Pesalemo 28:7 - Tosi Tapu

⁷ Ko le Eteleno ko loku makeke mo loku paletau. Na fanaki loku loto kiate ia, ti na fakamauli e ia au ; Koia e fiafia lasi ai loku loto, ti e kau fakafetai ai kiate ia i aku sua.

Pesalemo 28:7 ပူးပေါင်းရင်းမြစ်များ

Senesi 15:1

I le oki o nea ana, na tuku loa le folafola a le Eteleno kia Apalamo i se tio kiate ia, o pati : Apalamo, aua na ke i ! Ko au ko lou paletau, ti e lasi loa lou fakapale.

Pesalemo 13:5

O tupu ke aua na pati loku fili : Kua kau malo iate ia ! Ti ke aua na fiafia latou e agatuu mai kiate au, mo ka kau siga.

Pesalemo 13:6

Ko au, e kau fanaki ki lou agamalie, E kau maua le fiafia lasi i loku loto, o tupu ko lou fakamauli. E kau sua ki le Eteleno, talie na fai e ia se nea malie kiate au.

Pesalemo 19:14

Ke ke puipui foki lau tagata fakasausau i le kau fia nealasi, Ke aua na lotou pule kiate au ! Ti e kau agatonu loa, o mea i agasala lalasi.

Pesalemo 21:1

Ki le pule o le kau sua. Pesalemo a Tavite.

Pesalemo 22:4

Kae ko le Maokioki a koe, E ke nofo i loto malie o fakafetai a Iselaele.

Pesalemo 28:8

Ko le Eteleno ko le makeke o lona kakai, Ko le utu o fakamauli o lona filifilia.

Pesalemo 3:3

E toka api latou ala e masau o uiga mo au : E leaise toe maua se fakamauli kiate ia i tafa o le Atua ! -Manava.

Pesalemo 3:4

Kae ko koe, ei Eteleno ! ko loku paletau a koe, Ko loku kololia a koe, ti e ke toe lagai loku ulu ki aluga.

Pesalemo 33:21

Talie e fiafia omatou loto iate ia, Ti e motou fanaki ki lona suafa maokioki.

Pesalemo 37:39

E au le fakamauli o le kau agatonu mei le Eteleno : Ko ia ko lolatou puipuiaga i le aso o le mamae.

Pesalemo 40:3

Na too ake e ia au i le popoko o le maumau, I le takele o le pela ; Ti na fakatuu e ia oku vae i le utu, Na fakamakeke e ia oku laka.

Pesalemo 43:2

Ko koe, ei loku Atua, leia e puipui ia au, kolea e ke tekei ai au ? Kolea e tonu ai ke kau saele i le mamae, I le fakaveliveli a e le fili ?

Pesalemo 46:1

Ki le pule o le kau sua. O vosa o Kole. I le nota o le alamote. Katiko.

Pesalemo 46:2

Ko le Atua ko se ulufaga mo se fanakiaga kia tatou, Ko se tokoi leia e leaise toe puli i le temi o le mamae.

Pesalemo 69:30

Ko au, e kau mativa mo mamae : Ei Atua, ke toe lagai au e lau tokoi !

Pesalemo 84:11

E malie ake se aso e tasi i ou lotoa i ni aso e afe i tafa ; E malie ake kiate au laku tuu i le matapa o le fale o loku Atua, I laku nofo i falela o le agaveli.

Pesalemo 91:4

E ofaki loa e ia a koe ki ona fului manu, Ti e ke maua loa se mumuniaga i lalo o ona lalo kapakau ; Ko lona agatonu ko se paletau ti ko se kofu tau.

Esaia 12:2

Ko leinei, ko le Atua ko loku fakamauli, E kau apele loa i le fanaki, ti e leaise kau tuania loa se nea ; Talie ko le Eteleno, ko le Eteleno ko loku makeke ti ko le tupuaga o aku sua fakafetai ; Ko ia leia na saofaki ia au.

Esaia 45:24

E lotou pati mai loa kiate au : Ko le Eteleno toka tasi leia e maua ai le faitotonu mo le makeke ; Ko latou fuli ala na itaita kiate ia E toe liliu mai loa kiate ia i le luma.

Esaia 61:10

E kau fiafia lasi loa i le Eteleno, E nekenekea loa loku laumalie i loku Atua ; Talie kua fakakofu e ia au ki ni kofu o le fakamauli, Kua ufiufi e ia au ki le taupulupulu o le maokioki, Ofaipe se tama avaga e teu ki se pala, Ofaipe se taine avaga e teu ki ona kofu fakateuteu.

Efeso 6:10

Fakaoki, kotou fakamakeke i le Aliki, ti kotou fakamakeke ki lona makeke mafimafi.

Apokalipisi 15:3

Ti na lotou sua loa le katiko a Moisese ko le tagata fakasausau a le Atua, ti mo le katiko o le Akeno, o pati : E lalasi ai mo fulumalie ai au gaoi, ei Aliki ko le Atua Mafimafi ! E maokioki mo maoki ou ala, Sau o atu puleaga !

Apokalipisi 5:9

Ti na lotou sua loa se katiko foou, o pati : E gali mo koe ke too ia le tosi, ti ke fakamavaa ia ona fakamau ; talie na tamate a koe, ti na ke totogi ma le Atua ki lou toto ni tagata mei faasiga fuli, mo masau fuli, mo kakai fuli, ti mo puleaga fuli ;