Pesalemo 37:22 - Tosi Tapu

²² Talie ko latou ala e tapuaki e le Eteleno e maua ia le fenua ; Ti ko latou ala e fakamalaia e ia e motusi loa.

Pesalemo 37:22 ပူးပေါင်းရင်းမြစ်များ

Sopo 5:3

Na kau tio ki le tauaka a le vale ; Kae fokifa kua tuku lona nofoaga ki le malaia :

Pesalemo 115:15

Ke tapuaki koutou e le Eteleno, Leia na fakatupu ia le lagi mo le kele !

Pesalemo 119:21

E ke valoki le kau fia nealasi, le kau malaia lena, Ala na sese o mamao i au folafola.

Pesalemo 128:1

Katiko o le fanoga tapu. Manuia tagata fuli ai e i ki le Eteleno, Leia e saele i ona ala !

Pesalemo 25:13

E malolo loa lona laumalie i le manuia, Ti e maua loa e lona sakoga le fenua.

Pesalemo 32:1

A Tavite. Katiko. Manuia leia kua fakamolemole ki ai lana patigataa, Leia kua uufi lana agasala.

Pesalemo 37:11

E maua e le kau mativa le fenua, Ti e lotou fiafia lasi i le tokamalie.

Pesalemo 37:18

E iloa e le Eteleno a aso o le kau agatonu ; Ti e tologa olatou tofiga o lee gato.

Pesalemo 37:28

Talie e alofa le Eteleno ki le faitotonu, Ti e leaise tiaki e ia lana kau agatonu : E taupau tuumau e ia latou. Kae e motusi e ia le sakoga o le kau agaveli.

Pesalemo 37:9

Talie e motusi loa le kau agaveli ; Kae ko latou ala e amanaki malie ki le Eteleno e maua ia loa le fenua.

Taagapati 3:33

E maua i le fale o le tagata agasala le fakamalaia a le Eteleno, Kae tapuaki a ia ki le fale o tagata agatonu ;

Esaia 57:13

Ka ke tagi loa, pe fakamauli loa a koe e ou taulaatua mauke ? E ave loa latou fuli e le matagi, e seu loa latou e se tukumanava. Kae ko leia e fanaki kiate au e maua ia loa le fenua, Ti e maua ia loa loku mauga maokioki.

Mateo 25:41

Ti oki, ti e pati loa a ia kia latou ala e tutuu loa i lona fetuu sema : Kotou fakamamao atu iate au, kau malaia ; kotou ano ki le afi lee gato leia na teuteui ki le Tiapolo mo ana aselo.

Uluaki tosi ki le kau Kolinto 16:22

Kapau e leaise alofa se tasi ki le Aliki ko Sesu-Kilisito, ke anateme a ia ! Malanata, au la Aliki.

Kalate 3:10

Talie ko latou fuli ala e pipiki ki gaoi o le lao e nonofo i le malaia ; talie e tosi : Malaia leia e leaise tausi ia a nea fuli ala e tosi i le tosi o le lao, ti e leaise fai ia latou.

Kalate 3:13

Na totogi tatou e Kilisito mei le malaia o le lao, o liliu a ia ko se malaia o tupu ko tatou - talie e tuu i le Tosi : Malaia leia e tautau i le laakau -

Tetelonome 5:33

Ke kotou mulimuli katoa i le ala leia na fakatotonu atu kia koutou e le Eteleno, lokoutou Atua, o tupu ke kotou mauli loa ti ke kotou manuia loa, o tupu ke kotou fakatologa loa okoutou aso i le fenua leia ka kotou maua tofiga loa.