Pesalemo 43:4 - Tosi Tapu

⁴ E kau ano loa ki le aletale o le Atua, o le Atua, ko loku fiafiaaga mo loku nekenekeaaga, Ti e kau fakafetai loa kiate koe i le alepe, ei Atua, ko loku Atua !

Pesalemo 43:4 ပူးပေါင်းရင်းမြစ်များ

Lua tosi a Samuele 6:5

Na ta e Tavite mo le fale katoa o Iselaele i mua o le Eteleno a nea fai musika kesekese na fau ki le laakau ko le sipele, ni alepe, mo ni lute, mo ni nafa, mo ni pa, mo ni sitale.

Pesalemo 26:6

E kau fanofano oku lima i le mea, Ti e kau ano ki tafa o lou aletale, Eteleno !

Pesalemo 33:2

Kotou fakafetai ki le Eteleno i le alepe ! Kotou vikiviki kiate ia i le lute va kau agafulu.

Pesalemo 42:6

Kolea e ke mamae ai, ei loku laumalie, ti e ke tagi ai i loku loto ? Ke ke amanaki malie ki le Atua, talie e kau toe fakafetai loa kiate ia : Ko ia ko loku fakamauli mo loku Atua.

Pesalemo 57:8

Kua makeke loku loto, ei Atua ! kua makeke loku loto : E kau sua loa, ti e kau fakagugulu loa aku nea faimusika.

Pesalemo 57:9

Ke ke alaala, ei loku laumalie ! ke kolua alaala, ei laku lute mo laku alepe ! E kau fafagu loa le mafoata.

Pesalemo 63:2

Ei Atua ! ko koe ko loku Atua, e kau afa a koe. E fia inu loku laumalie kiate koe, e oli loku tino kiate koe I se kele malo, mo fia inu, mo sala vai.

Pesalemo 81:2

Kotou sua i se fiafia lasi ki le Atua, lotatou makeke ! Kotou fai ni kalaga fiafia ki le Atua o Sakopo !

Esaia 61:10

E kau fiafia lasi loa i le Eteleno, E nekenekea loa loku laumalie i loku Atua ; Talie kua fakakofu e ia au ki ni kofu o le fakamauli, Kua ufiufi e ia au ki le taupulupulu o le maokioki, Ofaipe se tama avaga e teu ki se pala, Ofaipe se taine avaga e teu ki ona kofu fakateuteu.

Sakalia 13:9

E kau tuku loa le vaega tolu lena ki le afi, Ti e kau fakamea loa a ia ofaipe le fakamea o le paaga, E kau fakamea loa a ia ofaipe le fakamea o le aulo i le afi. E fetapa loa a ia ki loku suafa, ti e kau tali loa kiate ia, E kau pati loa : Ko loku kakai ! Ti e pati loa a ia : Ko le Eteleno ko loku Atua !

Loma 5:11

E leaise gato fua i ai, kae e tou fiafia foki i le Atua i lotatou Aliki ko Sesu-Kilisito, leia kua tou maua ai le fakatokatoka i le temi nei.

Apokalipisi 5:8

I lana too le tosi, na tulolo loa a manu mauuli e fa ti mo matua e tino lua tupu fa i mua o le Akeno, o tasi too lana alepe ti mo ni ipu aulo kua apelepele i kaloni, ala ko faikole a le kau sagato.