Pesalemo 44:2 - Tosi Tapu

² Ei Atua ! na motou logo i omatou taliga, Na fakamatala mai kia matou e omatou tamana, A gaoi lalasi ala na ke fai i olatou aso, le temi mua.

Pesalemo 44:2 ပူးပေါင်းရင်းမြစ်များ

Lua tosi a Samuele 23:12

Na tuu loa a Sama i loto malie o le faisaga, o malui a ia, ti na tamate loa e ia le kau Filisitini. Ti na fai loa e le Eteleno se saofaki lasi.

Lua tosi a Samuele 7:10

na kau soli se nofoaga ki loku kakai, ki Iselaele, ti na kau to a ia ke tuumau ti ke aua na toe galulu, ti ke aua na toe fakavelivelii a ia e le kau agaveli ofaipe mua,

Pesalemo 105:44

Na soli loa e ia kia latou a kele o atu puleaga Ti na lotou maua loa a fua o gaoi a atu kakai,

Pesalemo 78:55

Na kapu loa e ia i olatou mua a atu puleaga, Kae na vaevae loa e ia kia latou le fenua ke lotou maua, Ti na fakanofo loa e ia a faasiga o Iselaele i olatou nofoaga.

Ekesote 10:2

Ti toe tupu foki ke ke fakamatala ki lou vosa mo le vosa o lou vosa le nea leia na kau fai ki le kau Esipito, ti mo fakamailoga ala na kau fakasa i loto malie o latou. Ti ke kotou iloa ko au ko le Eteleno.

Ekesote 15:17

E ke aumai loa latou ti e ke fakanofo loa latou i le mauga o lou tofiga, I le ganea leia na ke teuteui ko lou nofolaga, oi Eteleno ! I le sagatualio, Aliki ! leia na fakatuu e ou lima.

Ekesote 15:19

Talie kua ulu ki le tai a osi a Falaone, mo ana saliote, ti mo lana kau ekeosi, Ti kua toe aumai e le Eteleno kia latou a vai o le tai ; Kae na saele fanau a Iselaele i loto malie o le tai malo.

Ekesote 23:28

E kau kakau loa i ou mua ni pi fualalasi, ti e lotou kapu loa ke mamao mei ou mata le kau Evi, mo le kau Kanaane, mo le kau Eti.

Ekesote 34:11

Tokaga ki le nea leia e kau fakatotonu kiate koe i le aso nei. Ko leinei, e kau kapu loa i ou mua le kau Amole, mo le kau Kanaane, mo le kau Eti, mo le kau Felesi, mo le kau Evi, mo le kau Sepusi.

Esaia 51:9

Ke ke alaala, ke ke alaala, ke ke kofu ki lou makeke, a koe ko le lima o le Eteleno ! Ke ke alaala ofaipe aso i mua, I tautupu afea ! Pe na leaise ko koe leia na tamate ia Esipito, Na sokai ia le talakone ?

Selemia 32:23

Na lotou au, ti na lotou maua a ia. Kae na leaise lotou fakalogo ki lou leo, Na leaise lotou taupau lau lao, Na leaise lotou fai a nea fuli ala na ke fakatotonu kia latou ke fai. Koia na ke fakasoko ai kia latou a malaia fuli anei !

Numelo 13:32

Ti na lotou kamata lauveli loa ki le fenua leia na lotou ano o tioi. Na lotou pati loa : Ko le fenua leia na matou taka ai, o tioi, ko se fenua leia e tamate ia latou ala e nonofo i ai ; e tagata lalasi fuli le kakai katoa leia na motou tio ki ai.

Tetelonome 32:7

Toe manatui a aso o le temi mua, Toe liliu ki fetuu mo tautupu kua sili, Vesili ki lou tamana, ti e fakasa atu loa e ia kiate koe, Ti mo ou kau matua, ti e lotou fakamatala atu loa kiate koe :

Tetelonome 4:38

na kapu e ia i ou mua ni puleaga ala e lalasi ake mo makeke ake iate koe, o tupu ke fakaulu e ia a koe ki lolatou fenua ke ke maua tofiga a ia, ofaipe lau tio ki ai i le aso nei.

Tetelonome 7:1

Ka fakaulu loa a koe e le Eteleno, lou Atua, ki le fenua leia ka ke maua tofiga loa, ti ka kapu loa e ia i ou mua ni puleaga api : le kau Iti, mo le kau Kilikasi, mo le kau Amole, mo le kau Kanaane, mo le kau Pelesi, mo le kau Evi, mo le kau Sepusi, ko puleaga e fitu ala e lalasi ake mo makeke ake iate koe,

Sosue 10:11

I le temi na lotou sosola ai i mua o fanau a Iselaele, ti na lotou ifo ai ki Pete-Oloni, na fakato loa e le Eteleno mei le lagi se ua fatu fualalasi kia latou o kaku ki Aseka, ti na lotou mamate ai loa. Na lasi ake latou ala na mamate i le ua fatu ia latou ala na tamate ki le seleta e fanau a Iselaele.

Sosue 10:42

Na malo loa Sosue i sau fuli ana, ti na too loa e ia olatou fenua i le tau e tasi, talie na tau le Eteleno, le Atua o Iselaele, o tupu ko Iselaele.

Sosue 11:23

Na too loa e Sosue le fenua katoa, o mulimuli ki nea fuli ala na fakasa e le Eteleno kia Moisese. Ti na tuku loa a ia e Sosue ki Iselaele ko lona tofiga, o vaevae i faasiga o Iselaele. Ti na malolo loa le fenua i le tau.

Sosue 21:43

Na soli loa e le Eteleno ki Iselaele le fenua katoa leia na fakapapau e ia ke soli ki olatou tamana ; na lotou too loa a ia ti na lotou nonofo loa i ai.

Sosue 24:12

ti na kau kakau loa i okoutou mua ni lago utiuti, ala na kapu ia loa latou o mamao mei okoutou mata, ofaipe sau e lua o le kau Amole : na leaise fai a nea ana e okoutou seleta mo okoutou kalolo.

Sosue 3:10

Na pati loa Sosue : E kotou iloa loa i le nea leinei e nofo le Atua mauli i loto malie o koutou, ti e kapu loa e ia i okoutou mua le kau Kanaane, mo le kau Eti, mo le kau Evi, mo le kau Pelesi, mo le kau Kilikasi, mo le kau Amole, ti mo le kau Sepusi :

Tuifakamaau 6:13

Na pati loa a Seteone kiate ia : Ei loku Aliki, kapau e nofo le Eteleno mo matou, kolea e soko ai loa a nea fuli anei kia matou ? Ti kofea a nea fakamanamana fuli ala na fakamatala mai kia matou e omatou tamana, o pati : Pe na leaise fakamavae matou e le Eteleno mei Esipito ? I le aso nei kua tiaki matou e le Eteleno, ti kua tuku e ia matou ki lima o Matiane.