Pesalemo 29:4 - Tosi Tapu

⁴ E makeke le leo o le Eteleno. E mamalu le leo o le Eteleno.

Pesalemo 29:4 ပူးပေါင်းရင်းမြစ်များ

Pesalemo 33:9

Talie e pati a ia, ti e soko le nea ; E fakatotonu e ia, ti e tuku a ia.

Pesalemo 68:33

Puleaga o le malama nei, kotou sua ki le Atua, Kotou fakafetai ki le Aliki ! - Manava.

Pesalemo 68:34

Kotou sua ki leia e saele mai i le atu lagi, i le atu lagi lee gato ! Ko leinei, e fakasa e ia lona leo, lona leo makeke.

Pesalemo 93:4

Ko le Eteleno e mafimafi i le atu lagi, O lasi ake i le leo o vai lalasi mo makeke, I piau itaita o le tai.

Esaia 30:30

Ti e fakagugulu loa e le Eteleno lona leo fakaii, E fakaali loa e ia lona lima leia kua fakalogo ta, I le vevela o lona sausau, I loto malie o le ula o se afi kaka, Mo le lomaki, mo le afa, ti mo le ua fatu.

Esaia 66:6

E au se leo makeke mei le kolo, E ulu se leo mei le fale tapu. Ko le leo o le Eteleno, Leia e tuku ia ki ona fili lolatou totogi.

Esekiele 10:5

Ti na logo loa o kaku ki le lotoa i fafo le patu o kapakau o selupino, ofaipe le leo o le Atua mafimafi mo ka folafola.

Amosi 1:2

Na pati loa a ia : Mei Sione e gugulu le Eteleno, Mei Selusalemi e fakasa e ia lona leo. E tagi laulau a lotoa a le kau tausi manu, Ti kua malo le tumutumu o le Kalemelo.

Luka 4:36

Na lotou i fuli loa, o lotou fepatiaki : Kolea le folafola leinei ? E lagiaki foki a ia i le pule mo le makeke ki laumalie veli, ti e lotou mavae !

Luka 8:25

Ti na pati loa Sesu kia latou : Kofea lakotou tui ? Kae na lotou i lasi ai mo ofolele, o pati : Ko ai le tagata leinei, e lagiaki foki a ia ki le matagi mo le vai, ti e la fakalogo kiate ia ?