Pesalemo 25:3 - Tosi Tapu

³ Ko latou fuli ala e amanaki malie kiate koe e leaise luma loa. Io, e luma loa latou ala e leaise agatonu, kae e leai sona tupuaga.

Pesalemo 25:3 ပူးပေါင်းရင်းမြစ်များ

Senesi 49:13

Ko Sapulone, e nofo loa a ia i le mata tai, E nofo loa a ia i le taulaga o vaka, Ti e kaku loa lona kele ki Sitone.

Uluaki tosi o Koloniko 10:13

Na mate loa Saulo, o tupu na agasala loa a ia ki le Eteleno, ti na leaise fakalogo loa a ia ki lana folafola, ti na afa loa e ia latou ala e masau ki le kau mate.

Pesalemo 109:3

E lotou takatakai au ki ni masau o le vesia, Ti e lotou tau mai kiate au, kae sona tupuaga.

Pesalemo 119:78

Ke lotou laulaunoa, le kau fia nealasi, leia e fakaveliveli mai kiate au kae sona tupuaga ! Ko au, e kau metitasio ki au fakatotonu.

Pesalemo 123:2

Ko leinei, ofaipe mata o ni tagata fakasausau e tio tuumau ki le lima o olatou pule, Ti mo mata o le fafine fakasausau ki le lima o lona fafine pule, E agaaga foki omatou mata ki le Eteleno, lomatou Atua, O kaku ki lona aloalofa mai kia matou.

Pesalemo 132:18

E kau fakakofu loa ki le luma ona fili, Kae gigila loa lona pala i lona lae.

Pesalemo 22:6

Na lotou tagi kiate koe, ti na ke fakamauli latou ; Na lotou fanaki kiate koe, ti na leaise lotou luma.

Pesalemo 27:14

Ke ke amanaki malie ki le Eteleno ! Ke ke fakamakeke, ti ke fakamakeke lou loto ! Ke ke amanaki malie ki le Eteleno !

Pesalemo 31:17

Fakasa le gigila o ou mata ki lau tagata fakasausau, Fakamauli au i lou kalasia !

Pesalemo 31:18

Eteleno, ke aua na kau luma mo ka kau fetapa kiate koe ! Kae ke luma le kau agaveli, Ke lotou ifo fakalologo ki le nofoaga o le kau mate !

Pesalemo 33:20

E amanaki malie omatou laumalie ki le Eteleno : Ko lomatou tokoi a ia, ti mo lomatou paletau.

Pesalemo 35:26

Ke lotou luma fuli fakatasi ti ke lotou i, Latou ala e fiafia o tupu ko loku malaia ! Ke lotou kofu ki le luma mo le fakalialia, Latou ala e agatuu mai kiate au !

Pesalemo 37:34

Ke ke amanaki malie ki le Eteleno, ti ke ke tausi lona ala, Ti e siki loa e ia a koe o tupu ke ke maua le fenua ; E ke tio loa e motusi le kau agaveli.

Pesalemo 6:10

E tali e le Eteleno aku tagi, Ti e kukumi e le Eteleno laku kole.

Pesalemo 62:1

Ki le pule o le kau sua. Meia Setutune. Pesalemo a Tavite.

Pesalemo 62:5

E lotou fakakaukau ke fakaifo a ia i lona tuulaga taualuga ; E lotou maua lolatou fiafia i le loi ; E lotou tapuaki i olatou gutu, Kae e lotou fakamalaia i olatou loto. - Manava.

Pesalemo 69:4

Kua kau pakia i le kalaga, kua malo loku fatakia, Kua fufula oku mata, i le talitali ki loku Atua.

Pesalemo 69:6

Ei Atua ! e ke iloa loku valea, Ti e leaise munia aku sala kiate koe.

Pesalemo 71:13

Ke lotou luma, ti ke lotou malaia latou ala e loto ki loku mauli ! Ke lotou apele i le luma mo le malaia, latou ala e afa ki loku mate !

Esaia 25:9

I le aso lena e pati loa : Ko leinei, ko lomatou Atua, leia e motou fanaki ki ai, Ti ko ia leia e fakamauli ia matou ; Ko le Eteleno leia e motou fanaki ki ai ; Ke tou nekenekea, ti ke tou fakafiafia i lana fakamauli !

Esaia 40:31

Kae ko latou ala e fanaki ki le Eteleno e fakafoou lolatou makeke. E lotou toe malaga ki aluga o lele pe ni akuila ; E lotou makape, kae e leaise lotou kaekae ; E lotou saele, kae e leaise lotou gaegae.

Esaia 49:23

E liliu loa ni sau ko ou tagata taupau toe, ti e liliu loa olatou fafine aliki ko au fafine taupau toe ; E lotou punou loa o kaku ki le kele i ou mua, Ti e lotou epo loa le efu i ou vae, Ti e ke iloa loa ko au ko le Eteleno, Ti ko latou ala e tuku ia lalatou amanaki malie kiate au e leaise luma loa.

Selemia 20:11

Kae e nofo le Eteleno mo au ofaipe se tagata toa makeke. Koia leia e tukia ai latou ala e fakaveliveli mai kiate au, ti e leaise lotou malo loa iate au ; E lotou apele loa i le luma talie na leaise soko alatou fakakaukau : Ko se matagafua lee gato lena kia latou, leia e leaise toe galo loa.

Tagi laulau a Selemia 3:25

E agamalie le Eteleno ki leia e tuku lana amanaki malie kiate ia, Ki le laumalie leia e afa ia a ia.

Mikea 7:7

Kiate au, e kau maliu loa ki le Eteleno, E kau tuku loa laku amanaki malie ki le Atua o loku fakamauli ; E tali loa loku Atua ki aku kole.

Soane 15:25

Kae na soko le nea lena o tupu ke fakamaoki ai le folafola leia kua tuu i lalatou lao : Na lotou vesia noa kiate au.

Loma 8:25

Kae kapau e tou amanaki ki le nea leia e leaise tou tio ki ai, e tou talitali ki ai mo le loto kataki fualoa.