Pesalemo 36:4 - Tosi Tapu

⁴ Ko masau o lona gutu ko le loi mo le kaka ; E fakafiti a ia ki le poto mo le malie.

Pesalemo 36:4 ပူးပေါင်းရင်းမြစ်များ

Esitele 5:14

Na pati loa Selesa, lana avaga, mo ona kaukaunea fuli kiate ia : Ke teuteui se laakau ke meta kau lua tupu fitu lona taualuga, ti ke kole loa ki le sau i apogipogi ke tautau i ai a Maletoseo ; ti o ke ano loa i le fiafia ki le kai mo le sau. Na malie le manatu lena kia Amane ti na fakatotonu loa e ia ke teuteui le laakau.

Esitele 6:4

Ti na pati loa le sau : Ko ai i le malae ? Talie na au Amane ki le malae o le fale o le sau, ke kole ki le sau ke tautau Maletoseo ki le laakau leia na teuteui e ia.

Sopo 15:16

Ti e feaki ake loa le lasi o le fakalialia mo le kelekele o le tagata, Leia e inu ia le agasala ofaipe le vai ?

Pesalemo 38:12

Kua fakamamao oku kaukaunea mo oku kaiga i loku lavea, Ti kua tutuu oku famili totonu mei mamao.

Pesalemo 52:3

Kolea e ke fakakololia ai i lou agaveli, tagata tukipo ? E tuu mau le agamalie o le Atua o lee gato.

Pesalemo 97:10

Koutou ala e alofa ki le Eteleno, kotou vesia ki le veli ! E taupau e ia a laumalie o lana kau agatonu, E saofaki e ia latou i le lima o le kau agaveli.

Taagapati 24:2

Talie e fakakaukau olatou loto ki le maumau, Ti e masau olatou laugutu ki le veli.

Taagapati 24:23

Ko leinei foki le tasi a nea e au mei le kau poto : E leaise malie, i fakamaau, ke fakapalatasi ki se tagata.

Taagapati 4:16

Talie e leaise lotou momoe, kae e leikiaise lotou fai le veli ; ti e puli le fia moe ia latou mo ka e leikiaise lotou fakavilo se tasi.

Esaia 65:2

Na kau falo oku lima i aso fuli ki se kakai agatuu, Leia e saele i se ala veli, o mulimuli ata ki ana manatu ;

Selemia 4:22

Kua valea maoki loku kakai, e leaise iloa e ia au ; Ko ni fanau valelea mo sala atamai latou ; E lotou popoto i le fai o le veli, Kae e leaise lotou iloa le fai o le malie.

Selemia 6:16

E folafola le Eteleno, o pati : Kotou tutuu i ala, o tio, Ti kotou vesili pe kofea a ala afea, Pe kofea le ala malie ; kotou saele i ai, Ti e kotou maua loa le malolo o okoutou laumalie ! Kae e lotou tali : E leaise motou saele loa i ai.

Selemia 8:6

E kau tokaga, ti e kau fakalogo : E leaise lotou masau ki le nea leia e tonu ke lotou masau ki ai ; E leaise fakasemala se tasi ki lana agaveli, O pati : Kolea na kau fai ia ? E lotou toe makape fuli, Ofaipe se osi leia e makape ki le tau.

Amosi 5:15

Kotou vesia ki le veli ti kotou alofa ki le malie, Kotou fakamaau i le faitotonu ; Ti e lagi alofa loa le Eteleno, le Atua o kau tau, Ki toetoega o Sosefo.

Mikea 2:1

Malaia kia latou ala e fakakaukau ia le agaveli mo teuteu ia le veli i olatou moeaga ! I le mafoata e lotou fai a ia, Mo ka e lotou maua ia le pule i olatou lima.

Mikea 6:8

Na fakasa kiate koe, ei tagata, le nea leia e malie ; Ti ko le nea leia e kole atu e le Eteleno kiate koe, Ke ke fai le nea leia e totonu, Ke ke alofa ki le manava alofa, Ti ke ke saele mo lou Atua i le agamalu.

Mateo 27:1

I le usu ake, na fono loa le kau pule faisakilifisio fuli mo le kau fakamatuatua o le kakai ke tamate Sesu.

Gaoi 23:12

I le mafoa mai o le ao, na kauakii loa e le kau Sutea se nea veli, ti na lotou fakapapau loa ke aua na lotou kai pe inu i mua o le tamate o Paulo.

Loma 1:32

Ti e logo ai e lotou iloa le fakamaau faitotonu a le Atua, leia kua fakasa ia e tonu ke mate latou ala e fai ia a nea ana, e leaise gato fua e lotou fai latou, kae e lotou toe fakamaoki foki kia latou ala e fai ia a nea ana.

Loma 12:9

Ke puli le malualoi i le alofa. Ke kotou fakalialia ki le veli ti ke kotou pipiki fakamakeke ki le malie.

Apokalipisi 2:2

E kau iloa au gaoi, mo lou pakia, ti mo lou kataki fualoa. E kau iloa e leaise ke mafai ia le katakii o le kau agaveli ; ti kua ke asiasii latou ala na pati ko apositolo kae e leai, ti kua ke iloa ko le kau gutu loiloi latou ;

Uluaki tosi a Samuele 19:11

Na kakau loa e Saulo ni kakai ki le fale o Tavite ke lamalama a ia, o tamate i le usu. Kae na fakasa loa e Mikale, avaga o Tavite, le nea lena kiate ia, o pati : Kapau e leaise ke sola i le po nei, e ke mate loa i apogipogi.