Pesalemo 41:5 - Tosi Tapu

⁵ E kau pati : Eteleno, alofa mai kiate au ! Fakamauli loku laumalie ! talie na kau agasala kiate koe.

Pesalemo 41:5 ပူးပေါင်းရင်းမြစ်များ

Sopo 18:17

E leaise toe manatui loa a ia i le malama nei, Ti e leaise toe too lona igoa i se ganea.

Sopo 20:7

Kae fakaoki loa a ia ofaipe ona faikauga totonu, Ti ko latou ala na tio kiate ia e vesili loa : Kofea a ia ?

Pesalemo 102:8

Kua puli le fia moe iate au, ti e kau Faipe le manu lele leia e nofo toka tasi i se taufufu.

Pesalemo 38:12

Kua fakamamao oku kaukaunea mo oku kaiga i loku lavea, Ti kua tutuu oku famili totonu mei mamao.

Pesalemo 51:3

Ei Atua ! Alofa mai kiate au i lou agamalie ; Soloi aku agasala o mulimuli ki lou manava alofa lasi ;

Pesalemo 51:6

Na kau agasala kiate koe toka tasi, Ti na kau fai le nea leia e veli ki ou mata ; Koia e ke faitotonu ai loa i lau fakatuutuu, ti e ke maokioki ai loa i lau fakamaau.

Pesalemo 56:2

Alofa mai kiate au, ei Atua ! talie e fakaveliveli ni tagata kiate au ; I le aso katoa e lotou taui au, e lotou fakamamae au.

Pesalemo 57:2

Alofa mai kiate au, ei Atua, alofa mai kiate au ! Talie e fanaki loku laumalie kiate koe ; E kau afa se mumuniaga i le malu o ou kapakau, O kaku ki le oki o malaia.

Pesalemo 67:2

Ke alofa le Atua kia matou ti ke tapuaki a ia kia matou, Ke fakagigila e ia ona mata kia matou. - Manava.

Pesalemo 86:16

Fulusi mai ou mata kiate au, ti ke alofa mai kiate au, Soli le makeke ki lau tagata fakasausau, Ti ke saofaki le vosa o lau fafine fakasausau !

Pesalemo 86:3

Alofa mai kiate au, Aliki ! Talie e kau tagi kiate koe i le aso katoa.

Taagapati 10:7

Ko le fakamanatu o se tagata agatonu ko se tapuakina ; Kae e vilo le igoa o le kau agaveli o popo.