Pesalemo 25:12 - Tosi Tapu

¹² Ko ai le tagata leia e i ki le Eteleno ? E fakasa loa e le Eteleno kiate ia le ala leia e tonu ke filifili e ia.

Pesalemo 25:12 ပူးပေါင်းရင်းမြစ်များ

Senesi 26:2

Na sa loa le Eteleno kiate ia, o pati : Aua na ke ifo ki Esipito, nofo i le fenua leia e kau fakasa atu loa kiate koe.

Pesalemo 111:10

Ko le i ki le Eteleno ko le kamataaga o le poto : Ko latou fuli ala e tausi ia a ia e maua ia se fakakaukau malie. E tuu lona kololia o lee gato.

Pesalemo 32:8

E kau ako loa kiate koe ti e kau fakasa loa kiate koe le ala leia e tonu ke ke muli ai. E kau tokoi loa kiate koe, ti e kau tuku tuumau loa oku mata kiate koe.

Pesalemo 37:23

E fakamakeke e le Eteleno a lakaaga o le tagata malie, Ti e fiafia a ia i lona ala ;

Ekesote 4:15

E ke masau loa kiate ia, ti e ke tuku loa au masau ki lona gutu, ti ko au e kau nofo loa mo lou gutu ti mo lona gutu, ti e kau ako loa kia koulua le nea leia e tonu ke kolua fai.

Taagapati 1:7

Ko le i ki le Eteleno ko le kamataaga o le iloa ; E vesia le kau vale ki le poto mo le akonaki.

Taagapati 15:33

Ko le i ki le Eteleno e ako ia le poto, Ti e muamua le fakataulalo i le kololia.

Taagapati 16:6

I le agamalie mo le agatonu e fakamolemole ai ki le agaveli, Ti i le i ki le Eteleno e tafoki ai mei le veli.

Taagapati 2:5

Ti e ke matala loa ki le i ki le Eteleno, Ti e ke maua loa le iloa o le Atua.

Taagapati 2:9

Ti e ke matala loa ki le faitotonu, mo le agatonu, Mo le loto sako, mo ala fuli ala e taki ia ki le malie.

Ekelesiasi 12:13

E fai a masau a le kau poto pe ni nea matakakai ; ti kua fakatasii latou ki se tosi e tasi, ti e lotou tatau mo ni fao kua tuki ; kua tuku latou e se pule e tasi.

Esaia 35:8

E i ai loa se ala kua tofa, se ala Leia e fakaigoa loa ko le ala tapu ; E leaise fakalaka loa i ai se tagata kelekele, talie e tuku a ia kia latou tefua ; Ti ko latou ala e ano loa i ai e leaise feala loa ke sese, tatau foki mo le kau vale.

Esaia 50:10

Ko ai ia koutou e i ki le Eteleno, Ke fakalogo a ia ki le leo o lana tagata fakasausau ! Ko leia e saele i le fakapouli ti e sala malama, Ke fanaki a ia ki le suafa o le Eteleno, Ti ke pipiki a ia ki lona Atua !

Soane 7:17

Kapau e fia fai e se tasi lona finegalo, e iloa loa e ia pe au laku akonaki mei le Atua, pe kau masau iate au totonu.

Gaoi 10:2

Na tausi malie a ia mo alofa ki le Atua, a ia mo lona fale katoa ; ti na fai e ia ni nea alofa lasi ki le kakai, mo faikole tuumau ki le Atua.

Gaoi 10:22

Ti na lotou tali loa : Ko Kolenelio, ko se setulio Loma, tagata agatonu mo alofa ki le Atua, leia kua fakamaoki ki ai le puleaga katoa o le kau Sutea, na fakasa kiate ia e le Atua i lana aselo maokioki ke aumai a koe ki lona fale, ke logo a ia ki au folafola.

Gaoi 11:14

leia e fakasa ia atu loa kiate koe a folafola ala e saofaki ai loa a koe mo lou fale katoa.

Gaoi 13:26

Tagata fetaina, vosa o le sakoga o Apalaamo, ti mo koutou fuli ala e i ki le Atua, kua kakau mai kia koutou le folafola leinei o le mauli.

Sosue 3:4

Kae ke i ai loa se vasa ia koutou mo le aleka, ko ni tukilima e lua afe : ke aua na kotou fakafeofi ki ai. E fakasa atu loa e ia kia koutou le ala leia ke kotou ano ai, talie e leikiaise kotou ano i le ala lena.

Uluaki tosi a Soane 2:27

Kia koutou, ko le pani lolo leia na kotou tali meiate ia e nofo tuumau ia koutou, ti e leaise aoga ke akonaki atu se tasi kia koutou. Kae tupu na ako koutou i nea fuli e le pani lolo lena, leia e maoki, ti e leaise ko se loi a ia, ke kotou nonofo tuumau iate ia o mulimuli ki akonaki ala na tuku atu e ia kia koutou.

Uluaki tosi a Samuele 9:6

Na pati loa le tagata fakasausau kia Saulo : Ko leinei, e nofo i le kolo leinei se tagata a le Atua, ti ko se tagata logologona a ia ; e soko a nea fuli ala e pati a ia ki ai. Ta ano loa kiate ia, e lagi fakasa mai loa e ia kia taua le ala leia e tonu ke ta too ia.