Pesalemo 22:15 - Tosi Tapu

¹⁵ E kau faipe se vai leia e sali, Ti e mavete oku ivi fuli ; E fai loku mafu le fa silo, E okioki a ia i oku tootooga.

Pesalemo 22:15 ပူးပေါင်းရင်းမြစ်များ

Senesi 18:27

Na toe masau loa Apalaamo, o pati : Ke ke fakamalie mai kiate au leinei kua toa i le masau atu kiate koe, Aliki, a au leinei ko le ga efu noa ti ko le ga mugalafu noa.

Senesi 3:19

E ke kai loa lau pane i le kavakavaia o lou lae, o kaku ki le aso leia e ke toe liliu ai loa ki le kele, leia na ke too mei ai ; talie ko le efu a koe, ti e ke toe liliu loa ki le efu.

Lua tosi a Samuele 14:14

E maoki e tonu ke tou mamate fuli, ti e tou tatau loa mo le vai leia e maligi ki le kele, leia e leaise mafai ke toe fakatasii ; e leaise too e le Atua le mauli, ti e leaise loto a ia ke mamao mei lona agai le tagata leia na sola.

Sopo 10:9

Manatui na ke gaoi au ofaipe le kele kula ; Pe ke loto ke ke toe fakaliliu au ko le efu ?

Sopo 19:20

Kua pipiki oku ivi ki loku kili ofaipe loku kanofi, Ti koi toe fai kiate au le kili o oku nifo.

Sopo 29:10

Na fakaleemu le kau pule, Ti na mate noa olatou alelo i olatou gutu.

Sopo 30:16

I le aso nei, kua tagi loku laumalie iate au, Kua too au e aso o le mamae.

Sopo 34:15

E mamate loa a nea fuli e mauli i le temi e tasi, Ti e toe liliu loa le tagata ki le kele.

Sopo 7:21

Kolea e leaise ke fakamolemole ai laku agasala, Ti e leaise ke fakamolemole ai laku agaveli ? Talie ka kau moe loa ki le kele ; E ke afa loa au, kae e kau puli loa.

Pesalemo 104:29

E ke fufu ou mata : e lotou lulu ; E ke too lalatou tukumanava : e lotou mamate, O toe liliu ki le efu leia na lotou au mei ai.

Pesalemo 30:9

Eteleno ! na kau tagi kiate koe ; Na kau tagi mamae ki le Eteleno :

Pesalemo 38:10

Aliki ! E tuku a oli fuli o loku loto i ou mua, Ti e leaise munia aku tukumanava kiate koe.

Pesalemo 69:21

Kua fati loku loto i lauveli mai kiate au, ti kua kau masaki ; E kau talitali ki se alofa mai kiate au, kae noa ; Ki ni iki ke fakapelepele ia au, kae e leaise kau maua ia se tasi.

Pesalemo 69:3

E kau ogo i le pela, e leaise mafai ke kau tuu ; Na kau vilo ki se pupua, ti e kau malemo i se vai lasi.

Taagapati 17:22

Ko le loto leia e fiafia ko se faitoo malie, Kae ko le loto mamae e fakatupu ia le malo o ivi.

Esaia 53:12

Koia e kau soli ai loa kiate ia lona vaega mo le kau lalasi ; E vae loa e ia le koloa o le tau mo le kau makeke, O tupu na tuku e ia a ia totonu ki le mate, Ti na lau a ia i le kau tukipo, Talie na amo e ia a agasala a le toka api, Ti na ulufaki e ia le kau agasala.

Tagi laulau a Selemia 4:4

Kua pipiki le alelo o le toe memea i lona gutu, Kua malo a ia i le fia inu ; E kole e toe se pane, Kae e leaise soli e se tasi se pane kia latou.

Taniela 12:2

Ko se toka api o latou ala e momoe i le kele, e aala ake loa, ko iki ki le mauli lee gato ti ko iki ki le luma mo le nukinuki lee gato.

Mateo 27:50

Na toe kalaga leo lasi loa Sesu, o tuku lona laumalie.

Soane 19:28

Sili aia, ko Sesu, leia na iloa ia kua soko nea fuli, na pati loa, o tupu ke fakasoko le Tosi : E kau fia inu.

Uluaki tosi ki le kau Kolinto 15:3

Na kau akonaki atu kia koutou i mua o nea fuli, ofaipe le nea leia na kau tali ia foki : na mate Kilisito o tupu ko atatou agasala, o mulimuli ki le Tosi ;