Pesalemo 26:11 - Tosi Tapu

¹¹ Ko au, e kau saele i le agatonu. Ke ke fakamauli au, ti ke ke alofa mai kiate au !

Pesalemo 26:11 ပူးပေါင်းရင်းမြစ်များ

Neemia 13:14

Ei loku Atua, ke ke manatui au, o tupu ko le nea lena, ti ke aua na galo iate koe a gaoi malilie ala na kau fai ki le fale o loku Atua, ti mo nea ala e tonu ke taupau !

Neemia 13:22

Na kau fakatotonu foki ki le kau Levi ke lotou fakamea, ti ke lotou au o leoleo a matapa, o tupu ke fakatapui le aso o le sapato. Ei loku Atua, ke ke manatui au, o tupu ko le nea lena, ti ke puipui au o tupu ko lou manava alofa lasi !

Neemia 13:31

ti mo le nea o uiga mo le moliga fafie i lakaga kua fakatuutuu ki ai, ti mo uluaki fua. Ei loku Atua, ke ke manatui au, o agamalie mai kiate au !

Neemia 5:15

Kae ko kovana ala na muamua iate au na fakamamae ia le kakai ki le tukusau lena, o lotou tali mei le kakai le pane, mo le vino ti mo fa sikele paaga e kau fa ; io, na fakavelivelii e alatou tagata fakasausau le kakai. Na leaise kau fai fua le nea lena, talie na kau i ki le Atua.

Sopo 1:1

Na i ai se tagata i le fenua ko Usi leia na igoa ko Sopo. Ti na saosaoa mo agatonu le tagata lena ; ti na i a ia ki le Atua, ti na fakamamao a ia mei le veli.

Pesalemo 101:2

E kau tokaga loa ki le ala sako. Pe ke au loa afea kiate au ? E kau saele loa i le maoki o loku loto, I loto malie o loku fale.

Pesalemo 26:1

Pesalemo a Tavite. Eteleno, fakamaau au i le faitotonu, talie e kau saele i le maoki, E kau fanaki ki le Eteleno, koia e leaise kau siga ai.

Pesalemo 49:15

Ofaipe se kau manu, e tuku latou ki le nofoaga o le kau mate, E fai e le mate lana nea kai kia latou ; Ti e leaise tuvai e takatakafi latou e le kau agatonu, E puli loa lolatou fulumalie, ko lolatou nofoaga ko le nofoaga o le kau mate.

Pesalemo 49:7

E lotou fanaki ki lolatou makeke, Ti e lotou nekenekea i le lasi o olatou koloa.

Pesalemo 69:18

Kae aua na ke fufu ou mata ki lau tagata fakasausau ! Talie kau nofo i le mamae, ke ke vave o tali mai ki laku kole !

Esaia 38:3

Ei Eteleno ! ke ke manatui na kau saele i ou mua i le agatonu mo le loto saosaoa, ti na kau fai le nea leia e malie ki ou mata ! Ti na tagi loa Esekiasi i le lasi o lona mamae.

Luka 1:6

Na la agatonu toka lua i mua o le Atua, o tausi malie a lao fuli mo fakatotonu fuli a le Aliki.

Uluaki tosi ki le kau Tesalonika 2:10

E kotou fakamaoki, ti e fakamaoki foki le Atua, na motou mauli maokioki, mo faitotonu, ti mo lee mele i mua o koutou ala kua tui.

Tito 2:14

Na soli e ia a ia totonu o tupu ko tatou, o tupu ke totogi ai tatou mei agaveli fuli, ti ke fai e ia kia tatou se kakai maokioki ma ana, leia e mafi lasi ki gaoi malilie.