Pesalemo 20:4 - Tosi Tapu

⁴ Ke manatui e ia au moliga fuli, Ti ke tali e ia au failaulau ! - Manava.

Pesalemo 20:4 ပူးပေါင်းရင်းမြစ်များ

Lua tosi a Samuele 24:23

Na soli loa e Alavana a nea fuli ki le sau. Ti na pati loa Alavana ki le sau : Ke tali malie lau failaulau e le Eteleno, lou Atua !

Lua tosi o Koloniko 9:12

Na soli loa e le sau ko Salomone ki le fafine sau o Sepa a nea fuli ala na loto a ia ki ai, mo nea fuli ala na kole e ia, o lasi ake i nea ala na aumai e ia ki le sau. Ti na toe liliu loa a ia ki lona fenua mo ana tagata fakasausau.

Pesalemo 145:19

E fakasoko e ia a oli o latou ala e i kiate ia ; E logo a ia ki alatou tagi, ti e fakamauli e ia latou.

Pesalemo 21:2

Eteleno ! E fiafia le sau, o tupu ko lau puipui makeke. Io, e apele a ia i le fiafia, o tupu ko lou fakamauli !

Pesalemo 37:4

Ke ke fai ki le Eteleno lou fiafiaaga lasi, Ti e soli atu loa e ia kiate koe le nea leia e oli ki ai lou loto.

Taagapati 11:23

Ko le oli o le kau agatonu, ko le fai o le malie fuai. Ko le talitali a le kau agaveli, ko le itaita fuai.

Mateo 21:22

Ko nea fuli ala e kotou kole loa i le tui i le faikole, e kotou maua loa a ia.

Soane 11:42

Kiate au, e kau iloa e ke tali tuumau au ; kae e kau masau o tupu ko le kakai leinei e takatakai ia au, talie ke lotou tui ko koe leia na kakau ia mai au.

Soane 16:23

I le aso lena, e leaise kotou toe fakavesilii loa au ki se nea. E maoki, e maoki, e kau pati atu kia koutou, ko le nea leia e kotou kole loa ki le Tamana, e soli atu loa e ia a ia kia koutou i loku suafa.

Tuifakamaau 13:23

Na tali loa le fafine kiate ia : Kapau na loto loa le Eteleno ke ta mate, na leaise tali loa e ia le failaulau mo le moliga mei ota lima, ti na leaise fakatio loa e ia taua ki nea fuli ana, ti na leaise fakasa loa e ia kia taua a nea lalasi anei.

Uluaki tosi a Samuele 26:19

Ke fakamalie le sau, loku aliki, o fakalogo mai ki le masau a lana tagata fakasausau : Kapau ko le Eteleno leia kua lagai ia a koe ke tau kiate au, ke tali malie e ia le kaloni o se moliga ; kae kapau ko ni tagata, ke lotou malaia i mua o le Eteleno, talie e lotou kapu au i le aso nei, ke aua na kau kau ki le tofiga o le Eteleno, ti e lotou pati mai kiate au : Ano, o tausi ki ni atua kese !