mo lou kakai, ke faipe Iselaele, leia na au le Atua o totogi ke liliu ko lona kakai, ti ke logologona, ti ke fai kiate ia ni milakulo mo ni nea fakamanamana i lou fenua, o kapu ni puleaga mo olatou atua, i mua o lou kakai, leia na ke totogi mei Esipito ?

Lua tosi o Koloniko 20:7

Pe leaise ko koe, ei lomatou Atua, leia na kapu ia le kakai o le fenua leinei, i mua o lou kakai ko Iselaele, ti na soli ia a ia o lee gato ki le sakoga o Apalaamo leia na alofa kiate koe ?

Pesalemo 111:6

Na fakasa e ia ki lona kakai le makeke o ana gaoi, O soli kiate ia le tofiga o atu puleaga.

Pesalemo 17:7

Fakasa lou agamalie, a koe leia e fakamauli ia latou ala e afa ia se mumuniaga, Ti e fakamauli ia latou ki lou lima atamai i olatou fili !

Pesalemo 20:6

E motou fiafia loa i lou fakamauli, E motou toso loa le manumanu i le suafa o lomatou Atua ; E tali loa e le Eteleno au kole fuli.

Pesalemo 4:6

Ke kotou momoli ni sakilifisio o le faitotonu, Ti ke kotou fanaki ki le Eteleno.

Pesalemo 42:11

E fatifati oku ivi mo ka nukinuki mai kiate au latou e fakaveliveli kiate au, O pati tuumau mai kiate au : Kofea lou Atua ?

Pesalemo 42:5

E kau manatui le temi leia na kau saele ai kae takatakai au e le kakai, Ti na kau taki ai latou ki le fale o le Atua, i loto malie o ni kalaga fakafiafia mo ni fakafetai A se kakai toka api i aso lalasi.

Pesalemo 74:11

Kolea e ke taofi ai lou lima, io, lou lima atamai ? Tatai a ia mei lou fatafata, ti ke maumaui !

Pesalemo 77:15

Ko le Atua a koe leia e fai ia ni nea fakatalatupua ; Na ke fakasa lou mafimafi i le lotolotoga o kakai.

Pesalemo 78:55

Na kapu loa e ia i olatou mua a atu puleaga, Kae na vaevae loa e ia kia latou le fenua ke lotou maua, Ti na fakanofo loa e ia a faasiga o Iselaele i olatou nofoaga.

Pesalemo 80:16

Puipui le nea leia na to e lou lima atamai, Ti mo le vosa leia na ke filifili !…

Pesalemo 80:9

Na ke taaki se vite i Esipito, Na ke kapu ni puleaga, kae na ke to a ia.

Ekesote 15:16

Kua mautoka latou e le lulu mo le i ; I le makeke o lou lima, E lotou liliu loa o gutu mate ofaipe ni fatu, O kaku ki le fakalaka o lou kakai, Eteleno ! O kaku ki le fakalaka O le kakai, leia na ke totogi.

Esaia 63:12

Leia na taki ia le lima atamai o Moisese, Ki lona lima fakakololia ; Leia na vaelua ia a vai i olatou mua, Ke logologona ai lona suafa o lee gato ;

Sakalia 4:6

Ti na toe masau mai loa a ia kiate au, o pati : Ko leinei le folafola leia e tuku e le Eteleno kia Solopapele : E leaise ko le fakamakeke pe ko le makeke, kae ko loku Laumalie, e folafola le Eteleno o kau tau.

Numelo 14:8

Kapau e loto malie le Eteleno kia tatou, ti e fakaulu loa e ia tatou ki le fenua leinei, ti e soli mai loa e ia le fenua leinei kia tatou : Ko se fenua a ia e sali ai le sua manu mo le sua meli.

Lua tosi ki le kau Kolinto 4:7

E ma amo le koloa lena i ni ipu kele, o tupu ke tuku le makeke lasi lena ki le Atua, kae leai kia maua.

Tetelonome 10:15

Kae, i le temi mua, na gato tasi ki ou tamana ala na pipiki ki ai le Eteleno, talie na alofa a ia kia latou. I le temi nei, ko koutou, ala ko lolatou sakoga, na filifili e ia i puleaga fuli, ofaipe lakoutou tio ki ai i le aso nei.

Sosue 24:12

ti na kau kakau loa i okoutou mua ni lago utiuti, ala na kapu ia loa latou o mamao mei okoutou mata, ofaipe sau e lua o le kau Amole : na leaise fai a nea ana e okoutou seleta mo okoutou kalolo.

Sosue 3:10

Na pati loa Sosue : E kotou iloa loa i le nea leinei e nofo le Atua mauli i loto malie o koutou, ti e kapu loa e ia i okoutou mua le kau Kanaane, mo le kau Eti, mo le kau Evi, mo le kau Pelesi, mo le kau Kilikasi, mo le kau Amole, ti mo le kau Sepusi :

Uluaki tosi a Samuele 12:22

E leaise tiaki loa e le Eteleno lona kakai, o tupu ko lona suafa lasi, talie kua malie ki le Eteleno ke fakanofo koutou ko lona kakai.