Pesalemo 30:11 - Tosi Tapu

¹¹ Fakalogo mai, Eteleno, alofa mai kiate au ! Eteleno, fakamauli au !

Pesalemo 30:11 ပူးပေါင်းရင်းမြစ်များ

Senesi 37:35

Ti na nake loa ona vosa fuli mo ona taineliki fuli o fakapelepelei a ia, kae na leaise tali loa e ia se fakafimalie e tasi. Na pati loa a ia : E kau tagi loa ki loku vosa o kaku ki le aso leia e kau fakatasi ai loa mo loku vosa i le nofoaga o le kau mate ! Ti na tagi a ia ki lona vosa.

Senesi 45:28

Ti na pati loa Iselaele : Kua feauga ! Koi mauli loku vosa ko Sosefo ! E kau ano loa, ti e kau tio loa kiate ia i mua o loku mate.

Lua tosi a Samuele 6:14

Na mako loa Tavite i mua o le Eteleno i lona makeke katoa, ti na kofu e ia le efote tea.

Lua tosi o Koloniko 20:12

Ei lomatou Atua, pe leaise ke fakasoko ia loa au fakamaau kia latou ? Talie e leaise motou maua se makeke i mua o le kakai toka api lena kua saele mai kia matou, ti e leaise motou iloa se nea leia ke fai, kae e tio atu omatou mata kiate koe.

Lua tosi o Koloniko 20:3

I le i o Sosafate, na loto loa a ia ke afa le Eteleno, ti na fakatotonu loa e ia ke fai se sesunio i Suta katoa.

Lua tosi o Koloniko 20:9

Ka soko mai loa kia tatou se malaia, pe ko le seleta, pe ko le fakamalaia, pe ko le taumasaki, pe ko le oge, kapau e motou tutuu loa i mua o le fale leinei ti mo ou mua, (talie e agai lou suafa i le fale leinei), ti kapau e motou tagi loa kiate koe i loto malie o lomatou mamae, ti e ke tali loa matou ti e ke saofaki loa matou !

Neemia 8:10

Na lotou pati loa ki le kakai : Kotou ano, kotou kai ni inati malilie, ti kotou inu ni nea inu malilie, ti kotou ave ni vaega kia latou ala na leaise teuteui ia se nea kai, talie ko le aso leinei kua fakatapui ki lotatou Aliki ; aua na kotou loto mamae, talie ko le fiafia o le Eteleno ko lokoutou makekeaga.

Esitele 9:22

ofaipe ni aso ala na malolo ai le kau Sutea i olatou fili, ke lotou fakamanatu le masina leia na fetogi ai lolatou mamae ki le fiafia, lolatou tagi ki se aso malie, ke lotou fai ki aso ana ni aso kai mo fakafiafia, ti ke lotou fai ni nea alofa ia latou mo ni nea alofa ki le kau mativa.

Pesalemo 149:3

Ke lotou fakafetai ki lona suafa i ni mako, Ke lotou sua fakafetai kiate ia i le alepe mo le nafa !

Pesalemo 150:4

Kotou fakafetai kiate ia i le nafa mo ni mako ! Kotou fakafetai kiate ia i ni nea faimusika va mo le salumo !

Pesalemo 27:7

Eteleno, logo mai ki loku leo, e kau tagi kiate koe : Alofa mai kiate au, tali mai ki laku kole !

Pesalemo 30:5

Ke kotou sua ki le Eteleno, koutou ala e alofa kiate ia ! Ke kotou fakafetai kiate ia, o fakasa lona maokioki !

Pesalemo 4:7

E pati le toka api : Ko ai ka fakatio ia loa matou ki le fiafia ? Ei Eteleno, fakasopo mai kia matou le malama o ou mata !

Ekelesiasi 3:4

se temi ke tagi ai, ti mo se temi ke kata ai ; se temi ke lauga ai, ti mo se temi ke mako ai ;

Esaia 25:3

Koia e fakakololia ai kiate koe a kakai makeke, Ti e i ai kiate koe a kolo o puleaga makeke.

Esaia 25:8

E folo loa e ia le mate o talu oki ; Ti e solosolo loa e le Aliki, le Eteleno, a loimata i mata fuli ; Ti e fakapuli loa e ia i le fenua katoa le luma o lona kakai ; Talie kua masau le Eteleno.

Esaia 61:10

E kau fiafia lasi loa i le Eteleno, E nekenekea loa loku laumalie i loku Atua ; Talie kua fakakofu e ia au ki ni kofu o le fakamauli, Kua ufiufi e ia au ki le taupulupulu o le maokioki, Ofaipe se tama avaga e teu ki se pala, Ofaipe se taine avaga e teu ki ona kofu fakateuteu.

Esaia 61:3

Ke soli kia latou fuli ala e mamae i Sione, Io, ke soli kia latou se pala fakasau ke fetogi ai le mugalafu, Mo se lolo fakafiafia ke fetogi ai le putu, Mo se kofu fakafetai ke fetogi ai le loto mamae, O tupu ke fakaigoa latou ko ni telepate o le faitotonu, Se faisaga a le Eteleno, ke tausi ki lona kololia.

Selemia 31:4

E kau toe laga loa a koe, ti e toe laga loa a koe, Taine taupoou o Iselaele ! E ke toe too loa au nafa, Ti e ke toe ano loa i loto malie o ni mako fakafiafia.

Selemia 52:33

Na fakatotonu loa e ia ke fetogi ona kofu mei le pilisoni, ti na kai tuumau loa Sosakini i le laupapa o le sau i le temi katoa o lona mauli.

Luka 15:22

Kae na pati loa le tamana ki ana tagata fakasausau : Kotou aumai vave le kofu fulumalie oki, ti kotou tui a ia kiate ia ; kotou velo mo se mama ki lona maikao, ti kotou tui mo ni taka ki ona vae.

Soane 16:20

E maoki, e maoki, e kau pati atu kia koutou, e kotou fetagisi loa ti e kotou lauga loa, kae e fiafia loa le malama nei : E kotou nonofo loa i le mamae, kae e fetogi loa lokoutou mamae o fiafia.

Apokalipisi 21:4

E solosoloi loa e ia a loimata fuli mei olatou mata, ti e leaise toe maua loa le mate : e leaise toe maua loa se tagi, mo se lauga, mo se mamae, talie kua puli loa a uluaki nea.