Pesalemo 32:11 - Tosi Tapu

¹¹ Kau agatonu ! ke kotou fiafia i le Eteleno ti ke kotou nekenekea ! Ke kotou fai ni kalaga fakafiafia, koutou fuli ala e loto sako !

Pesalemo 32:11 ပူးပေါင်းရင်းမြစ်များ

Pesalemo 125:4

Eteleno, liligi au nea malilie ki le kau agamalie, Ti mo latou ala e loto sako !

Pesalemo 32:2

Manuia le tagata leia e leaise lau ki ai e le Eteleno lana agaveli, Ti e leaise maua se kaka i lona loto !

Pesalemo 33:1

Kau maokioki, kotou fiafia i le Eteleno ! E gali le fakafetai mo le kau agatonu.

Pesalemo 5:11

Taai latou ofaipe ni tagata agasala, ei Atua ! Tuku latou ke vivilo i alatou fakakaukau ! Tiaki latou o tupu ko alatou agasala ala e leaise mafai ke lau ! Talie e lotou agatuu kiate koe.

Pesalemo 64:10

Ko tagata fuli kua maua e le i, E lotou fakasa le nea leia na fai e le Atua, Ti e lotou tokaga ki lana gaoiaga.

Pesalemo 68:3

Ofaipe le afu leia e viligia, e ke pusii latou ke puli ; Ofaipe le sua o le silo i le afi, e pupuli a tagata agaveli i mua o le Atua.

Pesalemo 7:10

Fakagato le kaka a le kau agaveli ! Kae fakatuu ke makeke le tagata agatonu, Atua faitotonu, a koe leia e ului ia a mafu mo ifiifi !

Pesalemo 97:1

E sau le Eteleno ; ke fiafia lasi le malama nei ; Ke fiafia a atu motu mauke !

Pesalemo 97:12

Kau agatonu, kotou fiafia i le Eteleno, Ti kotou sua ia koutou fakafetai lona maokioki !

Pesalemo 98:4

Kotou fai ni kalaga fakafiafia ki le Eteleno, Koutou fuli, kakai o le malama nei ! Kotou fakasa lokoutou fiafia lasi, ti kotou sua !

Sakalia 4:7

Ko ai a koe, mauga lasi ? E ke lapa loa i mua o Solopapele ! E teki loa e ia le fatu tafito i loto malie o ni kalaga fakafiafia : Kalasia, kalasia kiate ia !

Loma 5:11

E leaise gato fua i ai, kae e tou fiafia foki i le Atua i lotatou Aliki ko Sesu-Kilisito, leia kua tou maua ai le fakatokatoka i le temi nei.

Tetelonome 12:12

Ko lena loa le ganea leia e kotou fakafiafia ai loa i mua o le Eteleno, lokoutou Atua, koutou, mo akoutou fanau, mo akoutou tagata fakasausau, mo akoutou fafine fakasausau, mo le kau Levi leia e nonofo i okoutou kolo, talie e leaise lotou maua se tofiga i loto malie o koutou.

Filipe 3:1

Fakatoetoe, ei oku fetaina, kotou fiafia i le Aliki. E leaise kau kaekae fua i le tosi atu kia koutou o nea masani, talie e aoga a ia kia koutou.

Filipe 3:3

Talie ko le kau silikosisio, ko tatou, ala e fai ia ki le Atua latatou atolasio i le Laumalie o le Atua, ti e fakakololia ia Sesu-Kilisito, kae e leaise tuku ia latatou fanaki ki le kanofi.

Filipe 4:4

Kotou fiafia tuumau i le Aliki, e kau toe liuga atu a ia, kotou fiafia.

Uluaki tosi a Samuele 2:1

Na fai loa le kole e Ana, o pati : E fiafia loku loto i le Eteleno, Kua toe lagai loku makeke e le Eteleno ; Kua mavaa loku gutu ki oku fili, Talie e kau fiafia i lau fakamauli.