Pesalemo 25:9 - Tosi Tapu

⁹ E taki e ia le kau agamalu i le faitotonu. E ako e ia lona ala ki le kau agamalu.

Pesalemo 25:9 ပူးပေါင်းရင်းမြစ်များ

Pesalemo 119:35

Taki au i le ala o au fakatotonu, Talie e kau alofa ki ai.

Pesalemo 119:66

Ako mai kiate au le poto mo le atamai, Talie e kau tui ki au folafola.

Pesalemo 143:10

Ako mai kiate au le fai o lou finegalo, Talie ko koe ko loku Atua. Ke taki au e lou laumalie malie i le ala totonu !

Pesalemo 147:6

E tokoi e Eteleno leia e mamae, Kae tuku e ia ki le kele le kau agaveli.

Pesalemo 149:4

Talie e fiafia le Eteleno i lona kakai, E tuku e ia le kololia ki le kau agamalu, o fakamauli latou.

Pesalemo 22:26

E ke liliu loa ko le tupuaga o aku fakafetai i le fakatasi lasi. E kau fakasoko loa aku fakapapau i mua o latou ala e i kiate koe.

Pesalemo 23:3

E toe fakamakeke e ia loku laumalie. E taki e ia au i ala o le faitotonu, O tupu ko lona suafa.

Pesalemo 27:11

Eteleno, ako mai kiate au lou ala, Taki au i le ala o le maoki, O tupu ko oku fili.

Pesalemo 73:24

E ke taki loa au i lou poto, Ti e ke tali loa au i lou kololia.

Pesalemo 76:9

Mei le lagi, na ke fakasa le fakamaau ; Na fakalologo le malama nei i lona i,

Taagapati 8:20

E kau saele i le ala o le faitotonu, I loto malie o ala o le maokioki,

Esaia 11:4

Kae e fakamaau loa e ia le kau mativa i le maoki, Ti e tuku loa e ia se fakamaau totonu ki le kau fakaaloalofa o le malama nei ; E taai loa e ia le malama nei ki lana folafola ofaipe lana taai ki se laakau, Ti e tamate loa e ia le tagata agaveli ki le tukumanava o lona gutu.

Esaia 61:1

E iate au le Laumalie o le Aliki, le Eteleno, Talie na fakanofo au e le Eteleno ke ave ia ni logo malilie kia latou e mativa ; Na kakau e ia au ke fakamauli latou e loto fatifati, Ke fakasa ki le kau popula le lauatea, Ki le kau pilisoni le saofaki ;

Esekiele 36:27

E kau tuku loa loku Laumalie kia koutou, ti e kau fakalotoi loa koutou ke kotou mulimuli i aku fakatotonu, ti ke kotou tausi mo fai aku lao.

Sofoni 2:3

Kotou afa le Eteleno, koutou fuli, kau agamalu o le fenua, Ala e fai ia ana fakatotonu ! Kotou afa le faitotonu, kotou afa le fakataulalo ! Lagi e fakamauli loa koutou i le aso o le sausau o le Eteleno.

Mateo 5:5

Manuia latou ala e agamalu, talie e lotou maua loa le kele !

Soane 14:6

Na pati loa Sesu kiate ia : Ko au ko le ala, mo le maoki, ti mo le mauli. E leaise au se tasi ki le Tamana, kae iate au.

Gaoi 13:10

Ko le tagata a koe kua apele i kaka fuli ti mo veli fuli, ko le vosa o le temonio, ko le fili o le maokioki, pe leaise tuku lau fakavelii a ala totonu o le Aliki ?

Gaoi 9:2

o kole kiate ia ni tosi ki sinakoka o Tamaso, o tupu ka maua loa e ia ni iki o le ala lena, tagata pe fafine, ke saisai loa e ia latou o aumai ki Selusalemi.

Kalate 5:23

e leaise fakafesagai le lao ki nea ana.

Epelo 10:20

i le ala foou mo mauli leia kua fakamavaa e ia kia tatou i le kie puipui, leia ko lona tino,

Sakopo 1:21

Koia ke kotou tiaki ai a nea kelekele fuli ti mo agaveli fuli, kae kotou tali i le loto malu le folafola leia kua to ia koutou, leia e feala ke fakamauli ia okoutou laumalie.

Uluaki tosi a Petelo 3:15

Kae ke kotou fakaapaapa i okoutou loto kia Kilisito ko le Aliki ; ti ke kotou nofo teuteu fuai ke tali i le agamalu mo le fakaapaapa ki leia e afa atu ia kia koutou le uiga o le amanaki malie leia ia koutou,

Uluaki tosi a Petelo 3:4

kae ke kotou maua le teuga munia o le loto leia ko le mea lee popo o se loto agamalu mo tokamalie, leia e mauiga lasi i mua o le Atua.