Pesalemo 37:3 - Tosi Tapu

³ Ke ke fanaki ki le Eteleno, ti ke fai le nea leia e malie ; Ke ke maua le fenua ko lou nofoaga, ti ke ke fai le malie ko lau nea kai.

Pesalemo 37:3 ပူးပေါင်းရင်းမြစ်များ

Senesi 26:2

Na sa loa le Eteleno kiate ia, o pati : Aua na ke ifo ki Esipito, nofo i le fenua leia e kau fakasa atu loa kiate koe.

Senesi 26:3

Nofo mau i le fenua leinei : E kau nofo loa mo koe, ti e kau tapuaki loa kiate koe, talie e kau soli loa a fenua fuli anei kiate koe mo lou sakoga, ti e kau fakasoko loa le fakapapau leia na kau fai kia Apalaamo, lou tamana.

Uluaki tosi o Sau 19:6

Na tio loa Elia, ti ko leinei, na i ai se fa kato moso i aluga o ni fatu kaka ti mo se fagu vai i lona fugaulu. Na kai loa a ia mo inu, ti na toe moe loa a ia.

Pesalemo 26:1

Pesalemo a Tavite. Eteleno, fakamaau au i le faitotonu, talie e kau saele i le maoki, E kau fanaki ki le Eteleno, koia e leaise kau siga ai.

Pesalemo 33:19

O tupu ke taaki olatou laumalie i le mate, Ti e fakamauli ia latou i loto malie o le oge.

Pesalemo 4:5

Ke kotou lulu, ti ke aua na kotou agasala ; Ke kotou masau i okoutou loto i okoutou moeaga, ti kotou fakalologo. - Manava.

Pesalemo 62:8

I le Atua e malolo ai loku fakamauli mo loku kololia ; Ko le utu o loku makeke mo loku ulufaga e nofo i le Atua.

Taagapati 3:5

Fanaki ki le Eteleno i lou loto katoa, Kae aua na ke fanaki ki lou poto ;

Esaia 40:11

Ofaipe se tagata tausi manu, e fagai loa e ia lana kau manu, E too loa e ia a akeno i ona lima, Ti e luluku loa e ia latou i lona fatafata ; E taki loa e ia a ovi fafine ala e fakau olatou uviki.

Esaia 50:10

Ko ai ia koutou e i ki le Eteleno, Ke fakalogo a ia ki le leo o lana tagata fakasausau ! Ko leia e saele i le fakapouli ti e sala malama, Ke fanaki a ia ki le suafa o le Eteleno, Ti ke pipiki a ia ki lona Atua !

Luka 22:35

Ti na toe pati loa Sesu kia latou : I laku kakau koutou sala paaga, mo sala taga, ti mo sala taka, pe na puli se nea kia koutou ? Na lotou tali loa : Leai !

Tetelonome 30:20

o alofa ki le Eteleno, lou Atua, ti mo fakalogo ki lona leo, ti mo pipiki kiate ia : Ko ia leia ko lou mauli, ti ko ia leia e fakatologa ia ou aso, o tupu ke ke nofo i le fenua leia na fakapapau e le Eteleno ke soli ki ou tamana, ko Apalaamo, mo Isaake, mo Sakopo.

Uluaki tosi a Samuele 26:19

Ke fakamalie le sau, loku aliki, o fakalogo mai ki le masau a lana tagata fakasausau : Kapau ko le Eteleno leia kua lagai ia a koe ke tau kiate au, ke tali malie e ia le kaloni o se moliga ; kae kapau ko ni tagata, ke lotou malaia i mua o le Eteleno, talie e lotou kapu au i le aso nei, ke aua na kau kau ki le tofiga o le Eteleno, ti e lotou pati mai kiate au : Ano, o tausi ki ni atua kese !