Pesalemo 20:6 - Tosi Tapu

⁶ E motou fiafia loa i lou fakamauli, E motou toso loa le manumanu i le suafa o lomatou Atua ; E tali loa e le Eteleno au kole fuli.

Pesalemo 20:6 ပူးပေါင်းရင်းမြစ်များ

Uluaki tosi o Sau 8:30

Alofa o tali le fakakolekole a lau tagata fakasausau mo lau kakai ko Iselaele, mo ka lotou faikole loa i le ganea leinei ! Alofa o tali mei le ganea o lou nofoaga, mei le atu lagi, tali mo fakamolemole !

Uluaki tosi o Sau 8:43

ke ke tali a ia mei le atu lagi, mei le ganea o lou nofoaga, ti ke ke tuku loa ki le matapule lena a nea fuli ala e kole atu loa e ia kiate koe, o tupu ke iloa e kakai fuli o le malama nei lou suafa ti ke lotou i kiate koe, ofaipe lou kakai ko Iselaele, ti ke lotou iloa e fetapa ki lou suafa i le fale leinei kua kau fakatuu !

Pesalemo 17:7

Fakasa lou agamalie, a koe leia e fakamauli ia latou ala e afa ia se mumuniaga, Ti e fakamauli ia latou ki lou lima atamai i olatou fili !

Pesalemo 18:35

E fakamakeke e ia oku lima ki le tau, Ti e fafao e oku lima le kalolo sila.

Pesalemo 18:50

Koia e kau fakafetai ai loa kiate koe i loto malie o atu puleaga, Eteleno ! Ti e kau sua loa le kololia o lou suafa.

Pesalemo 2:2

Kolea kua malaga ai ki aluga a sau o le malama nei, Ti kua kau ai a pule mo latou, O agatuu ki le Eteleno mo lona mesia ?

Pesalemo 28:8

Ko le Eteleno ko le makeke o lona kakai, Ko le utu o fakamauli o lona filifilia.

Pesalemo 41:11

Ko koe, Eteleno, alofa mai kiate au, ti ke ke fakatuu au ki aluga, Ti e kau liufaki loa kia latou lolatou totogi.

Pesalemo 9:15

O tupu ke kau fakasa ou fakavikiviki fuli I matapa o le taine o Sione, Ti ke kau fiafia ki lou fakamauli.

Esaia 57:15

Talie e folafola le Taualuga, Leia e lee gato lona nofoaga ti e maokioki lona suafa : E kau nofo i potu taualuga ti mo le maokioki ; Kae e kau nofo foki mo le tagata fakasemala mo agamalu, O tupu ke toe fakamauli a loto fakasemala, O tupu ke toe fakaofo a loto agamalu.

Esaia 58:9

Ti e ke kalaga loa, ti e tali atu loa le Eteleno kiate koe, E ke tagi loa, ti e pati loa a ia : Ko leinei au ! Kapau e ke fakamamao iate koe le kavega mamafa, Le ta fakaitaita o lima, ti mo le masau lauveli,

Esaia 63:15

Tagaki mei le lagi, ti ke tio, Mei lou nofoaga maokioki mo fakakololia : Kofea lou alofa mo lou mafimafi ? E leaise koi logo mai kiate au Le ta o lou mafu ti mo ou aloalofa.

Mikea 4:5

Talie e saele loa a kakai fuli, taki tasi i le suafa o lona atua, Ko matou, e motou saele loa i le suafa o le Eteleno, lomatou Atua, I tautupu mo tautupu, o lee gato.

Mateo 6:9

Koia e tonu ai ke kotou faikole feneeki : Lomatou Tamana leia e nofo i le atu lagi ! Ke tapusa lou suafa ;

Gaoi 2:33

Kua siki a ia ki le fetuu atamai o le Atua, ti kua tali e ia mei le Tamana le Laumalie Maokioki leia na fakapapau mai, ti kua liligi e ia a ia kia matou, ofaipe le nea leia kua kotou tio mo logo ki ai.

Gaoi 2:36

Ke iloa fakapapau e le fale katoa o Iselaele kua fakanofo e le Atua ke Aliki mo Kilisito le Sesu lena na kotou tutuki ki le koluse.

Gaoi 4:10

ke kotou iloa fuli, ti ke iloa e le kakai katoa o Iselaele : Ko le igoa o Sesu-Kilisito mei Nasaleti, leia na kotou tutuki i le koluse, kae kua toe fakatuuake e le Atua mei le kau mate, ko ia leia kua tuku ia le malolo katoa ki le tagata leinei e tuu i okoutou mua.

Gaoi 5:31

Kua siki a ia e le Atua ki lona lima atamai ko le Sau ti mo le Fakamauli, talie ke soli ki Iselaele le fakasemala mo le fakamolemole o agasala.