Pesalemo 19:11 - Tosi Tapu

¹¹ E lotou mauiga ake i le aulo, io, i le aulo mea lasi ; E lotou sua malie ake i le meli, io, i le meli leia e sali mei laui meli.

Pesalemo 19:11 ပူးပေါင်းရင်းမြစ်များ

Lua tosi o Koloniko 19:10

I visi fuli ala e avatu loa kia koutou e okoutou fetaina i kolo ala e lotou nonofo ai, o uiga mo se tukipo, mo se lao, mo se fakatotonu, mo ni pelesepeto, mo ni fakatuutuu, ke kotou fakamalamai loa latou, o tupu ke aua na lotou agasala loa ki le Eteleno, ti ke aua na vilo loa lona sausau kia koutou mo okoutou fetaina. E kotou fai fenaaki loa, ti e leaise kotou faisala loa.

Pesalemo 119:103

E suamalie au folafola ki oku kau gutu, O lasi ake i le meli ki le gutu !

Pesalemo 119:11

E kau kukumi lau folafola i loku loto, O tupu ke aua na kau agasala kiate koe.

Pesalemo 119:72

E malie ake kiate au le lao o lou gutu I ni nea aulo mo paaga e afe.

Taagapati 11:18

E fai e le tagata agaveli ni koloa kaka ; Kae ko leia e muluki ia le faitotonu e maua ia se koloa maoki.

Taagapati 24:14

E tatau foki mo le poto, ke ke iloa e malie a ia ki lou laumalie ; Kapau e ke maua le poto, ko se apogipogi a ia kiate koe, Ti e leaise ano noa loa lau amanaki malie.

Taagapati 29:18

Ka e leaise i ai se folafola kikite mei le Atua, e mauli fakavale le kakai ; Manuia le kakai leia e tausi ia le lao a le Eteleno !

Esekiele 3:3

Na pati mai loa a ia kiate au : Vosa o le tagata, fagai lou manava ti fakaapele ou tootooga ki le takaiga tosi leia e kau soli atu kiate koe ! Na kau kai loa a ia, ti na suamalie loa a ia i loku gutu ofaipe le sua meli.

Mateo 3:7

Kae, i lana tio ki le au o ni faliseo mo ni Satuseo toka api ki lana papitema, na pati loa a ia kia latou : Lanu o gata velo, ko ai leia na ako atu ia kia koutou ke sola i le sausau leia ka vilo mai ?

Mateo 6:18

ke aua na sa ki tagata e ke sesunio, kae ke sa ki lou Tamana leia e nofo i lena i le ganea fakapulipuli ; ti ko lou Tamana, leia e tio i le ganea fakapulipuli, e liufaki ia atu loa a ia kiate koe.

Mateo 6:4

o tupu ke fai fakafufu lou nea alofa ; ti e toe liufaki atu loa a ia kiate koe e lou Tamana leia e tio i le ganea fakapulipuli.

Mateo 6:6

Kae ka ke faikole, ulu ki lou kogafale, tapono lou matapa, ti ke faikole ki lou Tamana leia e nofo i ai i le ganea fakapulipuli ; ti ko lou Tamana, leia e tio i le ganea fakapulipuli, e toe liufaki ia atu loa a ia kiate koe.

Gaoi 20:31

Koia, ke kotou leoleo ai, o kotou manatui i fetuu ai e tolu, i le ao mo le pouli, na leaise toe gato laku valoki koutou taki toka tasi mo ni loimata.

Uluaki tosi ki le kau Kolinto 4:14

E leaise kau tosi a nea ana o tupu ke fakalumai ai koutou ; kae e kau valoki koutou ofaipe ni aku fanau alofaina.

Uluaki tosi ki le kau Tesalonika 5:14

E motou kole atu foki kia koutou, fetaina, ke kotou fakatonutonu latou ala e mauli maveuveu, mo kotou fakapelepelei latou ala e mamae, mo kotou tokoi kia latou ala e gagae, ti mo kotou kataki fualoa ki tagata fuli.

Epelo 11:26

Na tio loa a ia ki le matagafua o Kilisito ofaipe se koloa leia e lasi ake i koloa o Esipito, talie na pipiki ona mata ki le fakapale.

Sakopo 1:25

Kae ko leia e tio loloto ki le lao saosaoa, lao o le lauatea, ti e kataki fualoa o fai mau a ia, ti e leaise loto galogalo kae gaoi, ko ia lena e manuia loa i lana gaoi.

Lua tosi a Soane 1:8

Kotou tokaga fua kia koutou totonu, o tupu ke aua na puli le fua o lakotou gaoi, kae ke kotou maua se fakapale lasi.

Apokalipisi 14:13

Ti na kau logo loa ki se leo mei le lagi leia na pati mai kiate au : Tosi : Manuia i le temi nei, le kau mate ala e mate i le Aliki ! Io, e pati le Laumalie, o tupu ke lotou malolo i alatou gaoi pakia, talie e muli alatou gaoi ia latou.