Pesalemo 22:21 - Tosi Tapu

²¹ Ke ke puipui loku laumalie i le seleta, Mo loku mauli i le pule o ni kuli !

Pesalemo 22:21 ပူးပေါင်းရင်းမြစ်များ

Pesalemo 35:17

Aliki ! E kaku loa kiafea lau tio kia latou ? Ke ke Puipui loku laumalie i alatou masele ! Loku mauli i uviki laione !

Esaia 34:7

Kua vivilo a pipi vao mo latou, Ti mo pipi tagata sele mo pipi tagata ; Kua kona le kele i le toto, Ti kua mau le one i le gako.

Numelo 23:22

Na fakamavae latou e le Eteleno mei Esipito, E fai a ia kia latou pe le makeke o le pipi vao.

Luka 22:53

I aso fuli na kau nofo mo koutou i le fale tapu, ti na leai fua se kotou kapa kiate au. Kae ko le ola leinei o koutou, ti mo le makeke o le fakapouli.

Soane 14:30

E leaise kau toe masau lasi loa mo koutou ; talie e au le pule o le malama nei. E leaise maua e ia sana nea fua e tasi iate au.

Soane 8:59

I le nea lena, na lotou too loa ni fatu ke tuki a ia ; kae na mumuni loa Sesu, o mavae mei le fale tapu.

Gaoi 4:27

Talie e maoki na fakatasi Elote, mo Posio Pilato i le kolo leinei, mo atu puleaga, ti mo kakai o Iselaele, o agatuu ki lau tagata fakasausau maokioki ko Sesu, leia na ke fakanofo,

Tetelonome 33:17

E maua e ia le mamalu o lana pipi tagata leia na uluaki tupu ; Ko ona tala ko tala o le pipi vao, Ti e tamate loa e ia ki ai a puleaga fuli, O kaku ki potupotu o le kele : Ko miliate latou o Efalaimi, Ko tino afe latou o Manase.

Lua tosi kia Timoteo 4:17

Kae ko le Aliki leia na tuu mo au ti na fakamakeke ia au, o tupu ke kau fakasa le akonaki katoa ti ke logo ki ai le kau pagani fuli. Ti na fakamauli au mei le gutu o le laione.

Uluaki tosi a Petelo 5:8

Ke kotou fakapotopoto, mo alaala ! Talie ko lokoutou fili, le Tiapolo, e taka ofaipe se laione gugulu, o afa pe ko ai leia e kai loa e ia.