Pesalemo 32:8 - Tosi Tapu

⁸ E kau ako loa kiate koe ti e kau fakasa loa kiate koe le ala leia e tonu ke ke muli ai. E kau tokoi loa kiate koe, ti e kau tuku tuumau loa oku mata kiate koe.

Pesalemo 32:8 ပူးပေါင်းရင်းမြစ်များ

Senesi 24:48

Ti na kau tulolo loa ki le kele o atolasio ki le Eteleno. Ti na kau fakafetai ki le Eteleno, le Atua o loku aliki ko Apalaamo, leia na agatonu o taki mai au, o tupu ke kau too ki lona vosa le taine o le taina o loku aliki.

Lua tosi a Samuele 22:33

Ko le Atua leia ko loku kolo tau, Ti e fakalauatea ia le ala i oku mua.

Uluaki tosi o Sau 8:36

ke ke tali loa latou mei le atu lagi, ke ke fakamolemole loa le agasala o au tagata fakasausau ti mo lou kakai ko Iselaele, leia e ke ako loa ki ai le ala malie leia e tonu ke lotou saele ai, ti ke ke kakau mai loa le ua ki le kele leia na ke tuku ke maua tofiga e lou kakai !

Pesalemo 143:8

Tuku ke kau logo i le usu ki lou agamalie, Talie e kau fanaki kiate koe. Fakasa mai kiate au le ala leia e tonu ke kau saele ai, Talie e kau siki kiate koe loku laumalie.

Pesalemo 25:12

Ko ai le tagata leia e i ki le Eteleno ? E fakasa loa e le Eteleno kiate ia le ala leia e tonu ke filifili e ia.

Pesalemo 33:18

Ko leinei, e tio a mata o le Eteleno kia latou ala e i kiate ia, Kia latou ala e amanaki malie ki lona agamalie,

Pesalemo 34:11

E pakupaku ti e fia inu a uviki laione, Kae e leaise puli se nea kia latou ala e afa ia le Eteleno.

Taagapati 3:1

Ei loku vosa, aua na galo aku akonaki iate koe, Ti ke taupau e lou loto aku pelesepeto ;

Esaia 48:17

Ti ko leinei le folafola a le Eteleno, leia na totogi ia a koe, le Sagato o Iselaele : Ko au, le Eteleno, lou Atua, e kau ako a koe ke ke manuia, E kau taki a koe i le ala leia e tonu ke ke mulimuli ai.

Esaia 49:10

E leaise lotou toe fia kai loa, ti e leaise lotou toe fia inu loa ; E leaise lotou toe mamae loa i le matagi vevela o le toafa ti mo le laa ; Talie ko leia e alofa kia latou e liliu loa ko lolatou tagata takitaki, Ti e taki loa e ia latou ki ni matapuna vai.

Numelo 9:22

Kapau na tuu le ao i aluga o le tapenakulo i ni aso e lua, pe ko se masina e tasi, pe ko se fetuu katoa, na nonofo fanau a Iselaele i olatou falela, ti na leaise lotou fanoga loa. Ti ka malaga loa le ao, na lotou fanoga loa.

Mateo 11:29

Kotou amo laku laakau taki, ti kotou tali aku akonaki, talie e kau agamalu mo loto fakataulalo ; ti e kotou maua loa le malolo ki okoutou laumalie.