Pesalemo 37:5 - Tosi Tapu

⁵ Tuku lou mauli ki le Eteleno, Tuku lau fanaki kiate ia, ti e gaoi loa a ia.

Pesalemo 37:5 ပူးပေါင်းရင်းမြစ်များ

Senesi 24:12

Ti na pati loa a ia : Eteleno, Atua o loku aliki ko Apalaamo, e kau kole atu kiate koe ke ke alofa o fakafelavei au i le aso nei mo leia e kau loto ki ai. Ti e ke fakasa loa i ai lou alofa ki lau tagata fakasausau ko Apalaamo !

Sopo 22:28

E manuia loa a nea fuli ala e ke loto ki ai ; Ti e mu loa le malama i ou ala.

Pesalemo 22:8

Ko latou fuli ala e tio kiate au e gologolo kiate au, E lotou fakainaina olatou gutu, mo kalokalo olatou ulu, o pati :

Pesalemo 55:22

E sua malie ake lona gutu i le suka, Kae nofo le tau i lona loto ; E momole ake ana masau i le lolo, Kae ko ni seleta matakakai latou.

Taagapati 16:3

Tuku ki le Eteleno au gaoi fuli, Ti e manuia loa au fakatuutuu.

Ekelesiasi 9:1

Io na kau fakakaukau ki nea fuli ala na kau tio ki ai. Ti na kau too mei ai : ko le Atua toka tasi leia e pule ki le mauli o le kau agatonu mo le kau poto ti mo alatou gaoi. E leaise iloa fua e tagata pe lotou maua loa i se aso le alofa pe ko le vesia. E leaise lotou iloa se nea.

Tagi laulau a Selemia 3:37

Ko ai e pati loa e soko se nea, Kae na leaise fakatotonu a ia e le Aliki ?

Mateo 6:25

Koia e kau pati atu kia koutou : Aua na kotou tuania ki lokoutou mauli ki le nea leia e kotou kai loa, pe ki lokoutou tino ki le nea leia e kotou lava loa. Pe leaise mauiga ake le mauli i le nea kai, pe leaise mauiga ake le tino i le nea lava ?

Luka 12:22

Na pati loa Sesu ki ana tisipulo : Koia e kau pati ai kia koutou : Aua na kotou tuania ki lokoutou mauli ki le nea leia ka kotou kai loa, pe ki okoutou tino ki le nea leia ka kotou lava loa.

Sakopo 4:15

Kae na tonu ake ke kotou pati : Kapau ko le finegalo o le Atua, e motou fai loa le nea leinei pe ko le nea leia.

Uluaki tosi a Petelo 5:7

ti ke kotou teki kiate ia okoutou mafaia fuli, talie e tokaga a ia kia koutou.

Uluaki tosi a Samuele 12:4

Na lotou tali loa : Na leaise ke kakaai matou, na leaise ke fai fakaveliveli matou, ti na leaise ke tali se nea mei le lima o se tasi.