Pesalemo 39:12 - Tosi Tapu

¹² E ke ako le tagata o tautea a ia i lana agaveli ; E ke maumau ofaipe se ugogo, le nea leia e alofa lasi ki ai. Io, ko tagata fuli ko se tukumanava. - Manava.

Pesalemo 39:12 ပူးပေါင်းရင်းမြစ်များ

Senesi 21:34

Na nofo loa Apalaamo o fualoa i le fenua o le kau Filisitini.

Senesi 47:9

Na tali loa Sakopo kia Falaone : Ko fetuu o loku mauli, i le temi leia na kau feanoaki ai, ko le kau lelau kau tolu. E teiki fua fetuu o loku mauli mo veveli, e leaise lotou kaku ki fetuu o oku tamana.

Lua tosi a Samuele 16:12

E lagi tio loa le Eteleno ki loku fakaaloalofa, ti e fai loa e ia kiate au le nea e malie o fetogi ai loku fakamalaia i le aso nei.

Lua tosi o Sau 20:5

Toe liliu o pati kia Esekiasi, pule o loku kakai : Ko leinei le folafola a le Eteleno, le Atua o Tavite, lou tamana : Kua kau logo ki lau faikole, ti kua kau tio ki ou loimata. E kau soli loa kiate koe le malolo ; i le tolu o aso, e ke pale loa ki le fale o le Eteleno.

Uluaki tosi o Koloniko 29:15

Ko matou ko ni matapule kae kua motou nonofo i le fenua, ofaipe omatou tamana fuli ; ko omatou aso i le kele e tatau mo le malu, ti e leai se amanaki malie.

Sopo 13:28

Kae kua pala loku tino ofaipe se kie leia kua kai e manu ?

Sopo 16:20

E gologolo oku kaukaunea kiate au, Kae e kau kalaga mo tagi loimata ki loku Atua.

Pesalemo 102:1

Kole a se tagata e mamae, mo ka gaegae o lona loto, ti mo ka fai e ia lana tagi i mua o le Eteleno.

Pesalemo 116:3

Na takatakai au e sai o le mate, Ti na too au e mamae o le nofoaga o le kau mate ; Na kau nofo i le mativa mo le mamae.

Pesalemo 119:19

Ko au ko se matapule i le malama nei : Aua na ke fufu mai kiate au au folafola !

Pesalemo 119:54

Ko au fakatuutuu ko le tupuaga o aku katiko, I le fale leia e kau matapule ai.

Pesalemo 56:8

I le lasi o lalatou agaveli, e lotou manatu e lotou sao loa : I lou sausau, ei Atua, ke ke laku latou ki le kele !

Pesalemo 90:9

E pupuli vave omatou aso fuli o tupu ko lou sausau ; E motou tio ki le puli o omatou fetuu ofaipe se leo.

Levitiko 25:23

Aua na ke fakatau loa se kele o tukupau : talie ko le fenua a aku, talie e kotou nonofo i loku kaiga ofaipe ni matapule, mo ni iki ala e nonofo fakatemi.

Lua tosi ki le kau Kolinto 5:6

Koia e ma apele tuumau ai i le fanaki, ti e ma iloa i la ma nonofo i le tino leinei e ma nonofo mamao mei le Aliki,

Epelo 11:13

Ko le tui leia na lotou mamate fuli ai, kae na leaise lotou maua ia a nea ala na fakapapau ake kia latou ; kae na lotou tio mo taukalo mei mamao kia latou, ti na lotou fakasa e lotou matapule mo fanoga i le malama nei.

Epelo 5:7

Ko ia leia, i aso o lona kanofi, na momoli ia ni su mo ni kole o fakatasi mo ni tagi makeke ti mo ni loimata ki leia na mafai ke fakamauli ia a ia mei le mate ; ti na tali a ia o tupu ko lona fakalogo ki le Atua.

Uluaki tosi a Petelo 1:17

Ti kapau e kotou kalaga ki le Tamana, leia e fakamaaui ia o mulimuli ki le gaoi a le tagata taki toka tasi, ti e leaise fakapalatasi, kotou saele i le i i le temi katoa o lokotou mauli i le malama nei ;

Uluaki tosi a Petelo 2:11

Alofaaga, e kau kole atu kia koutou, ofaipe ni matapule mo ni tagata fanoga i le malama nei, kotou fakamamao mei oli o le tino ala e tau ki le laumalie.