Pesalemo 20:7 - Tosi Tapu

⁷ Ko leinei, e kau iloa e saofaki loa e le Eteleno lona filifilia ; E tali loa e ia lana kole mei lagi, mei lona nofoaga maokioki, Ki le tokoi makeke o lona lima atamai.

Pesalemo 20:7 ပူးပေါင်းရင်းမြစ်များ

Lua tosi a Samuele 10:18

Kae na sosola loa le kau Silia i mua o Iselaele. Ti na tamate loa e Tavite a kau tau o saliote e kau lelau fitu ti mo ni tagata ekeosi e tino fa afe ; na tamate foki e ia le pule o lalatou solia ko Sopake.

Lua tosi a Samuele 8:4

Na too loa e Tavite meiate ia a tagata ekeosi e tino afe tino lelau fitu, mo tagata solia saele lalo e tino lua afe ; na tuuti loa e ia a ua o vae o osi o saliote gaoi fuli, kae na tuku loa e ia a osi o saliote tau e kau lelau.

Lua tosi o Koloniko 13:16

Na sosola loa a fanau a Iselaele i mua o Suta, ti na tuku loa latou e le Atua ki ona lima.

Lua tosi o Koloniko 14:11

Na taai loa e le Eteleno le kau Etiopia i mua o Asa mo Suta, ti na sosola loa le kau Etiopia.

Lua tosi o Koloniko 32:8

E nofo mo ia se lima fakakanofi, kae e nofo mo tatou le Eteleno, lotatou Atua, leia e tokoi mai loa kia tatou ti e tau loa kia tatou. Na fimalie loa le kakai i masau a Esekiasi, sau o Suta.

Sopo 39:11

E taka a ia i mauga o afa lana nea kai, Ti e afa e ia a nea fuli e sesega.

Pesalemo 28:8

Ko le Eteleno ko le makeke o lona kakai, Ko le utu o fakamauli o lona filifilia.

Pesalemo 45:17

E fetogi loa e au fanau ou tamana ; E ke fakanofo loa latou ke pule i le fenua katoa.

Taagapati 21:31

E teuteu le osi ki le aso o le tau Kae e fakalogo le malo ki le Eteleno.

Esaia 30:16

Na kotou pati : Leai ! e motou lele loa i ni osi ! Koia e kotou lele ai loa i ni osi, kae o sosola. Na kotou pati : e motou eke loa i ni osi gasolo ! Koia e tuli loa koutou e ni osi ala e toe gasolo ake.

Esaia 31:1

Malaia kia latou ala e ifo ki Esipito o afa se tokoi i ai, Latou ala e fanaki ki ni osi, Ti e tui ki le lasi o saliote mo le makeke o le kau solia ekeosi, Kae e leaise lotou tio ki le Sagato o Iselaele, Ti e leaise lotou afa le Eteleno !

Selemia 17:5

Koia e folafola ai le Eteleno, o pati : Malaia le tagata leia e fanaki ki le tagata, Leia e too ia le kanofi ko lona tokotoko, Ti e fakamaliu ia lona loto i le Eteleno !

Uluaki tosi a Samuele 13:5

Na fakatasi loa le kau Filisitini ke taui a Iselaele. Na lotou maua ni saliote e afe mo ni tagata ekeosi e ono afe, ti na toka api ai le kakai lena pe le one i le mata tai. Na lotou au loa o nonofo i Mikimase, i le potu esite o Pete-Aveni.

Uluaki tosi a Samuele 2:10

E lulu loa a fili o le Eteleno ; E fakapa loa e ia lana mana kia latou mei le lagi ; E fakamaau loa e le Eteleno a potupotu o le kele. E soli loa e ia le makeke ki lona sau, Ti e lagai loa e ia le makeke o lana filifiliia.