Pesalemo 23:4 - Tosi Tapu

⁴ Ka kau saele i le vaivailiua o le malu o le mate, E leaise kau i fua ki se nea veli, talie e ke nofo mo au : Ko lou tokotoko mo lou malomu e fakafimalie ia au.

Pesalemo 23:4 ပူးပေါင်းရင်းမြစ်များ

Sopo 24:17

Kia latou, ko le usu ko le malu a ia o le mate, E lotou i mate ki ai.

Sopo 3:5

Ke osoi a ia e le fakapouli matotolu mo le malu o le mate, Ke fakatuu e ao matotolu lolatou nofoaga i ona aluga, Ti ke tapono e le fakapouli matotolu le laa kiate ia !

Pesalemo 110:2

E fakamafola loa e le Eteleno mei Sione le tokotoko o lou mafimafi : Ke ke pule i loto malie o ou fili !

Pesalemo 118:6

E kau le Eteleno mo au, e leaise kau i ki se nea : Kolea e mafai ke fai mai e tagata kiate au ?

Pesalemo 138:7

Kapau e kau saele i loto malie o le mamae, e ke toe soli mai kiate au le mauli, E ke falo lou lima ki le itaita o oku fili, Ti e fakamauli au e lou lima atamai.

Pesalemo 14:5

Koia e lotou lulu loa i le i lasi, Mo ka sa mai loa le Atua i loto malie o le lanu o tagata agatonu.

Pesalemo 3:6

E kau moe, ti e kau moe mate ; E kau ala ake, talie ko le Eteleno ko loku tokoi.

Pesalemo 44:19

Na leaise maliu kese omatou loto, Na leaise fakamamao o matou vae i lou ala,

Pesalemo 46:11

Ke kotou tuku, ti ke kotou iloa ko au ko le Atua : E kau pule ki atu puleaga, ti e kau pule ki le malama nei.

Esaia 41:10

Aua na ke i ki se nea, talie e kau nofo mo koe ; Aua na ke takamilo ni mata tuania, talie ko au ko lou Atua ; E kau fakamakeke a koe, e kau au o tokoi kiate koe, E kau taofi a koe ki loku lima atamai malo.

Selemia 2:6

Na leaise lotou pati : Kofea le Eteleno, Leia na fakamavae ia matou i le fenua o Esipito, Leia na taki ia matou i le toafa, I se kele malo mo apele i popoko, I se kele leia e pule ai le taulaa mo le malu o le mate, I se kele leia e leaise ano ai fua se tasi, Ti e leaise nofo ai fua se tasi ?

Mikea 7:14

Eteleno, fagai lou kakai ki lau laakau, le kau manu o lou tofiga, Leia e nofo toka tasi i le vaomatua i loto malie o le Kalemelo ! Ke lotou kai i Pasani mo Kalaate, Ofaipe aso o le temi mua.

Sakalia 11:10

Na kau too loa laku tokotoko leia ko Kalasia, ti na kau fatii loa a ia, ke motusi ai laku sai leia na kau fai mo kakai fuli.

Sakalia 11:14

Ti na kau fatii loa le lua o tokotoko, leia ko Fakatasi, ke motusi ai le pipiki fakatautaina a Suta mo Iselaele.

Sakalia 8:23

Koia e folafola ai le Eteleno o kau tau, o pati : I aso ana, e too loa e ni tagata e tino agafulu mei masau kesekese fuli o atu puleaga se tagata Sutea e toka tasi i le tapatapa o lona kofu, o pati : E motou ano loa mo koe, talie kua motou iloa kua nofo le Atua mo koutou.

Mateo 1:23

Ko leinei, e tinae loa le taupoou, e fanaui loa e ia se vosa, ti e soli loa kiate ia le igoa ko Emanuele, ko lona uiga ko le Atua mo tatou.

Mateo 28:20

ti kotou ako latou ke lotou fai a nea fuli ala na kau fakatotonu atu kia koutou. Ti ko leinei, e kau nofo mo koutou i aso fuli, o kaku ki le fakaoki o le malama nei.

Luka 1:79

Ke fakamalama latou ala e tonatona i le fakapouli mo le malu o le mate, Ke taki otou vae i le ala o le tokamalie.

Lua tosi kia Timoteo 4:22

Ke nofo le Aliki mo lou laumalie ! Ke nofo le kalasia mo koutou !