Pesalemo 27:4 - Tosi Tapu

⁴ E kau kole ki le Eteleno le nea e tasi, leia e kau oli mamae ki ai : E kau loto ke kau nofo i le fale o le Eteleno i loku mauli katoa, O tio ki le malie o le Eteleno Ti mo afa lona finegalo i lona fale tapu.

Pesalemo 27:4 ပူးပေါင်းရင်းမြစ်များ

Lua tosi a Samuele 21:1

I le temi o Tavite, na i ai loa se oge leia na fetuu tolu lona fualoa. Na afa loa e Tavite a mata o le Eteleno, ti na pati loa le Eteleno kiate ia : Kua soko le nea a ia, o tupu ko le tukipo a Saulo mo lona famili, i le tamate e Saulo le kau Kapaone.

Pesalemo 23:6

Io, ko le fiafia mo le kalasia e mulimuli loa iate ia I aso fuli o loku mauli, Ti e kau nofo loa i le fale o le Eteleno, O kaku ki le fakaoki o oku aso.

Pesalemo 26:6

E kau fanofano oku lima i le mea, Ti e kau ano ki tafa o lou aletale, Eteleno !

Pesalemo 26:8

Eteleno, e kau alofa ki le fale leia e ke nofo ai, Ki le ganea leia e agai ai lou kololia.

Pesalemo 27:8

E pati loku loto iate koe : Kotou afa oku mata ! Koia e kau afa ai ou mata, Eteleno !

Pesalemo 50:2

Mei Sione, mataga fulumalie mo saosaoa, e gigila le Atua.

Pesalemo 65:4

E fakamamae au e agasala : E ke fakamolemole loa amatou sala !

Pesalemo 84:10

Ei Atua, ko koe ko lomatou paletau, Tio mai ki mata o lau filifiliia !

Pesalemo 84:4

Io, e maua foki e le miti se fale, Ti mo le pekapeka se ofaga leia e tuku ai e ia ona uviki… io, ou aletale, Eteleno o kau tau ! Loku sau mo loku Atua !

Pesalemo 90:17

Ke nofo ia tatou le kalasia o le Eteleno, lotatou Atua ! Fakamakeke le gaoi o omatou lima ; Io, fakamakeke le gaoi o omatou lima !

Selemia 29:13

E kotou afa loa au, ti e kotou maua loa au, mo kapau e kotou afa au i lokoutou loto katoa.

Taniela 9:3

Na fakamaliu loa oku mata ki le Aliki Atua, o tupu ke afa i le faikole mo le tagi, ti na kau sesunio loa o tui le taga mo pani le mugalafu.

Sakalia 9:9

Ke ke nekenekea, taine o Sione ! Ke ke fai ni kalaga fakafiafia, taine o Selusalemi ! Ko leinei, e au lou sau kiate koe. E faitotonu a ia mo malo, E agamalu a ia ti e eke a ia i se asino, I se asino, le uviki o se asino fafine.

Mateo 6:33

Kotou afa mua le Puleaga mo le faitotonu a le Atua, ti e fakalasi atu loa a nea fuli ana kia koutou.

Luka 10:42

kae ko le nea fai e tasi e aoga. Ti kua filifili e Malia le vaega malie, leia e leaise toe too loa iate ia.

Luka 13:24

Kotou faiga ke kotou ulu i le matapa lau ikiiki. Talie e kau pati atu kia koutou, e toka api latou ala e fefai loa ke ulu, kae e leaise lotou mafai loa.

Luka 18:1

Na fai loa e Sesu kia latou se folafola fakatata, ke fakasa e tonu ke faikole tuumau, kae aua na toe kaekae fua.

Luka 2:37

Na nofo lokonui a ia o kaku ki lona fetuu kau valu tupu fa, ti na leaise mavae a ia i le fale tapu, ti na tausi a ia ki le Atua i le po mo le ao i le sesunio mo le faikole.

Lua tosi ki le kau Kolinto 3:18

Ti ko tatou fuli ala e tio i ni mata sala pulou ki le kololia o le Aliki ofaipe i se tiloata, e tou liliu ko se paaki e tasi mo ia, mei se kololia ki se kololia, i le Laumalie o le Aliki.

Lua tosi ki le kau Kolinto 4:6

Talie ko le Atua leia na pati, ke mu le malama i le fakapouli ! ti kua fakamu le malama lena i otatou loto ke fakagigila ai le iloa o le kololia o le Atua i mata o Kilisito.

Filipe 3:13

Fetaina, e leaise kau manatu kua kau kukumi a ia ; kae e kau fai se nea e tasi : e kau galoi a nea i muli, kae e kau mafao o tio ki nea i mua,

Uluaki tosi kia Timoteo 5:5

Ko le fafine leia kua lokonui maoki, e leaise tausi a ia e se tasi, ti kua tuku e ia lana fanaki ki le Atua, ti e faikole tuumau a ia o kole lona tokoi i le po mo le ao.

Epelo 11:6

Io, sala mo le tui, e leaise feala ke malie se tasi ki le Atua ; e tonu ko leia e fakafeofi ki le Atua ke tui a ia e i ai se Atua, ti ko ia leia e fakapale ia latou ala e afa ia a ia.

Uluaki tosi a Samuele 1:11

Na fai loa e ia se fakapapau, o pati : Eteleno o kau tau ! kapau e ke alofa loa o tagaki mai ki le mamae o lau fafine fakasausau, kapau e ke manatui loa au ti e leaise ke galoi loa lau fafine fakasausau, ti kapau e ke soli loa ki lau fafine fakasausau se vosa, e kau momoli loa a ia ki le Eteleno i lona mauli katoa, ti e leaise fakalaka loa le tele i lona ulu.

Uluaki tosi a Samuele 22:10

Na afa loa e Asimeleke le finegalo o le Eteleno kiate ia, ti na soli loa e ia kia Tavite ni nea kai mo le seleta a Koliate, le Filisitini.

Uluaki tosi a Samuele 30:8

Ti na afa loa e Tavite le finegalo o le Atua, o pati : Pe kau tuli loa le solia leinei ? Pe kau maua loa a ia ? Na tali loa le Eteleno kiate ia : Tuli, talie e ke maua loa, ti e ke saofaki loa lou kakai.