Pesalemo 27:14 - Tosi Tapu

¹⁴ Ke ke amanaki malie ki le Eteleno ! Ke ke fakamakeke, ti ke fakamakeke lou loto ! Ke ke amanaki malie ki le Eteleno !

Pesalemo 27:14 ပူးပေါင်းရင်းမြစ်များ

Senesi 49:18

E kau fanaki ki le Eteleno, ko loku tokoi !

Pesalemo 130:5

E kau amanaki malie ki le Eteleno, e amanaki malie loku laumalie, Ti e kau talitali ki lana fakapapau.

Pesalemo 138:3

I le aso leia na kau kalaga ai kiate koe, Na ke tali mai kiate au, na ke fakafimalie au, na ke fakamakeke loku laumalie.

Pesalemo 25:21

Ke puipui au e le saosaoa mo le agatonu, Talie e kau tuku laku amanaki malie kiate koe !

Pesalemo 25:3

Ko latou fuli ala e amanaki malie kiate koe e leaise luma loa. Io, e luma loa latou ala e leaise agatonu, kae e leai sona tupuaga.

Pesalemo 31:24

Ke kotou alofa ki le Eteleno, koutou ala e tausi fakaatua ! E taupau e le Eteleno le kau agatonu, Kae tautea e ia latou ala e fia nealasi.

Pesalemo 33:20

E amanaki malie omatou laumalie ki le Eteleno : Ko lomatou tokoi a ia, ti mo lomatou paletau.

Pesalemo 37:34

Ke ke amanaki malie ki le Eteleno, ti ke ke tausi lona ala, Ti e siki loa e ia a koe o tupu ke ke maua le fenua ; E ke tio loa e motusi le kau agaveli.

Pesalemo 37:7

Ke ke fakalologo i mua o le Eteleno, ti ke ke amanaki malie kiate ia ; Ke aua na ke mamae ki leia e manuia ona ala, Ki le tagata leia e fakasoko ia ana fakatuutuu veveli.

Pesalemo 40:1

Ki le pule o le kau sua. A Tavite. Pesalemo.

Pesalemo 62:1

Ki le pule o le kau sua. Meia Setutune. Pesalemo a Tavite.

Pesalemo 62:5

E lotou fakakaukau ke fakaifo a ia i lona tuulaga taualuga ; E lotou maua lolatou fiafia i le loi ; E lotou tapuaki i olatou gutu, Kae e lotou fakamalaia i olatou loto. - Manava.

Taagapati 20:22

Aua na ke pati : E kau liufaki loa le veli. Fanaki ki le Eteleno, ti e saofaki loa e ia a koe.

Esaia 25:9

I le aso lena e pati loa : Ko leinei, ko lomatou Atua, leia e motou fanaki ki ai, Ti ko ia leia e fakamauli ia matou ; Ko le Eteleno leia e motou fanaki ki ai ; Ke tou nekenekea, ti ke tou fakafiafia i lana fakamauli !

Esaia 26:8

Koia kua motou talitali ai kiate koe, ei Eteleno ! i le ala o au fakamaauaga ; E oli lomatou laumalie ki lou suafa, ti mo lou tukualofa.

Esaia 30:18

Koia e oli le Eteleno ke soli atu kia koutou lona kalasia, Ti e tuu loa a ia ki aluga o soli atu kia koutou lona manava alofa ; Talie ko le Eteleno ko se Atua faitotonu : Manuia latou fuli ala e amanaki malie kiate ia !

Esaia 40:31

Kae ko latou ala e fanaki ki le Eteleno e fakafoou lolatou makeke. E lotou toe malaga ki aluga o lele pe ni akuila ; E lotou makape, kae e leaise lotou kaekae ; E lotou saele, kae e leaise lotou gaegae.

Esaia 8:17

E kau amanaki malie ki le Eteleno, Leia kua tapono ia ona mata ki le fale o Sakopo ; E kau tuku laku fanaki kiate ia.

Tagi laulau a Selemia 3:26

E malie ke talitali fakalologo Ki le tokoi a le Eteleno.

Apakuki 2:3

Talie ko se folafola kikite leia kua oki lona temi i le fakatuutuu, E saele a ia ki lona fakasoko, ti e leaise loi loa a ia ; Kapau e tuvai a ia, talitali ki ai, Talie e soko loa a ia, E soko maoki loa a ia.

Luka 2:25

Ti ko leinei, na i ai i Selusalemi se tagata na igoa ko Simeone. Na agatonu le tagata lena mo tausi malie ki le Atua, ti na talitali a ia ki le fakapelepeleaga o Iselaele, ti na iate ia le Laumalie Maokioki.

Luka 2:38

I lana kaku totonu mai i le ola lena, na fakafetai a ia ki le Atua, ti na masau a ia kia Sesu kia latou fuli ala na talitali ki le saofaki o Selusalemi.

Gaoi 28:15

Ko fetaina o le kolo lena, i lalatou maua loa ni logo o uiga mo matou, na lotou au loa o fakafelavei mai kia matou, o kaku mai ki le Folume o Apiusi ti mo le otele ko Tolu-Talevene. Ko Paulo, i lana tio loa kia latou, na fakafetai loa ki le Atua ti na toe loto makeke ai loa.

Loma 8:25

Kae kapau e tou amanaki ki le nea leia e leaise tou tio ki ai, e tou talitali ki ai mo le loto kataki fualoa.

Uluaki tosi ki le kau Kolinto 16:13

Kotou alaala, kotou tuu makeke i le tui, kotou faipe ni tagata, kotou makeke.

Efeso 3:16

o tupu ke soli atu e ia kia koutou, o mulimuli ki le mou koloa o lona kololia, ke fakamakeke koutou e lona Laumalie i le tagata loto,

Efeso 6:10

Fakaoki, kotou fakamakeke i le Aliki, ti kotou fakamakeke ki lona makeke mafimafi.

Filipe 4:13

E kau mafai a nea fuli i leia e fakamakeke ia au.

Kolose 1:11

ti ke fakamakeke koutou e lona makeke fakakololia, o tupu ke kotou matatali ia a nea fuli i le fiafia, ti ke kotou kataki fualoa tuumau.