Pesalemo 39:13 - Tosi Tapu

¹³ Fakalogo mai ki laku kole, Eteleno, ti ke tokaga mai lou taliga ki aku tagi ! Aua na ke aganoa ki oku loimata ! Talie ko se matapule au i lou fale, Ko se tagata noa au, ofaipe oku tamana fuli.

Pesalemo 39:13 ပူးပေါင်းရင်းမြစ်များ

Senesi 42:36

Na pati loa lolatou tamana ko Sakopo kia latou : Kua kau nofo i le aso nei, o sala mo aku fanau e toka lua, o tupu ko koutou ! Kua puli Sosefo, ti kua puli mo Simeone, ti e kotou loto ke toe too mo Pesamino ! Ko au leia e vilo ki ai a nea fuli ana.

Senesi 47:9

Na tali loa Sakopo kia Falaone : Ko fetuu o loku mauli, i le temi leia na kau feanoaki ai, ko le kau lelau kau tolu. E teiki fua fetuu o loku mauli mo veveli, e leaise lotou kaku ki fetuu o oku tamana.

Senesi 5:24

Na saele loa Enoke mo le Atua ; ti na leaise toe maua loa a ia, talie na ave loa a ia e le Atua.

Lua tosi o Sau 20:3

Ei Eteleno ! Ke ke manatui na kau saele i ou mua i le maokioki mo le agatonu, ti na kau fai le nea leia e malie ki ou mata ! Ti na tagi mamae loa Esekiasi.

Uluaki tosi o Koloniko 29:15

Ko matou ko ni matapule kae kua motou nonofo i le fenua, ofaipe omatou tamana fuli ; ko omatou aso i le kele e tatau mo le malu, ti e leai se amanaki malie.

Sopo 7:19

E gato loa afea lau tio mai kiate au ? Ko afea e ke tuku ai loa ke kau folo mua loku savale ?

Pesalemo 119:19

Ko au ko se matapule i le malama nei : Aua na ke fufu mai kiate au au folafola !

Pesalemo 18:7

I loku mamae na kau fetapa ki le Eteleno, na kau tagi ki loku Atua : Mei lona fale sau, na logo a ia ki loku leo, Ti na kaku laku tagi ki ona mua, ki ona taliga.

Levitiko 25:23

Aua na ke fakatau loa se kele o tukupau : talie ko le fenua a aku, talie e kotou nonofo i loku kaiga ofaipe ni matapule, mo ni iki ala e nonofo fakatemi.