Pesalemo 28:9 - Tosi Tapu

⁹ Fakamauli lou kakai ti tapuaki ki lou tofiga ! Liliu ko lolatou tagata tausi ovi mo lolatou fanakiaga o lee gato !

Pesalemo 28:9 ပူးပေါင်းရင်းမြစ်များ

Lua tosi a Samuele 21:3

Na pati loa Tavite ki le kau Kapaone : Kolea le nea e feala ke kau fai kia koutou, ti e kau fai loa kilea le fakamolemole, o tupu ke kotou tapuaki loa ki le kakai a le Eteleno ?

Lua tosi a Samuele 7:7

I ganea fuli na kau saele ai mo fanau a Iselaele, pe na kau pati se kupu e tasi ki se tasi o pule o Iselaele ala na kau fakatotonu ke tausi ki loku kakai ko Iselaele, pe na kau pati : Kolea na leaise kotou fakatuu ai soku fale ki le sete ?

Uluaki tosi o Sau 8:51

talie ko lou kakai latou mo lou tofiga, ti na ke fakamavae latou mei Esipito, mei loto malie o le gutuumu ukamea ulaula.

Uluaki tosi o Sau 8:53

Talie na ke vaei kese latou mei kakai fuli o le malama nei ke liliu ko lou tofiga, o fai ki lau fakasa kia Moisese, lau tagata fakasausau, i le aso leia na ke fakamavae ai mei Esipito omatou tamana, ei Aliki Eteleno !

Esetalasi 1:4

I ganea fuli ala e nofo ai ni toetoega o le kakai o le Eteleno, e tonu ke soli loa kia latou e le kakai o le fenua lena se paaga, mo se aulo, mo ni koloa, mo ni manu, ti mo ni nea alofa ki le fale o le Atua leia i Selusalemi.

Pesalemo 14:7

Oi ! Ko ai ka aumai ia loa mei Sione le fakamauli ki Iselaele ? Io e toe aumai loa e le Eteleno le kau popula o lona kakai, E nofo loa Sakopo i le fiafia lasi, E fiafia loa Iselaele.

Pesalemo 25:22

Ei Atua ! fakamauli Iselaele I ona mamae fuli !

Pesalemo 78:71

Na too loa e ia a ia i muli o ovi fafine ala na fakau ia olatou uviki, O tupu ke tausi e ia Sakopo, lona kakai, Ti mo Iselaele, lona tofiga.

Esaia 40:11

Ofaipe se tagata tausi manu, e fagai loa e ia lana kau manu, E too loa e ia a akeno i ona lima, Ti e luluku loa e ia latou i lona fatafata ; E taki loa e ia a ovi fafine ala e fakau olatou uviki.

Esaia 46:3

Kotou fakalogo mai kiate au, fale o Sakopo, Ti mo koutou fuli, toetoega o le fale o Iselaele, Koutou ala na kau too o taupau talu mei lokoutou kamataaga, Ala na kau luluku talu mei lokoutou tupu !

Esaia 63:9

I olatou mamae fuli na leaise lotou sala tokoi, Ti ko le aselo leia e nofo i mua o le Eteleno na fakamauli ia latou ; Ko ia totonu leia na totogi ia latou, i lona alofa mo lona manava alofa, Ti na fakamakeke e ia latou ti na amo e ia latou i temi fuli, i aso afea.

Selemia 10:16

E leaise tatau mo latou Leia ko le vaega o Sakopo ; Talie ko ia leia na fau ia nea fuli, Ti ko Iselaele ko le faasiga o lona tofiga. Ko lona suafa ko le Eteleno o kau tau.

Selemia 31:7

Talie e folafola le Eteleno, o pati : Kotou kalaga fakafiafia kia Sakopo, Kotou sua fakafiafia i mua o atu puleaga ! Kotou kalaga leo lasi, kotou sua ni fakafetai, ti kotou pati : Eteleno, fakamauli lou kakai, le toetoega o Iselaele !

Mikea 5:2

Koia leia e tuku ai loa e ia lona kakai O kaku ki le temi leia e fanau ai loa leia e tonu ke liliu o tinana, Ti ko le toega o ona fetaina E toe liliu mai loa ki fanau o Iselaele.

Mikea 5:4

Ko ia leia e aumai ia loa le tokamalie. Ka au loa le tagata Asilia ki lotatou fenua, Ti ka ulu loa a ia ki otatou fale sau, E tou lagai loa kiate ia ni tagata tausi manu e toka fitu, Ti mo ni pule o le kakai e toka valu.

Mikea 7:14

Eteleno, fagai lou kakai ki lau laakau, le kau manu o lou tofiga, Leia e nofo toka tasi i le vaomatua i loto malie o le Kalemelo ! Ke lotou kai i Pasani mo Kalaate, Ofaipe aso o le temi mua.

Mateo 2:6

Ti ko koe, Peteleemi, kele o Suta, E leaise ko koe ai ko se kolo noa i kolo tafito o Suta, Talie e tupu loa iate koe se pule Leia e fagai ia loa Iselaele, loku kakai.

Efeso 1:18

ti ke fakamalamai e ia a mata o okoutou loto, o tupu ke kotou iloa le lasi o le amanaki malie leia e pipiki ki lana kalaga, mo le lasi o koloa o lona tofiga leia e taofi e ia ki le kau sagato,

Tetelonome 1:31

ti mo le toafa, leia na ke tio ai ki le aga a le Eteleno, lou Atua, o amo a koe ofaipe se tagata leia e amo ia lona vosa, i le ala katoa leia na kotou fai o kaku mai ki le ganea leinei.

Tetelonome 32:9

Talie ko le vaega o le Eteleno ko lona kakai, ti ko lona tofiga ko Sakopo.

Tetelonome 9:26

Na kau kole ki le Eteleno, o kau pati : Aliki Eteleno, ke aua na ke maumaui lou kakai, lou tofiga, leia na ke saofaki i lou mafimafi, leia na ke fakamavae mei Esipito ki lou lima makeke.

Tetelonome 9:29

Kae e maoki ko lou kakai latou, ko lou tofiga, leia na ke fakamavae ki lou makeke lasi mo lou lima falo.