Pesalemo 30:2 - Tosi Tapu

² E kau vikiviki kiate koe, Eteleno, Talie na ke lagai au ki aluga, Na leaise ke loto ke fiafia oku fili iate au.

Pesalemo 30:2 ပူးပေါင်းရင်းမြစ်များ

Senesi 20:17

Na faikole loa Apalaamo ki le Atua, ti na fakamauli loa e le Atua a Apimeleke, mo lana avaga ti mo ana fafine fakasausau ; ti na mafai loa ke lotou toe fanaunau.

Lua tosi o Sau 20:5

Toe liliu o pati kia Esekiasi, pule o loku kakai : Ko leinei le folafola a le Eteleno, le Atua o Tavite, lou tamana : Kua kau logo ki lau faikole, ti kua kau tio ki ou loimata. E kau soli loa kiate koe le malolo ; i le tolu o aso, e ke pale loa ki le fale o le Eteleno.

Pesalemo 118:18

N tautea au e le Eteleno, Kae na leaise tuku e ia au ki le mate.

Pesalemo 145:1

Fakafetai. A Tavite. E kau siki loa a koe, ei loku Atua, loku sau ! Ti e kau fakafetai loa ki lou suafa i temi fuli, o lee gato.

Pesalemo 147:3

E fakamauli e ia latou ala e loto fatifati, E sai e ia olatou lavea.

Pesalemo 35:24

Ke ke fakamaau au o mulimuli ki lou faitotonu, Eteleno, loku Atua ! Ti ke aua na lotou fiafia iate au !

Pesalemo 41:12

E kau iloa loa e ke alofa kiate au, Mo ka e leaise malo loku fili iate au.

Pesalemo 51:8

Kae e ke loto ke nofo le maoki i le takele o le loto : Koia ke ke fakaulu le poto ki loku loto !

Pesalemo 6:2

Eteleno ! aua na ke tautea au i lou ita, Ti aua na ke taai au i lou ita lasi.

Pesalemo 88:13

Pe iloa au nea fakatalatupua i le fakapouli, Ti mo lou faitotonu i le nofoaga o le galoi ?

Ekesote 15:26

Na pati loa a ia : Kapau e ke tokaga malie ki le leo o le Eteleno lou Atua, kapau e ke fai le nea leia e totonu ki ona mata, kapau e fakalogo lou taliga ki ana fakatotonu, kapau e ke tausi ana lao fuli, ti e leaise kau tautea loa a koe ki se masaki i masaki ala na kau tautea ki ai le kau Esipito ; talie ko au ko le Eteleno leia e fakamauli ia a koe.