Pesalemo 37:20 - Tosi Tapu

²⁰ Kae e mamate le kau agaveli ; Ti ko fili o le Eteleno, ofaipe faisaga mutie fulumalilie, E lotou pupuli loa, e lotou pupuli loa ofaipe le afu.

Pesalemo 37:20 ပူးပေါင်းရင်းမြစ်များ

Senesi 19:28

Na tagaki loa ona mata ki le fetuu o Sotoma mo Komola, ti mo le fenua laumalie katoa ; ti ko leinei, na tio loa a ia e malaga ake i le kele se afu ofaipe se afu o se vela lasi.

Pesalemo 102:3

Aua na ke fufu mai kiate au ou mata i le aso o loku mamae ! Fakalogo mai lou taliga kiate au mo ka kau tagi atu kiate koe ! Tali vave mai kiate au !

Pesalemo 68:2

E tuu le Atua ki aluga, e mavetevete ona fili, Ti e sosola latou e vesia kiate ia i ona mua.

Pesalemo 68:3

Ofaipe le afu leia e viligia, e ke pusii latou ke puli ; Ofaipe le sua o le silo i le afi, e pupuli a tagata agaveli i mua o le Atua.

Pesalemo 92:9

Kae ko koe, ko le Taualuga a koe, O lee gato, ei Eteleno !

Taagapati 2:22

Kae e tuuti loa le kau agasala i le fenua, E taaki loa le kau agaveli i ai.

Levitiko 3:16

E tutu loa e le tagata faisakilifisio a nea fuli ana i aluga o le aletale. Ko se nea kai tutu a ia e le afi ti e manogi a ia ki le Eteleno. E maua e le Eteleno a gako fuli.

Luka 13:3

E kau pati atu kia koutou, leai. Kae kapau e leaise kotou fakasemala o fetogi akoutou aga, ti e kotou mamate fuli loa.

Luka 13:5

E kau pati atu kia koutou, leai. Kae kapau e leaise kotou fakasemala o fetogi akoutou aga, ti e kotou mamate fuli loa ofaipe latou ana.

Tetelonome 29:20

E leaise toe loto loa le Eteleno ke fakamolemole ki le tagata lena. Kae e mu loa le sausau mo le finenonofo o le Eteleno ki le tagata a ia, ti e vilo loa malaia fuli ala e tuu i le tosi leinei kiate ia, ti e soloi loa e le Eteleno lona igoa i lalo o le lagi.

Epelo 12:29

talie ko lotatou Atua ko se afi maumau foki a ia.

Lua tosi a Petelo 2:12

Kae ko latou ana, ofaipe ni manu fekai ala e mulimuli fai ki oli o lolatou natula ti na fakatupu ke maumaui, e lauveli ki nea ala e leaise lotou iloa, ti e lotou pulinoa loa o tupu ko alatou aga fakalialia totonu,

Tuifakamaau 5:31

Ke mamate fenaaki ou fili fuli, ei Eteleno ! Kae ko latou ala e alofa kiate ia, Ke lotou faipe le laa, I lana sopo ake i lona gigila katoa. Na malolo loa le fenua i fetuu e kau fa.