Pesalemo 40:6 - Tosi Tapu

⁶ Eteleno, loku Atua ! na ke liuliuga Au gaoi fakatalatupua mo au fakatuutuu kia matou. E leaise tasi e tatau mo koe : E kau fia fakasa ti e kau fia fakamatala au gaoi, Kae e lotou lasi ai ke kau fakamatala fuli latou.

Pesalemo 40:6 ပူးပေါင်းရင်းမြစ်များ

Sopo 33:16

E tuku loa e ia se levelasio kia latou Ti e fai loa e ia valoki fakaoki,

Sopo 5:9

E fai e ia ni nea lalasi, ala e leaise feala ke matala ki ai, Ti e leaise feala ke lau ana nea fakaofolele ;

Pesalemo 139:17

Ei Atua, e leaise mafai kau matala ki au fakakaukau, E lotou lasi ai !

Pesalemo 139:18

Kapau e kau lau latou, e lotou lasi ake i fitii one. E kau ala ake, e kau nofo aifai mo koe.

Pesalemo 50:8

E leaise kau valoki a koe o tupu ko au sakilifisio ; Pe ko au failaulau ala e fai tuumau i oku mua.

Pesalemo 51:16

Ei Atua, ko le Atua o loku fakamauli, ke ke saofaki au i le toto na liligi, Ti e fakafetai loa loku alelo ki lou manava alofa.

Pesalemo 71:15

E fakasa loa e loku gutu lou faitotonu, mo lou fakamauli i aso fuli, Talie e leaise kau iloa ola gatoaga.

Ekesote 21:6

ti e taki loa a ia e lona pule ki mua o le Atua, ti e fakafeofi loa e ia a ia ki le matapa pe ko se pou o le matapa, ti e puui loa e lona pule lona taliga ki se tui, ti e gaoi loa a ia ki lona pule o tuumau.

Esaia 1:11

E pati le Eteleno : kolea le uiga o le liuliuga o akoutou sakilifisio ? Kua kau makona i failaulau o ovi tagata ti mo le gako o uviki pipi tagata ; E leaise kau maua se fiafia i le toto o pipi tagata, mo ovi fafine ti mo koti tagata.

Esaia 25:1

Ei Eteleno ! ko koe ko loku Atua ; E kau fakavikiviki loa kiate koe, e kau sua loa lou suafa, Talie kua ke fai ni nea fulumalilie ; Kua soko katoa au fakatuutuu i mua.

Esaia 66:3

Ko leia e momoli ia se pipi e tatau mo leia e tamate ia loa se tagata ; Ko leia e momoli ia se akeno e tatau mo leia e fatii ia loa le ua o se kuli, Ko leia e momoli ia se moliga e tatau mo leia e liligi ia loa le toto o se puaka, Ko leia e tutu ia se iseso e tautau mo leia e tausi loa ki ni taulaatua. Ko latou fuli ana na fiafia i olatou ala, Ti na maua e olatou laumalie lolatou fiafia i alatou nea fakalialia.

Oseo 6:6

Talie e kau alofa ki le manava alofa kae leai ki sakilifisio, Ti mo le iloa o le Atua o lasi ake i failaulau.

Amosi 5:22

Ka kotou momoli mai kiate au ni failaulau mo ni moliga, E leaise kau maua fua i ai se ga fiafia ; Ti ko uviki pipi gagako ala e kotou fai ki ai akoutou sakilifisio fakafetai, E leaise kau tio fua ki ai.

Mateo 12:7

Kanapau na kotou iloa le uiga o le nea leinei : E kau maua loku fiafia i le manavaalofa, kae leai i ni sakilifisio, na leaise kotou tautea loa ni kakai saosaoa.

Mateo 9:13

Kotou ano, ti kotou ako le uiga o le nea leinei : E maua loku fiafia i le manavaalofa, kae leai i ni sakilifisio. Talie na leaise kau au o kalagai ni tagata agatonu, kae ni tagata agasala.

Uluaki tosi a Samuele 15:22

Na pati loa Samuele : Pe maua e le Eteleno se fiafia i failaulau mo sakilifisio, ofaipe lana maua leia i le fakalogo ki le leo o le Eteleno ? Ko leinei, e malie ake le fakalogo i sakilifisio, ti e malie ake le fai o lana folafola i le gako o ovi tagata.