Pesalemo 38:22 - Tosi Tapu

²² Ke aua na ke tiaki au, Eteleno ! Ei loku Atua, ke aua na ke fakamamao iate au !

Pesalemo 38:22 ပူးပေါင်းရင်းမြစ်များ

Pesalemo 141:1

Pesalemo a Tavite. Eteleno, e kau kalaga kiate koe : Au vave ki oku tafa ! Fakalogo mai lou taliga ki loku leo, mo ka kau kalaga kiate koe !

Pesalemo 22:12

Aua na ke fakamamao iate au mo ka ofi mai le mamae, Mo ka e leaise au se tasi o tokoi mai kiate au !

Pesalemo 27:1

Pesalemo a Tavite. Ko loku malama mo loku fakamauli ko le Eteleno : Ko ai e kau i loa ki ia ? Ko le tokoi o loku mauli ko le Eteleno : kolea e kau tuania loa ki ia ?

Pesalemo 40:13

Talie e takatakai au e ni mamae ala e leaise feala ke lau ; Kua maua au e aku agaveveli, Ti e leaise kau mafai ia le tio kia latou. E lotou lasi ake i fulu o loku ulu, Ti kua puli loku lotomakeke.

Pesalemo 40:17

Kae ko latou fuli ala e afa ia a koe Ke lotou nekenekea mo fiafia iate koe, Ko latou fuli ala e alofa ki lou fakamauli Ke lotou pati tuumau : ke fakafetai ki le Eteleno !

Pesalemo 62:2

Io, ko le Atua leia e fanaki ki ai loku laumalie ; Ko ia leia e au mei ai loku fakamauli.

Pesalemo 62:6

Io, ei loku laumalie, ke ke fanaki ki le Atua ! Talie ko ia leia e au mei ai laku amanaki malie.

Pesalemo 70:1

Ki le pule o le kau sua. A Tavite. Ke tausi alofa.

Pesalemo 70:5

Ke fiafia mo nekenekea iate koe Latou fuli ala e afa ia a koe ! Ko latou ala e alofa ki lou fakamauli Ke pati tuumau : E lasi ai le Atua !

Pesalemo 71:12

Ei Atua, aua na ke fakamamao iate au ! Loku Atua, au vave o saofaki au !

Esaia 12:2

Ko leinei, ko le Atua ko loku fakamauli, E kau apele loa i le fanaki, ti e leaise kau tuania loa se nea ; Talie ko le Eteleno, ko le Eteleno ko loku makeke ti ko le tupuaga o aku sua fakafetai ; Ko ia leia na saofaki ia au.