Pesalemo 24:7 - Tosi Tapu

⁷ Matapa, ke kotou siki ki aluga okoutou kau matapa ; Ke kotou malaga ki aluga, matapa lee gato ! Ke kotou tuku ke ulu le sau o le kololia !

Pesalemo 24:7 ပူးပေါင်းရင်းမြစ်များ

Lua tosi a Samuele 6:17

Na teki loa le aleka o le Eteleno ki lona tuuaga i loto malie o le falela leia na fakatuu e Tavite ki le aleka ; ti na momoli loa e Tavite ki le Eteleno ni failaulau mo ni sakilifisio fakafetai.

Uluaki tosi o Sau 8:11

Na leaise mafai loa ke nofo i loto a tagata faisakilifisio o fai le tausi, o tupu ko le ao ; talie kua fakaapele e le kololia o le Eteleno le fale o le Eteleno.

Uluaki tosi o Sau 8:6

Na ave loa e le kau tagata faisakilifisio le aleka o le sai a le Eteleno ki lona nofoaga, i le sagatualio, i lalo o kapakau o selupino.

Pesalemo 132:8

Tuu ki aluga, Eteleno, au ki lou maloloaga, A koe mo le aleka o lou agai !

Pesalemo 21:1

Ki le pule o le kau sua. Pesalemo a Tavite.

Pesalemo 21:5

Na kole atu e ia kiate koe le mauli, ti na ke soli a ia kiate ia, Io, se mauli fualoa ki le lee gato o lee gato.

Pesalemo 97:6

E fakasa e le atu lagi lona faitotonu, Ti e tio a kakai fuli ki lona kololia.

Esaia 26:2

Kotou fakamavaa a matapa, Kotou tuku ke ulu le puleaga maokioki mo agatonu.

Esaia 62:10

Kotou ulu, kotou ulu i matapa ! Kotou teuteu se ala ki le kakai ! Kotou fakalauatea ! Kotou fakalauatea le ala, kotou too a fatu ! Kotou toso se manumanu ki kakai !

Mikea 4:8

Ti ko koe, tule o le kau manu, mauga ikiiki o le taine o Sione, Kiate koe e au loa, kiate koe e soko loa le pule afea, Le puleaga o le taine o Selusalemi.

Akeseo 2:7

E kau luui loa a atu puleaga fuli ; E aumai loa a koloa o atu puleaga fuli, ti e kau fakaapele loa ki le kololia le fale leinei, E pati le Eteleno.

Akeseo 2:9

E lasi ake loa le kololia o le fale fakamuli leinei I le kololia o le uluaki fale, E pati le Eteleno o kau tau ; Ti ko le ganea leinei e kau tuku ai loa le tokamalie, E pati le Eteleno o kau tau.

Malakia 3:1

Ko leinei, e kau kakau loa laku tagata avelogo ; E teuteu loa e ia le ala i oku mua. Ti fokifa e ulu loa ki lona fale tapu le Aliki leia e kotou afa ; Ti ko le tagata avelogo o le sai leia e kotou oli ki ai, ko leinei, e au a ia, E pati le Eteleno o kau tau.

Maleko 16:19

I le oki o le masau a le Aliki kia latou, na ave loa a ia ki Selo, ti na ekeeke loa a ia i le lima atamai o le Atua.

Uluaki tosi ki le kau Kolinto 2:8

Poto leia na leaise iloa e se tasi fua o le kau pule o le sekulo leinei, talie, kanapau na lotou iloa a ia, na leaise lotou tutuki loa i le koluse le Aliki o le kololia.

Sakopo 2:1

Ei oku fetaina, ke mea lakoutou tui ki lotatou Aliki fakakololia ko Sesu-Kilisito mei fakapalatasi fuli.

Uluaki tosi a Petelo 3:22

leia kua pale ki Selo ti e nofo nei i le fetuu atamai o le Atua, ti kua fakataulalo kiate ia le kau aselo, mo le kau pule, ti mo le kau makeke.

Lua tosi a Petelo 3:18

kae ke kotou tuputupua i le kalasia mo le iloa o lotatou Aliki mo Fakamauli ko Sesu-Kilisito. Kiate ia le kololia, i le temi nei o lee gato ! Amene !

Apokalipisi 4:11

E gali mo koe, ei lomatou Aliki mo lomatou Atua, ke ke maua le kololia, mo le fakamauiga, ti mo le mafimafi ; talie na ke fakatupu ia a nea fuli, ti ko lou finegalo leia e lotou maua ai ti e lotou mauli ai.