Pesalemo 25:6 - Tosi Tapu

⁶ Eteleno, ke ke manatui lou manava alofa mo lou agamalie ; Talie e la lee gato.

Pesalemo 25:6 ပူးပေါင်းရင်းမြစ်များ

Senesi 24:27

o pati : E kau fakafetai ki le Eteleno, ko le Atua o loku aliki ko Apalaamo, talie kua fakasa mai e ia lona alofa mo lona agatonu ki loku aliki ! Kua taki e le Eteleno loku fanoga ke kau kaku totonu ki le fale o fetaina o loku aliki.

Senesi 32:9

Na faikole loa Sakopo, o pati : Atua o loku tamana ko Apalaamo, Atua o loku tamana ko Isaake, Eteleno leia na pati mai kiate au : Toe liliu ki lou fenua mo lou ganea tupu, ti e kau fai loa kiate koe le nea malie.

Lua tosi o Koloniko 6:42

Eteleno Atua, aua na ke tekei lau filifiliia, ke ke manatui a kalasia fuli ala na ke tuku kia Tavite, lau tagata fakasausau !

Neemia 13:22

Na kau fakatotonu foki ki le kau Levi ke lotou fakamea, ti ke lotou au o leoleo a matapa, o tupu ke fakatapui le aso o le sapato. Ei loku Atua, ke ke manatui au, o tupu ko le nea lena, ti ke puipui au o tupu ko lou manava alofa lasi !

Neemia 9:19

I lou manava alofa lasi, na leaise ke tiaki loa latou i le toafa, ti na leaise puli loa le fa pou ao leia na taki ia latou i le ao i le ala, ti mo le fa pou afi leia na taki ia latou i le pouli i le ala leia na tonu ke lotou saele ai.

Pesalemo 103:17

Kae e lee gato le agamalie o le Eteleno kia latou ala e i kiate ia, Ti mo lona manava alofa ki fanau o alatou fanau,

Pesalemo 103:4

Ko ia leia e saofaki ia lou mauli i le popoko, Leia e fakapalaa ia a koe ki le agamalie mo le manava alofa ;

Pesalemo 106:1

Kotou fakafetai ki le Eteleno ! Kotou fakafetai ki le Eteleno, talie e agamalie a ia, Talie e tologa lona manava alofa o lee gato !

Pesalemo 106:45

Na manatui loa e ia lana sai leia na fai mo latou ; Ti na aloalofa loa a ia kia latou i lona agamalie lasi,

Pesalemo 107:1

Kotou fakafetai ki le Eteleno, talie e agamalie a ia, Talie e tologa lona manava alofa o lee gato !

Pesalemo 119:77

Ke au ou manava alofa kiate au, o tupu ke kau mauli ! Talie ko lau lao e fai ia oku fiafiaaga.

Pesalemo 40:11

E leaise kau taofi i loku loto lau faitotonu, E kau fakasa lou maoki mo lou fakamauli ; E leaise kau fufu lou agamalie mo lou agatonu I le fakatasi lasi.

Pesalemo 69:13

E lauveli kiate au latou ala e tonatona i le matapa o le kolo, Ti e sua kiate au latou ala e konana i le kava.

Pesalemo 69:16

Ke aua na kau toe malemo i se vai lasi, Ti ke aua na toe folo au e le moana, Ti ke aua na toe mapono le popoko iate au !

Pesalemo 98:3

Na manatui e ia lona agamalie mo lona agatonu ki le fale o Iselaele, Na tio a potupotu fuli o le malama nei ki le fakamauli a lotatou Atua.

Ekesote 15:13

Na ke saofaki lou kakai ! Ti na ke taki a ia i lou manava alofa, Na ke taki a ia i lou makeke, Ki le nofolaga o lou maokioki.

Ekesote 34:6

Ti na ano loa le Eteleno i ona mua, o kalaga : Eteleno, Eteleno, Atua manava alofa mo loto alofa, mo kataki fualoa, mo mou koloa i le agamalie mo le agatonu,

Esaia 55:7

Ke tiaki e le tagata agasala lona ala, Ti mo le tagata agaveli ana manatu ; Ke toe liliu a ia ki le Eteleno, leia e alofa loa kiate ia, Ki lotatou Atua, leia e leaise kaekae i le fakamolemole.

Esaia 63:15

Tagaki mei le lagi, ti ke tio, Mei lou nofoaga maokioki mo fakakololia : Kofea lou alofa mo lou mafimafi ? E leaise koi logo mai kiate au Le ta o lou mafu ti mo ou aloalofa.

Selemia 31:20

Pe ko Efalaimi ko se vosa alofaina kiate au ? Se fanau leia e fakafiafia ia loku loto ? Talie ka lasi laku masau kiate ia, ti e toe lasi ake laku manatu kiate ia ; Koia e mamae ai loku manava o tupu ko ia : E kau alofa loa kiate ia, e pati le Eteleno.

Selemia 33:11

Ki kalaga fakafiafia mo kalaga nekenekea, Ki sua a le tama feauaki ti mo sua a le taine feauaki, Ki le leo o latou ala e pati : Kotou fakafetai ki le Eteleno o kau tau, Talie e agamalie le Eteleno, talie e lee gato lona manava alofa ! Ki le leo o latou ala e momoli ia ni sakilifisio fakafetai I le fale o le Eteleno. Talie e kau toe aumai loa le kau popula o le fenua, E kau toe fakanofo loa latou ofaipe le temi mua, E pati le Eteleno.

Taniela 9:18

Ei loku Atua, tokaga mai lou taliga, ti ke fakalogo mai ! fakamavaa ou mata ti ke tio ki maumau, ke ke tio ki le kolo leia e kalagai ai lou suafa ! E leaise motou fai atu amatou tagi o tupu ko lamatou faitotonu, kae o tupu ko lou manava alofa lasi.

Apakuki 3:2

Eteleno, na kau logo ki le nea leia na ke fakasa, ti kua kau apele i le i. Ei Eteleno, fakasoko lau gaoiaga i lolotoga o fetuu ka soko mai ! Io, fakasa a ia i fetuu ka soko mai ! Kae i lou sausau, manatui ou aloalofa !

Luka 1:50

Ti e mafola lona manavaalofa i le tautupu ki le tautupu Kia latou ala e i kiate ia.

Luka 1:54

Na tokoi a ia ki Iselaele, lana tagata fakasausau, Ti na manatui e ia lona manavaalofa,

Luka 1:78

O tupu ko le manavaalofa mo le agamalie o lotatou Atua, Leia na mu ai le laa kia tatou mei aluga,

Lua tosi ki le kau Kolinto 1:3

Ke fakafetai ki le Atua, le Tamana o lotatou Aliki ko Sesu-Kilisito, le Tamana o manavaalofa ti mo le Atua o fakafimalie fuli,

Filipe 1:8

Talie e fakamaoki le Atua kiate au e kau alofa mamae kia koutou fuli i le alofa o Sesu-Kilisito.

Filipe 2:1

Koia kapau e i ai se fakapelepele ia Kilisito, kapau e i ai se fimalie i le alofa, kapau e i ai se komunio i le Laumalie, kapau e i ai se alofa mamae ti mo se manavaalofa,

Kolose 3:12

Koia ko koutou, ofaipe se kau filifiliia a le Atua, kua maokioki mo alofaina, ke kotou kofu ni manatu loto o le manavaalofa, mo le agamalie, mo le fakataulalo, mo le agamalu, ti mo le kataki.

Uluaki tosi a Soane 3:17

Kapau e maua e se tasi a koloa o le malama nei, ti na tio a ia ki le mativa o lona taina, kae na tapono e ia ona tootooga kiate ia, e feaki ke nofo iate ia le alofa ki le Atua ?