Pesalemo 22:7 - Tosi Tapu

⁷ Kae ko au, ko se kelemutu au, e leaise ko se tagata, Ko le nea gologolo au a tagata, ti ko le tagata vesiainai au a le kakai.

Pesalemo 22:7 ပူးပေါင်းရင်းမြစ်များ

Sopo 12:4

Kua kau liliu ki oku kaukaunea ko se nea fakagologolo, Talie e kau tagi ke tokoi mai le Atua kiate au ; Io, kua liliu le tagata agatonu, leia e leaise agasala, ko se nea fakagologolo !

Sopo 16:10

Kua fakamaga olatou gutu ke lotou kai au, Kua lotou gologolo kiate au ti kua lotou fepataki oku kalaafau, Ti kua lotou kau fuli kiate au.

Sopo 16:4

Ko au foki, e mafai ke kau masau ofaipe koutou. Ka na kotou nofo i loku nofoaga : E fakamafaia loa koutou ki ni masau, Ti e kau kalokalo loa loku ulu kia koutou.

Pesalemo 109:25

Kua kau fai kia latou pe se nea gologolo ; E lotou tio mai kiate au, ti e lu olatou ulu.

Pesalemo 31:18

Eteleno, ke aua na kau luma mo ka kau fetapa kiate koe ! Kae ke luma le kau agaveli, Ke lotou ifo fakalologo ki le nofoaga o le kau mate !

Pesalemo 44:14

E ke tuku matou ke liliu ko se nea fakalumaluma ki atu puleaga ia matou, Ko se nea fakagologolo mo fakakata kia latou ala e takatakai ia matou.

Esaia 49:7

Koia e pati ai le Eteleno, le fakamauli, le Sagato o Iselaele, Ki leia e vesiainai, leia e fakalialia ki ai le kakai, Ki le tagata popula a le kau makeke : E tio loa ni sau kiate ia, ti e lotou tutuu loa ki aluga ; E tio foki ni aliki kiate ia, ti e lotou punou loa i ona mua, O tupu ko le Eteleno, leia e agatonu, O tupu ko le Sagato o Iselaele, leia na filifili ia a koe.

Esaia 53:3

Vesiaina mo tiakina e tagata, Tagata o le mamae mo masani i le mamae, Tatau mo leia e mafuli kese i ai a mata ; Na tou nukinuki kiate ia, na leaise tou tokaga fua kiate ia.

Esaia 57:4

Ko ai e kotou gologolo ki ai ? Ko ai e fakamavaa fakalaulasi ki ai okoutou gutu Ti e kotou fakainaina ki ai ? Pe leaise ko ni fanau koutou o le agasala, Se lanu o le loi ?

Mateo 27:29

Ti na lotou fili loa se pala talatala, o teki ki lona ulu, ti na lotou fakatoo loa ki lona lima atamai se fa u ; ti oki, na lotou tutuli loa i ona mua, ti na lotou nukinuki loa kiate ia, o pati : Malo, sau o le kau Sutea !

Mateo 9:24

na pati loa a ia kia latou : Kotou fakamamao kese atu ; talie e leaise mate le taine, kae e moe a ia. Ti na lotou gologolo loa kiate ia.

Maleko 15:20

Ti na oki loa lalatou gologolo lena kiate ia, na lotou too loa iate ia le taupulupulu, kae na lotou toe fakatui loa kiate ia ona kofu, ti na lotou ave loa a ia ke tutuki ki se koluse.

Maleko 15:29

Na nukinuki loa kiate ia latou ala na fakalaka i ai, mo kalokalo olatou ulu, o pati : A koe leia e maumaui ia le fale tapu, ti toe fakatuu ia a ia i aso e tolu,

Luka 16:14

Ko le kau faliseo, ala na fulupipiki ki le paaga, na fakalogo ki nea fuli ana, ti na lotou gologolo kia Sesu.

Luka 23:11

Na gologolo loa kiate ia a Elote, mo lana kau tuu matapa, ti na lotou nukinuki loa kiate ia, o fakakofu a ia ki se kofu gigila, ti na lotou toe kakau loa a ia kia Pilato.