Pesalemo 36:6 - Tosi Tapu

⁶ Eteleno ! E kaku lou agamalie ki le atu lagi, Lou agatonu ki atu ao.

Pesalemo 36:6 ပူးပေါင်းရင်းမြစ်များ

Uluaki tosi kia Timoteo 4:10

Koia e tou gaoi, ti e tou tau, talie e tou tuku latatou amanaki malie ki le Atua mauli, leia ko le Fakamauli o tagata fuli, kae tafito le kau tui.

Loma 11:33

Oiau ! le loloto o koloa, mo le poto, ti mo le iloa o le Atua ! Ko ai e mafai ke fakamatala ia ana fakamaau, ti ko ai e mafai ke iloa ia ona ala ! Ofaipe le fakasa e le Tosi

Pesalemo 77:19

Na pa loa lou mana i le asesio, Na fakamalama loa e uila le malama nei katoa ; Na lulu loa le kele i le i.

Pesalemo 71:19

Ei Atua, e kaku lou faitotonu ki le lagi ; Na ke fai ni nea lalasi, ei Atua, ko ai e tatau mo koe ?

Esaia 45:19

Na leaise kau masau fakafufu I se ganea fakapouli o le kele ; Na leaise kau pati ki le sakoga o Sakopo : Kotou afa au i se ganea leia e leaise kau nofo ai ! Ko au, le Eteleno, e kau fakasa le maoki, E kau fakasa le nea leia e totonu.

Pesalemo 145:9

E agamalie le Eteleno ki tagata fuli, Ti e mafola lona manava alofa ki ana gaoiaga fuli.

Pesalemo 97:2

E takatakai a ia e ao mo le fakapouli, Ko le faitotonu mo le maoki ko fakavae o lona ekeekeaga fakasau.

Pesalemo 92:5

E ke fakafiafia au ki au gaoi, ei Eteleno ! Ti e kau sua i le fiafia lasi le gaoiaga o ou lima.

Loma 3:25

Ko ia leia kua fakatuutuu e le Atua ko le failaulau fakamolemole o agasala kia latou ala e tui loa ki lona toto, o tupu ke fakasa ai lana faitotonu, talie na leaise fakatuaa e ia a agasala ala na fai i mua, i le temi o lona kataki fualoa.

Sonasi 4:11

Ti ko au, pe leaise kau alofa loa ki Ninive, le kolo lasi, leia e mauli ai ni tagata e tino lelau tino lua afe tupu, ala e leaise iloa ia fua lolatou lima atamai mei lolatou lima sema, ti mo ni manu lasi ai !

Esaia 40:28

Pe leaise ke iloa ? Pe na leaise ke logo ki ai ? Ko le Eteleno ko le Atua o sekulo mo sekulo ; Ko ia leia na fakatupu ia le malama nei mei leia potupotu o kaku ki leia potupotu ; E leaise toe gaegae fua a ia, ti e leaise toe kaekae fua a ia ; E leaise mafai ke fuafua lona atamai.

Pesalemo 147:9

E soli e ia le nea kai ki manu lalasi, Ki uviki o le kolopo mo ka lotou tagi.

Sopo 37:23

E leaise feala ke tou kaku ki le Mafimafi, E lasi a ia i le makeke, I le faitotonu, mo le pule. E leaise tali mai a ia !

Sopo 7:20

Kapau kua kau agasala, ti kolea leia na kau fai kiate koe, tagata leoleo o tagata ? Kolea e ke fakatusitusi ai kiate au au gasau ? Kolea kua kau liliu ai ko se kavega kiate koe ?

Neemia 9:6

Ko koe Eteleno, ko koe toka tasi, leia na fau ia le lagi, le lagi o atu lagi, ti mo olatou kau tau fuli, mo le kele ti mo nea fuli i ai, mo atu tai ti mo nea fuli i ai. E ke soli le mauli ki nea fuli ana, ti e atolasio kiate koe le kau tau katoa o le atu lagi.

Uluaki tosi a Samuele 14:15

Na mafola loa le lulu i le nofolaga tau o le kau Filisitini, mo le fenua, mo le kakai katoa ; na toe lulu foki mo le kolo tau mo le kau maumau ; na maveuveu katoa le fenua. Na faipe se maveuveu na au mei le Atua.

Tetelonome 32:4

Ko le Utu a ia ; e malie tukupau ana gaoi, Talie e agatonu ona ala fuli, Ko se Atua agatonu mo faitotonu a ia, E apele a ia i le agatonu mo le maokioki.

Ekesote 9:28

Kolua kole ki le Eteleno ke taofi le mana mo le ua fatu ; ti e kau tuku loa koutou ke ano, talie e leaise kau toe taofi loa koutou.

Senesi 18:25

E leaise feala ke ke tamate le tagata agatonu mo le tagata agasala, o sakinake e ke fakatatau loa le tagata agatonu mo le tagata agasala : Ke mamao iate koe le fai lena ! Ke mamao ai iate koe ! Ko Leia e fakamaau ia le malama nei katoa pe leaise mulimuli a ia ki le faitotonu ?

Selemia 12:1

Eteleno, e ke faitotonu ai, ti e leaise mafai ke kau fakavisi kiate koe ; Kae e kau loto ke kau masau atu kiate koe o uiga mo au fakamaau : Kolea e manuia ai le ala o tagata agaveli ? Kolea e fimalie ai latou ala e fai kaka lasi ?

Tetelonome 7:9

Koia, ke ke iloa ko le Eteleno ko lou Atua, ko le Atua a ia e tasi, ko le Atua agatonu : E taupau e ia lana sai mo lona manava alofa o kaku ki le afe o tautupu kia latou ala e alofa kiate ia, mo tausi ia ana folafola.

Pesalemo 31:20

Io ! E lasi ai lou agamalie, Leia e ke taofi kia latou ala e i kiate koe, Leia e ke fakasa kia latou ala e afa lolatou mumuniaga iate koe Kae tio a vosa o tagata !

Tagi laulau a Selemia 3:23

E fakafoou latou i usu fuli. Io ! E lasi ai lou agatonu !