Pesalemo 25:5 - Tosi Tapu

⁵ Ke ke taki au i lou maoki, ti ke ke ako au ; Talie ko le Atua a koe o loku fakamauli, Ko loku amanaki malie a koe o lee gato.

Pesalemo 25:5 ပူးပေါင်းရင်းမြစ်များ

Senesi 49:18

E kau fanaki ki le Eteleno, ko loku tokoi !

Neemia 9:20

Na ke soli loa kia latou lou Laumalie ke lotou liliu o fakalogo, ti na leaise ke too loa lau mana mei olatou gutu, ti na ke soli loa se vai ki lolatou fia inu.

Sopo 36:22

E lasi le Atua i lona mafimafi ; Ko ai e iloa ia le akonaki ofaipe ia ?

Pesalemo 107:7

Na taki loa e ia latou i le ala totonu, O tupu ke lotou kaku ki se kolo leia e mafai ke lotou nonofo ai.

Pesalemo 119:26

E kau fakamatala oku ala, ti e ke tali mai kiate au : Ako mai kiate au lekula !

Pesalemo 119:33

Eteleno, ako mai kiate au le ala o au lekula, O tupu ke kau taofi a ia o kaku ki le fakaoki !

Pesalemo 119:66

Ako mai kiate au le poto mo le atamai, Talie e kau tui ki au folafola.

Pesalemo 119:97

E kau alofa ai ki lau lao ! E kau metitasio ki ai i le aso katoa.

Pesalemo 22:2

Loku Atua ! loku Atua ! kolea kua ke tiaki ai au ? Kolea e ke fakamamao ai kae e leaise ke fakamauli au, ti e leaise ke logo ai ki aku tagi ?

Pesalemo 24:5

E maua loa e ia le tapuakina a le Eteleno, Le manava alofa o le Atua o lona fakamauli.

Pesalemo 25:10

Ko ala fuli o le Eteleno e manava alofa ti e agatonu Kia latou ala e tausi ia lana sai mo ana folafola.

Pesalemo 25:8

E agamalie ti e agatonu le Eteleno : Koia e fakasa ai e ia le ala ki le tagata agasala.

Pesalemo 68:20

Ke fakafetai ki le Aliki i aso taki tasi ! Ka teki ni kavega mamafa kia matou, e fakamauli matou e le Atua. - Manava.

Pesalemo 79:9

Ei Atua, ko lomatou fakamauli, tokoi mai kia matou, o tupu ko le kololia o lou suafa ! Saofaki matou, ti fakamolemole kia amatou agasala, o tupu ko lou suafa !

Pesalemo 86:3

Alofa mai kiate au, Aliki ! Talie e kau tagi kiate koe i le aso katoa.

Pesalemo 88:1

Katiko. Pesalemo a vosa o Kole. Ki le pule o le kau sua. Ke sua i le fulute. Katiko a Emani, ko le tagata Eselaki.

Taagapati 23:17

Ke aua na fuaa lou loto ki le kau agasala, Kae ke maua tuumau e ia le i ki le Eteleno ;

Taagapati 8:34

Manuia le tagata leia e fakalogo mai kiate au, Leia e talitali i aso fuli i oku matapa, Ti e taupau ia ona pou !

Esaia 30:18

Koia e oli le Eteleno ke soli atu kia koutou lona kalasia, Ti e tuu loa a ia ki aluga o soli atu kia koutou lona manava alofa ; Talie ko le Eteleno ko se Atua faitotonu : Manuia latou fuli ala e amanaki malie kiate ia !

Esaia 35:8

E i ai loa se ala kua tofa, se ala Leia e fakaigoa loa ko le ala tapu ; E leaise fakalaka loa i ai se tagata kelekele, talie e tuku a ia kia latou tefua ; Ti ko latou ala e ano loa i ai e leaise feala loa ke sese, tatau foki mo le kau vale.

Esaia 42:16

E kau fakasaele loa a kivi i se ala leia e leaise lotou iloa, E kau taki loa latou i ni ala ala e leaise lotou lave ki ai ; E kau fetogi loa i olatou mua le fakapouli ko le malama, Ti mo ganea pikopiko ko ni potu laumalie : Ko lena le nea leia e kau fai loa, ti e leaise kau tiaki loa latou.

Esaia 49:10

E leaise lotou toe fia kai loa, ti e leaise lotou toe fia inu loa ; E leaise lotou toe mamae loa i le matagi vevela o le toafa ti mo le laa ; Talie ko leia e alofa kia latou e liliu loa ko lolatou tagata takitaki, Ti e taki loa e ia latou ki ni matapuna vai.

Esaia 54:13

E liliu loa ou vosa fuli ko tisipulo a le Eteleno, Ti e lasi loa le manuia o ou vosa.

Selemia 31:9

E lotou au fetagisi, ti e kau taki latou i loto malie o alatou kolekole ; E kau taki latou ki ni liua apelepele i le vai, I se ala tokamalie leia e leaise lotou sisiga ai ; Talie ko au ko se tamana ki Iselaele, Ti ko Efalaimi loku uluaki.

Mikea 7:7

Kiate au, e kau maliu loa ki le Eteleno, E kau tuku loa laku amanaki malie ki le Atua o loku fakamauli ; E tali loa loku Atua ki aku kole.

Luka 18:7

Pe leaise faitotonu loa le Atua ki ana filifilia, ala e kalaga kiate ia i le ao mo le po ? pe fakatuvai loa a ia kia latou ?

Soane 14:26

Kae ko le Fakapelepele, le Laumalie Maokioki, leia e kakau mai loa e loku Tamana i loku suafa, e ako ia loa kia koutou a nea fuli, ti mo fakamanatu atu loa kia koutou a nea fuli ala kua kau fakasa atu kia koutou.

Soane 16:13

Ka au loa le Fakapelepele, le Laumalie o le maoki, e taki loa e ia koutou i le maoki katoa ; talie e leaise masau loa a ia meiate ia totonu, kae e fakasa loa e ia a nea fuli ala e logo loa a ia ki ai, ti e fakasa fakatomua loa e ia kia koutou a nea ka soko mai.

Soane 6:45

E tuu i le tosi a le kau polofeta : E ako loa latou fuli e le Atua. Koia ko leia e logo ki le Tamana, ti e tali ia lana akonaki, e au kiate au.

Loma 8:14

Talie ko latou fuli ala e taki e le Laumalie o le Atua ko vosa o le Atua.

Uluaki tosi a Soane 2:27

Kia koutou, ko le pani lolo leia na kotou tali meiate ia e nofo tuumau ia koutou, ti e leaise aoga ke akonaki atu se tasi kia koutou. Kae tupu na ako koutou i nea fuli e le pani lolo lena, leia e maoki, ti e leaise ko se loi a ia, ke kotou nonofo tuumau iate ia o mulimuli ki akonaki ala na tuku atu e ia kia koutou.

Apokalipisi 7:17

Talie ko le Akeno leia e nofo i loto malie o le ekeekeaga fakasau e fagai ia loa latou ti mo taki ia loa latou ki matapuna o le vai mauli, ti e solosoloi loa e le Atua a loimata fuli i olatou mata.