Pesalemo 37:4 - Tosi Tapu

⁴ Ke ke fai ki le Eteleno lou fiafiaaga lasi, Ti e soli atu loa e ia kiate koe le nea leia e oli ki ai lou loto.

Pesalemo 37:4 ပူးပေါင်းရင်းမြစ်များ

Sopo 22:26

Ti e ke fai loa ki le Mafimafi lou fiafiaaga, Ti e ke siki loa kiate ia ou mata.

Sopo 27:10

Pe maua e ia lona fiafia i le Mafimafi ? Pe faikole a ia i temi fuli ki le Atua ?

Sopo 34:9

Talie na pati a ia : E leaise sona aoga ki le tagata Ke tuku lona fiafia ki le Atua.

Pesalemo 104:34

Ke logo malie aku masau kiate ia ! E kau loto ke kau fiafia i le Eteleno.

Pesalemo 145:19

E fakasoko e ia a oli o latou ala e i kiate ia ; E logo a ia ki alatou tagi, ti e fakamauli e ia latou.

Pesalemo 43:4

E kau ano loa ki le aletale o le Atua, o le Atua, ko loku fiafiaaga mo loku nekenekeaaga, Ti e kau fakafetai loa kiate koe i le alepe, ei Atua, ko loku Atua !

Taagapati 10:24

Ko le nea leia e tuania ia e le tagata agaveli, e soko kiate ia ; Kae e tuku ki le kau agatonu le nea leia e lotou oli ki ai.

Katiko o Katiko 2:3

Ofaipe se pome i loto malie o laakau o le vao, E fenaaki loku alofaaga i lotolotoga o tama tupulaga. Na kau oli ke kau tonatona i lona malu, Ti e suamalie lona fua ki loku gutu.

Esaia 58:14

Ti e ke maua loa lou fiafia i le Eteleno, Ti e kau ave loa a koe ki potu taualuga o le fenua, E kau fakafiafia loa a koe ki le tofiga o Sakopo, lou tamana ; Talie kua masau le gutu o le Eteleno.

Soane 15:16

E leaise ko koutou ala na filifili ia au ; kae ko au, kua kau filifili koutou, ti kua kau fakanofo koutou, o tupu ke kotou ano, ti ke kotou maua se fua, ti ke tologa lokoutou fua, o tupu ko nea fuli ala e kotou kole loa ki loku Tamana i loku suafa, ke soli atu e ia kia koutou.

Soane 15:7

Kapau e kotou nonofo iate au, ti e nofo aku folafola ia koutou, kotou kole se nea fua leia e kotou loto loa ki ai, ti e soli atu loa a ia kia koutou.

Uluaki tosi a Petelo 1:8

E kotou alofa kiate ia, kae e leikiaise kotou tio kiate ia. E kotou tui kiate ia kae e leikiaise kotou tio kiate ia i le temi nei. Koia e kotou fiafia ai i se fiafia fakakololia leia e leaise feala ke fakasa e ni masau,