Pesalemo 21:3 - Tosi Tapu

³ Na ke soli kiate ia le nea leia na oli ki ai lona loto, Ti na leaise ke fakafiti le kole o ona laugutu. - Manava.

Pesalemo 21:3 ပူးပေါင်းရင်းမြစ်များ

Lua tosi a Samuele 12:30

Na too loa e ia le pala fakasau mei le fa ulu o le sau, ko lona mamafa na fakalaka i le kau tolu kilo aulo ti na teuteui a ia ki ni fatu mauiga. Na teki loa le pala ki le fa ulu o Tavite, leia na ave ia loa i le kolo se koloa lasi ai.

Lua tosi a Samuele 2:4

Na au loa a kau tagata o Suta, o fakanofo Tavite ke sau ki le fale o Suta i Epelone. Na fakasa loa kia Tavite ko le kakai o Sapesi i Kalaate leia na tanu ia Saulo.

Lua tosi a Samuele 5:3

Koia na au loa le kau matua fuli o Iselaele kia Tavite i Epelone, ti na fai loa e le sau ko Tavite se sai mo latou i mua o le Eteleno. Na lotou pani lolo loa Tavite ko le sau o Iselaele.

Uluaki tosi o Koloniko 20:2

Na too loa e Tavite le pala leia na teki i le fa ulu o le sau o le kau Amone, ko lona mamafa ko le fa tenalio aulo e tasi, ti na teuteui a ia ki ni fatu mauiga. Na teki loa a ia ki le fa ulu o Tavite, leia na ave ia loa mei le kolo se koloa lasi ai.

Lua tosi o Koloniko 6:41

I le lakaga nei, Eteleno Atua, ke ke tuu ki aluga, ke ke au ki lou maloloaga, a koe mo le aleka o lou agai. Eteleno Atua, tuku ke kofu au tagata faisakilifisio ki le fakamauli, ti tuku ke fakafiafia lou kakai alofaina ki le manuia !

Sopo 41:11

E ulu se afu mei ona pogoiisu, Ofaipe se kulo vai leia kua pula, ofaipe se kulo kua kaka.

Pesalemo 18:18

Na saofaki loa e ia au i loku fili makeke, I oku fili ala na makeke ake iate au.

Pesalemo 20:5

Ke soli atu e ia kiate koe le nea leia e oli ki ai lou loto, Ti ke fakasoko e ia au fakaamu fuli !

Pesalemo 31:19

Ke mate noa a laugutu loi, Ala e masau fia tuu ki le tagata agatonu, Ala e masau matasoka mo fia lasi !

Pesalemo 59:10

Pe feaki le lasi o lolatou makeke ! ko koe leia, Eteleno, e kau amanaki malie ki ai, Talie ko le Atua ko loku ulufaga taualuga.

Loma 11:35

Ko ai na uluaki soli kiate ia, ke toe totogi ake e ia kiate ia ?

Loma 2:4

Pe ke fakanoai loa a koloa o lona agamalie, mo lona kataki fualoa ti mo lona manavaalofa faifualoa, o leaise ke iloa e ekenaki a koe e le agamalie o le Atua ki le fakasemala ?

Efeso 1:3

Ke fakafetai ki le Atua, le Tamana o lotatou Aliki ko Sesu-Kilisito, leia na tapuaki ia tatou ki a tapuaki fakalaumalie fuli i potu fakalagi ia Kilisito !

Epelo 2:9

Kae ko leia na tuku i se ga temi ikiiki ki lalo o le kau aselo, Sesu, e tou tio kua fakapala a ia ki le kololia mo le fakamauiga, o tupu ko le mate leia na mamae ai ; talie ko le kalasia lena o le Atua ke mamae a ia ki le mate o tupu ko tagata fuli.

Apokalipisi 19:12

Na fai ona mata pe se ula o se afi ; ti na teki i lona ulu ni pala mauke ; ti na maua e ia se igoa kua tosi, kae na leaise iloa a ia e se tasi, gato fai kiate ia totonu ;

Uluaki tosi a Samuele 16:13

Na too loa e Samuele le talai manu, ti na liligi loa e ia le lolo ki le ulu o Tavite, ti na fakatapui loa e ia a ia i mua o ona fetaina. Na ifo loa le Laumalie o le Eteleno kia Tavite, talu mei le aso lena o sosolo mai ai. Na tuu ake loa Samuele, o toe liliu ki Lama.