Pesalemo 22:24 - Tosi Tapu

²⁴ Ko koutou ala e i ki le Eteleno, ke kotou vikiviki kiate ia ! Ko koutou fuli ko le sakoga o Sakopo, ke kotou fakakololia kiate ia ! Ke kotou lulu i ona mua, kotou fuli ko le sakoga o Iselaele !

Pesalemo 22:24 ပူးပေါင်းရင်းမြစ်များ

Pesalemo 118:5

Mei le manava o le mamae na kau fetapa ki le Eteleno : Na tali mai le Eteleno kiate au, ti na tuku e ia au ki le lau lasiga.

Pesalemo 22:2

Loku Atua ! loku Atua ! kolea kua ke tiaki ai au ? Kolea e ke fakamamao ai kae e leaise ke fakamauli au, ti e leaise ke logo ai ki aku tagi ?

Pesalemo 22:6

Na lotou tagi kiate koe, ti na ke fakamauli latou ; Na lotou fanaki kiate koe, ti na leaise lotou luma.

Pesalemo 34:6

Ka fulusi otou mata kiate ia, e tou gigila loa i le fiafia, Ti e leaise apele loa otou mata i le luma.

Pesalemo 35:10

E pati loa oku ivi fuli : Eteleno ! Ko ai e tatau mo koe, Ke fakamauli ia le tagata mativa i se tasi leia e makeke ake iate ia, Io, le tagata mativa mo le tagata maimoa i leia e fakamakeke ia laua ?

Pesalemo 69:17

Ke ke tali au, Eteleno ! talie e lasi ai lou agamalie. Ke ke tagaki mai ou mata kiate au o fakatatau ki le lasi o lou manava alofa,

Luka 23:46

Na kalaga loa Sesu o leo lasi : Tamana, e kau tuku loku laumalie ki ou lima. Ti oki, na mate loa a ia.

Epelo 5:7

Ko ia leia, i aso o lona kanofi, na momoli ia ni su mo ni kole o fakatasi mo ni tagi makeke ti mo ni loimata ki leia na mafai ke fakamauli ia a ia mei le mate ; ti na tali a ia o tupu ko lona fakalogo ki le Atua.