Pesalemo 30:12 - Tosi Tapu

¹² Ti na ke fetogi aku tagi ki se fiafia lasi, Na ke tatala loku kofu mamae, kae na ke toi au ki le fiafia,

Pesalemo 30:12 ပူးပေါင်းရင်းမြစ်များ

Senesi 49:6

Ke aua na kau loku laumalie ki ala fono fakafufu. Ke aua na fakatasi loku laumalie ki ala fakatasiga, talie na la tamate ni tagata i lola ita, Ti na la tutuuti a vae o pipi i lola agaveli.

Esitele 8:16

Ti na apele loa le kau Sutea i le manuia mo le fiafia, i le nekenekea mo le kololia.

Esitele 9:22

ofaipe ni aso ala na malolo ai le kau Sutea i olatou fili, ke lotou fakamanatu le masina leia na fetogi ai lolatou mamae ki le fiafia, lolatou tagi ki se aso malie, ke lotou fai ki aso ana ni aso kai mo fakafiafia, ti ke lotou fai ni nea alofa ia latou mo ni nea alofa ki le kau mativa.

Pesalemo 13:6

Ko au, e kau fanaki ki lou agamalie, E kau maua le fiafia lasi i loku loto, o tupu ko lou fakamauli. E kau sua ki le Eteleno, talie na fai e ia se nea malie kiate au.

Pesalemo 145:2

I aso fuli e kau fakafetai loa kiate koe, Ti e kau fakamalo loa ki lou suafa i temi fuli, o lee gato.

Pesalemo 16:9

Koia e fiafia ai loku loto, ti e nekenekea loku laumalie, Ti e malolo loku tino i le fimalie.

Pesalemo 44:8

Kae ko koe leia e saofaki ia matou i omatou fili, Ti e fakaluma ia latou ala e vesia mai kia matou.

Pesalemo 57:8

Kua makeke loku loto, ei Atua ! kua makeke loku loto : E kau sua loa, ti e kau fakagugulu loa aku nea faimusika.

Pesalemo 71:14

Kae ko au, e kau amanaki malie tuumau loa, E kau asilisili fakafetai loa kiate koe.

Pesalemo 71:23

E fiafia lasi loa oku laugutu i le sua kiate koe, Mo loku laumalie leia na ke saofaki.

Esaia 61:3

Ke soli kia latou fuli ala e mamae i Sione, Io, ke soli kia latou se pala fakasau ke fetogi ai le mugalafu, Mo se lolo fakafiafia ke fetogi ai le putu, Mo se kofu fakafetai ke fetogi ai le loto mamae, O tupu ke fakaigoa latou ko ni telepate o le faitotonu, Se faisaga a le Eteleno, ke tausi ki lona kololia.

Luka 19:40

Na tali loa a ia : E kau pati atu kia koutou, kapau e lotou fakalologo, ti e kalaga loa a fatu anei !

Gaoi 4:20

talie e leaise mafai ke aua na ma masau ki le nea leia kua ma tio mo logo ki ai.

Apokalipisi 7:12

o pati : Amene ! Ke tuku ki lotatou Atua le fakavikiviki, mo le kololia, mo le poto, mo le fakafetai, mo le fakaapaapa, mo le mafimafi, ti mo le makeke, i sekulo mo sekulo ! Amene !