Pesalemo 33:2 - Tosi Tapu

² Kotou fakafetai ki le Eteleno i le alepe ! Kotou vikiviki kiate ia i le lute va kau agafulu.

Pesalemo 33:2 ပူးပေါင်းရင်းမြစ်များ

Lua tosi a Samuele 6:5

Na ta e Tavite mo le fale katoa o Iselaele i mua o le Eteleno a nea fai musika kesekese na fau ki le laakau ko le sipele, ni alepe, mo ni lute, mo ni nafa, mo ni pa, mo ni sitale.

Uluaki tosi o Koloniko 15:16

Ti na pati loa Tavite ki pule o le kau Levi ke fakatuu olatou fetaina ala na tonu ke sua mo alatou nea fai musika, ni lute, mo ni alepe ti mo ni pa, ti ke lotou fakasa lolatou fiafia lasi ki ni musika logo malie mo makeke.

Uluaki tosi o Koloniko 15:28

Na paleaki ake loa e Iselaele katoa le aleka o le sai a le Eteleno mo ni kalaga fakafiafia, mo ni tatagi o fakatagi pupusi, mo pa, mo lute, ti mo alepe.

Uluaki tosi o Koloniko 25:3

I vosa o Setutune : ko Ketalia, Teseli, Esaia, Asapia, Matitia mo Simei, ko le toka ono, o takitaki e lolatou tamana ko Setutune, leia na sua ia a folafola a le Atua i le alepe o fakavikiviki mo fakafetai ki le Eteleno.

Uluaki tosi o Koloniko 25:6

Na takitaki latou fuli ana e lolatou tamana ki le sua i le fale o le Eteleno, ti na lotou maua ni nafa, mo ni lute, mo ni alepe, ki le tausi o le fale o le Atua. Na maua e Asafe, mo Setutune, mo Emani, a fakatotonu mei le sau.

Pesalemo 144:9

Ei Atua ! e kau sua loa kiate koe se katiko foou, E kau fakamalo loa kiate koe i le lute va kau agafulu.

Pesalemo 149:3

Ke lotou fakafetai ki lona suafa i ni mako, Ke lotou sua fakafetai kiate ia i le alepe mo le nafa !

Pesalemo 71:22

Ti e kau vikiviki loa kiate koe i le leo o le lute, e kau sua loa lou agatonu, ei loku Atua ; E kau siki loa a koe i le alepe, Sagato o Iselaele !

Pesalemo 92:3

Ke fakasa i le usu lou agamalie, Ti mo lou agatonu i lolotoga o pouli,

Pesalemo 92:4

I le ukalele va kau agafulu ti mo le lute, I le leo o le alepe.

Ekesote 15:20

Na too loa e Malia, ko le fafine polofeta, tuagaane o Alone, se nafa ikiiki i lona lima, ti na mulimuli loa iate ia a fafine fuli mo ni nafa liliki, o lotou mako loa.

Apokalipisi 14:2

Ti na kau logo loa ki se leo mei le lagi, ofaipe le gugulu o vaitafe lalasi, ofaipe le gugulu o se mana lasi ; ti ko le leo leia na kau logo ki ai na faipe le leo o ni tagata ta alepe ala e ta ia alatou alepe.

Apokalipisi 5:8

I lana too le tosi, na tulolo loa a manu mauuli e fa ti mo matua e tino lua tupu fa i mua o le Akeno, o tasi too lana alepe ti mo ni ipu aulo kua apelepele i kaloni, ala ko faikole a le kau sagato.