Pesalemo 22:16 - Tosi Tapu

¹⁶ E malo loku makeke ofaipe le kele kula, Ti e pipiki loku alelo ki loku gutu ; E ke tuku au ki le efu o le mate.

Pesalemo 22:16 ပူးပေါင်းရင်းမြစ်များ

Pesalemo 22:1

Ki le pule o le kau sua. Ke sua i le nota o le tia o le mafoata. Pesalemo a Tavite.

Pesalemo 22:20

Kae ko koe, Eteleno, aua na ke fakamamao iate au ! Ko koe leia ko loku makekeaga, ke ke au vave o saofaki au !

Pesalemo 38:11

Kua ta vave loku mafu, kua puli loku makeke, Ti kua fakapouli oku mata.

Pesalemo 59:14

Ke ke maumaui latou i lou sausau, ke ke maumaui latou, ti ke lotou puli oki ! Ke lotou iloa e pule le Atua ki Sakopo, O kaku ki potupotu o le malama nei ! - Manava.

Pesalemo 59:6

Ko koe, Eteleno, Atua o kau tau, Atua o Iselaele, Tuu ki aluga, o tautea a atu puleaga fuli ! Aua na ke aloalofa fua ki se tasi o le kau agaveli lena ! - Manava.

Pesalemo 86:14

Ei Atua ! na tutuu mai ni tagata fia nealasi kiate au, Na loto se kau tagata toka api ki loku mauli ; E leaise lotou ave alatou manatu kiate koe.

Esaia 53:5

Kae na lavea a ia o tupu ko atatou agasala, Fatii o tupu ko atatou agaveli ; Ko le tautea leia e soli ia kia tatou le tokamalie na vilo kiate ia, Ti ko ona kafo ala e tou mauli ai.

Selemia 12:6

Talie e kakai a koe e ou fetaina totonu ti mo le fale o lou tamana ; E lotou kalaga mo makape i ou muli. Aua na ke tui kia latou, mo ka lotou fai atu kiate koe ni masau malilie.

Sakalia 12:10

Ti e kau liligi loa ki le fale o Tavite ti mo le kakai o Selusalemi Se laumalie o le alofa ti mo le tagi, Ti e lotou tagaki loa olatou mata kiate au, leia na lotou sokai ki le tao. E lotou tagi mamae loa kiate ia ofaipe le tagi ki se vosa fuatasi, E lotou tagi mamae loa kiate ia ofaipe le tagi ki se vosa uluaki.

Mateo 26:57

Na lotou too loa Sesu, ti na lotou ave loa a ia ki le fale o le pule faisakilifisio ko Kaifa, leia na fakatasi ai le kau sekelipa mo le kau fakamatuatua.

Mateo 27:35

Ti na lotou tutuki loa a ia ki le koluse, ti na lotou vae loa ona kofu, o toso, ke fakasoko ai le folafola a le polofeta : Na lotou vae oku kofu, ti na lotou toso, pe ko ai ka maua ia loku taupulupulu.

Mateo 7:6

Aua na kotou soli a nea tapu ki kuli, ti aua na kotou laku akoutou fuai kasoa ki mua o puaka, talie ke aua na lotou takatakafi loa latou ki olatou vae, ti ke aua na lotou mafuli mai loa, o sae koutou.

Maleko 15:24

Na lotou tutuki loa a ia ki le koluse, ti na lotou vae loa ona kofu, o toso ke iloa le nea leia e maua e le tagata taki toka tasi.

Luka 23:23

Kae na lotou toe kalaga fakamakeke, o kole ke kulusifiko a ia. Ti na fakalogo loa Pilato ki alatou kalaga,

Luka 23:33

I lalatou kaku ki le ganea na igoa ko Ulupoko, na lotou tutuki loa Sesu ki le koluse mo tagata agaveveli e toka lua, ko le tasi i le fetuu atamai, ti ko le tasi i le fetuu sema.

Soane 19:23

Ko le kau solia, i le oki o le tutuki o Sesu ki le koluse, na too ia loa ona kofu o vae fa, ke tasi mo ia le tagata solia lona vaega. Na lotou too foki mo lona tunika, leia na sala kautuiga ti na fai ki se kie e tasi mei aluga o kaku ki lalo. Ti na lotou fepatiaki loa :

Soane 19:34

Kae na sokai loa e se tasi o le kau solia lona vakavaka ki se tao, ti na sali loa mei ai se toto mo se vai.

Soane 19:37

Ti na toe fakasa foki e le folafola : E lotou toe tio loa ki leia na lotou sokai ia.

Soane 20:25

Na pati loa a la ake tisipulo kiate ia : Kua motou tio ki le Aliki. Kae na pati loa a ia kia latou : Kapau e leaise kau tio ki pu o fao i ona lima, ti kapau e leaise kau velo loku maikao ki pu o fao, ti kapau e leaise kau teki loku lima ki lona vakavaka, e leaise kau tui loa.

Soane 20:27

Ti na pati loa a ia kia Tomasi : Sosoaki mai lou maikao ki leinei, o tio ki oku lima ; sosoaki mai foki lou lima, o teki ki loku vakavaka ; ti aua na ke tui gataa, kae ke tui.

Filipe 3:2

Kotou tokaga ki kuli, kotou tokaga ki tagata gaoi veveli, kotou tokaga ki le kau silikosisio loi.

Apokalipisi 22:15

Ki fafo a kuli, mo le kau fai nea fakatalatupua, mo le kau fai feauaki, mo le kau tukipo, mo le kau tausi taulaatua, ti mo le kau loi fuli i masau mo gaoi !