Pesalemo 32:5 - Tosi Tapu

⁵ Na kau fakasa kiate koe laku agasala, Na leaise kau fufu laku agaveli ; Na kau pati : E kau vevete loa aku patigataa ki le Eteleno ! Ti na ke soloi le tua o laku agasala. - Manava.

Pesalemo 32:5 ပူးပေါင်းရင်းမြစ်များ

Lua tosi a Samuele 12:13

Na pati loa Tavite kia Natane : Kua kau agasala ki le Eteleno ! Ti na pati loa Natane kia Tavite : Kua fakamolemole e le Eteleno lau agasala, e leaise ke mate loa.

Lua tosi a Samuele 12:9

Kolea na ke fakanoai ai le folafola a le Eteleno, o ke fai ai le nea e veli ki ona mata ? Na ke taai ki le seleta a Uli, le tagata Eti ; na ke too lana avaga ke liliu ko lau avaga, ti na ke tamate a ia ki le seleta o vosa o Amone.

Lua tosi a Samuele 24:10

Na logoi loa e Tavite le ta o lona mafu i le oki o le lau o le kakai. Ti na pati loa a ia ki le Eteleno : Kua kau fai se agasala lasi i le nea leinei kua fai ! Ti ko leinei, ei Eteleno, ke ke alofa o fakamolemole le agasala a lau tagata fakasausau, talie kua kau fai se nea fakavale !

Lua tosi a Samuele 24:17

I le tio a Tavite ki le tamate e le aselo o le kakai, na pati loa a ia ki le Eteleno : Ko leinei, kua kau agasala ! Ko au leia e sala ; kae ko ovi ana, kolea le nea na lotou fai ? Ke vilo lou lima kiate au mo le fale o loku tamana !

Uluaki tosi o Sau 8:50

ke ke fakamolemole a agasala o lou kakai mo ana patigataa fuli kiate koe ; ke ke lagai le alofa ia latou ala e fakapopula ia latou, o tupu ke lotou alofa kia latou,

Lua tosi o Koloniko 6:29

kapau e fai loa e se tagata, pe ko lou kakai katoa ko Iselaele, ni tagi mo ni kole kiate koe, ti kapau e tasi iloa e le tagata le veli o lona loto mo lona mamae, o siki ona lima ki le fale leinei,

Esetalasi 10:11

Kotou kofesio i le aso nei lakoutou agasala ki le Eteleno, le Atua o okoutou tamana, ti kotou fai lona finegalo ! Kotou mavae mei le kakai o le fenua ti mo fafine matapule.

Sopo 31:33

Ti kapau, ofaipe tagata fuli, na kau fufu aku sala, Ti na kau kofu aku agaveli i loku manava,

Sopo 33:27

E sua loa a ia o fakasa ki tagata fuli : Na kau agasala, na kau maumaui le lao, kae na leaise fakatua au o mulimuli ki laku agaveli ;

Pesalemo 103:12

Ofaipe le potu esite e mamao i le potu uesite, E toe fakamamao loa e ia atatou agasala ia tatou.

Pesalemo 103:3

Ko ia leia e fakamolemole ia au agaveli fuli, Leia e fakamauli ia ou masaki fuli ;

Pesalemo 25:16

Ke ke tio mai kiate au, ti ke ke alofa mai kiate au, Talie kua tiaki au ti e kau mamae.

Pesalemo 25:18

Ke ke tio ki loku malaia mo loku pakia, Ti ke ke fakamolemole ki aku agasala fuli.

Pesalemo 30:5

Ke kotou sua ki le Eteleno, koutou ala e alofa kiate ia ! Ke kotou fakafetai kiate ia, o fakasa lona maokioki !

Pesalemo 38:18

Talie kua vave fua loku siga, Ti e tuu mau loku mamae i oku mua.

Pesalemo 38:19

Talie e kau fakamaoki ki laku agaveli, E kau nofo i le mamae o tupu ko laku agasala.

Pesalemo 51:6

Na kau agasala kiate koe toka tasi, Ti na kau fai le nea leia e veli ki ou mata ; Koia e ke faitotonu ai loa i lau fakatuutuu, ti e ke maokioki ai loa i lau fakamaau.

Pesalemo 86:15

Kae ko koe, Aliki, ko se Atua manava alofa mo agamalie a koe, Leia ke taofi fualoa lou sausau, e ke mou koloa i le agamalie mo le agatonu ;

Pesalemo 86:5

Aliki, talie e ke agamalie, e ke fakamolemole, Ti e ke apele i le alofa kia latou fuli ala e tagi kiate koe.

Taagapati 28:13

Ko leia e fufu ia ana agasala e leaise manuia, Kae ko leia e fakasa ia latou ti e tiaki ia latou e maua ia le manava alofa.

Taagapati 30:20

Ko leinei le ala o le fafine tono tagata : E kai a ia, ti e solosolo e ia lona gutu, Ti pati a ia : Na leaise kau fai se nea e veli.

Esaia 65:24

I mua o lalatou fetapa mai kiate au, E kau tali loa ; I mua o le tuku o lalatou masau, e kau tali loa.

Selemia 2:23

E feaki loa lau pati : Na leaise kau fakakelekele, Na leaise kau ano ki Paale ? Tio ki ou lakaaga i le vaivailiua, Fakamaoki ki le nea leia na ke fai, Kamelo vae gasolo mo vae mafi i le eva.

Selemia 2:35

Kae logo ai le nea lena, e ke pati : Io, e kau mea ! Kua maliu maoki lona sausau iate au ! Ko leinei, ka kau fakamaau loa mo koe, Talie e ke pati : Na leaise kau agasala fua.

Selemia 3:13

Ke ke vevete fua lau agasala, Ke ke vevete na ke agatuu ki le Eteleno, lou Atua, Na ke mulimuli i atua matapule, I lalo o laakau lalasi fuli, Ti na leaise ke fakalogo ki loku leo, e pati le Eteleno.

Selemia 31:20

Pe ko Efalaimi ko se vosa alofaina kiate au ? Se fanau leia e fakafiafia ia loku loto ? Talie ka lasi laku masau kiate ia, ti e toe lasi ake laku manatu kiate ia ; Koia e mamae ai loku manava o tupu ko ia : E kau alofa loa kiate ia, e pati le Eteleno.

Oseo 6:1

Kotou au, tou toe liliu ki le Eteleno ! Talie na saei e ia, kae e fakamauli loa e ia tatou ; Na taai e ia, kae e sai loa e ia otou lavea.

Levitiko 5:5

Ko le tagata leia kua visia i se agasala i agasala ana, e tonu ke kofesio loa e ia le nea lena na tupu ai lana agasala,

Malakia 3:8

Pe kakaai e se tagata le Atua ? Talie e kotou kakaai au, Ti e kotou pati : Kolea le nea leia na motou kakaai ai a koe ? I vaega kau agafulu mo moliga.

Luka 16:15

Na pati loa a ia kia latou : Ko koutou, e kotou fia agatonu i mua o le tagata, kae e iloa e le Atua okoutou loto ; talie ko le nea leia e mauiga lasi ki tagata e fakalialia i mua o le Atua.

Luka 7:47

Koia e kau pati atu ai kiate koe, kua fakamolemole ana agasala ala na lasi ai ; koia leia na alofa lasi ai a ia. Kae ko leia e fakamolemole ikiiki ki ai e alofa ikiiki.

Efeso 4:32

Ke kotou feagamalieaki ia koutou, o manavaalofa, mo fefakamolemoleaki ofaipe le fakamolemole a le Atua kia koutou ia Kilisito.

Sosue 7:19

Na pati loa Sosue kia Akane : Ei loku vosa, e kau kole atu kiate koe, ke ke fakaapaapa ki le Eteleno, le Atua o Iselaele, ti ke ke fakakololia kiate ia ! Koia ke ke fakasa mai kiate au le nea leia na ke fai, ke aua na ke toe fufu a ia kiate au !